തിരുവനന്തപുരം: നിയമസഭയെ ഡിജിറ്റൽവൽക്കരിക്കുന്നതിനുള്ള ‘ഇ-നിയമസഭ’ പദ്ധതിയിൽ വൻ അഴിമതി നടന്നതായി ആരോപിച്ച് റാന്നി എം.എൽ.എ അഡ്വ. പഴകുളം മധു സ്പീക്കർക്ക് പരാതി നൽകി. പദ്ധതിയുടെ കരാറുകാരായ ഊരാളുങ്കൽ സഹകരണ സംഘം വരുത്തിയ ഗുരുതര വീഴ്ചകളെക്കുറിച്ചും ക്രമക്കേടുകളെക്കുറിച്ചും സത്യസന്ധമായ അന്വേഷണം വേണമെന്ന് സ്പീക്കർ തിരുവഞ്ചൂർ രാധാകൃഷ്ണന് നൽകിയ പരാതിയിൽ അദ്ദേഹം ആവശ്യപ്പെട്ടു.
പദ്ധതി നടത്തിപ്പിൽ വലിയ തോതിലുള്ള കാലതാമസമാണ് ഉണ്ടായിരിക്കുന്നത്. ഇതിന് പുറമെ നിരവധി ക്രമവിരുദ്ധ പ്രവർത്തനങ്ങളും കരാറുകാരുടെ ഭാഗത്തുനിന്നുണ്ടായി. ഈ വിഷയത്തിൽ വലിയ ആരോപണങ്ങൾ ഉയർന്നുവന്നിട്ടും അതൊന്നും മുഖവിലയ്ക്കെടുക്കാതെ വീഴ്ചകളെല്ലാം ക്രമവൽക്കരിച്ച് നൽകിയത് അഴിമതിയാണെന്ന് അദ്ദേഹം പരാതിയിൽ ചൂണ്ടിക്കാട്ടി. ഈ സാഹചര്യത്തിലാണ് ഊരാളുങ്കൽ സഹകരണ സംഘത്തിനെതിരെ അടിയന്തര അന്വേഷണം വേണമെന്ന ആവശ്യവുമായി അദ്ദേഹം സ്പീക്കറെ സമീപിച്ചിരിക്കുന്നത്.
