പി.പി.ഇ കിറ്റുകൾ കൈമാറി

കൊറോണ പ്രതിരോധ പ്രവർത്തനങ്ങൾ ഊർജിതമാക്കുന്നതിനായി ശശി തരൂർ എം.പിയുടെ പ്രാദേശിക വികസന ഫണ്ട് ഉപയോഗിച്ച് വാങ്ങി നൽകിയ പി.പി.ഇ കിറ്റ്, ഫ്ളാഷ് തെർമോമീറ്റർ എന്നിവ സഹകരണ-ടൂറിസം മന്ത്രി കടകംപള്ളി സുരേന്ദ്രൻ ജില്ലാ കളക്ടർ കെ. ഗോപാലകൃഷ്ണന് കൈമാറി. ആകെ നൽകുന്ന 9000 പി.പി.ഇ കിറ്റിന്റെ ആദ്യ ഘട്ടമായി 500 പി.പി.ഇ കിറ്റ്, 250 നോൺ കോൺടാക്ട് ഫ്ളാഷ് തെർമോമീറ്റർ എന്നിവയാണ് കൈമാറിയത്. ബാക്കിയുള്ളവ രണ്ടാഴ്ചയ്ക്കുള്ളിൽ എത്തിക്കുമെന്ന് എം.പി.യുടെ ഓഫീസ് അറിയിച്ചു.

ഡോ. ശശി തരൂരിന്റെ എംപി ഫണ്ടിൽ നിന്നും 1 കോടി രൂപ കോവിഡ് 19 റാപ്പിഡ് ടെസ്റ്റിംഗ് ഡിവൈസുകൾ വികസിപ്പിക്കുന്നതിനായി ശ്രീചിത്ര ഇൻസ്റ്റിറ്റ്യൂട്ടിന്*

റാപ്പിഡ് ടെസ്റ്റിംഗ് നടത്തുക വഴി മാത്രമാണ് കോവിഡ് 19 ന്ടെ സോഷ്യൽ പകർച്ച നിരീക്ഷിക്കാനും തടയാനും സാധിക്കുകയുള്ളു.

നിലവിൽ ഇത് പരിമിതമായ സ്ഥലങ്ങളിൽ 24 മണിക്കൂർ വരെ സമയമെടുത്താണ് നടത്തുന്നത്.

ലോകത്ത് ചില സ്ഥാപനങ്ങളും ഇന്ത്യയിൽ ഒരു സ്വകാര്യ കമ്പനിയും 15 മിനുട്ടിൽ ഫലം ലഭ്യമാക്കുന്ന കിറ്റുകൾ വികസിപ്പിച്ചെടുത്തിട്ടുണ്ട്ങ്കിലും കടുത്ത ലഭ്യതകുറവും വളരെ ഉയർന്നവിലയും (1500-4500 രൂപ വരെ) ഇവ വാങ്ങുന്നതിനും സാധാരണക്കാർക്ക് പ്രാപ്തമാക്കുന്നതിനും തടസമായിരിക്കുകയാണ്.

ഈ സഹചര്യത്തിലാണ് ഡോ. തരൂർ, തന്റെ മണ്ഡലത്തിലെ സുപ്രധാന മെഡിക്കൽ സ്ഥാപനവും, താൻ ഇൻസ്റ്റിറ്റ്യൂട്ട് മെമ്പറും ആയ ശ്രീചിത്ര തിരുനാൾ ഇൻസ്റ്റിറ്റ്യൂട്ട് ഓഫ് സയൻസ് ആൻഡ് ടെക്നോളജിയുടെ ഡയറക്ടർ പ്രൊഫ. ആശാ കിഷോറുമായി ചർച്ച നടത്തുകയും അതിന്റെ അടിസ്ഥാനത്തിൽ ഇൻസ്റ്റിറ്റ്യൂട്ടിന്റെ വിദഗ്‌ധ സംഘം ഏപ്രിൽ ആദ്യ വാരo റാപ്പിഡ് ടെസ്റ്റിംഗ് ഡിവൈസുകൾ ലഭ്യമാക്കാൻ സന്നദ്ധത പ്രകടിപ്പിക്കുകയും ചെയ്തത്.

ശ്രീചിത്ര വികസിപ്പിച്ചു നൽകുന്ന റാപ്പിഡ് ടെസ്റ്റിംഗ് ഡിവൈസുകൾ 15 മിനുറ്റുകൾക്കകം റിസൾട്ട് തരുകയും ഒരു വ്യക്തിക്ക് 200 രൂപ മാത്രം ചിലവ് വരുന്നതുമാണ്.

ഇതോടൊപ്പം ഉടനടിയുള്ള ആവശ്യങ്ങൾക്കായി 3000 കോവിഡ് 19 റാപ്പിഡ് ടെസ്റ്റിംഗ് കിറ്റുകൾ വാങ്ങുന്നതിനായി 57 ലക്ഷം രൂപയും (ഒരാൾക്ക് 1900 രൂപ നിരക്കിൽ (including GST, Freight Charge etc.) ഇന്ത്യയിൽ ICMR approve ചെയ്ത ഏക സ്ഥാപനമായ Mylab Discovery and Solution, Pune യിൽ നിന്നും) എംപി ഫണ്ടിൽ നിന്നും അനുവദിച്ചിട്ടുണ്ട്. ഇതിന്റെ ആദ്യ ബാച്ച് ഈ ബുധനാഴ്ച്ച ലഭ്യമാകു മെന്നാണ് പ്രതീക്ഷിക്കുന്നത്.

Leave a Reply