നോര്ക്ക റൂട്ട്സില് ദിവസവേതന അടിസ്ഥാനത്തില് ഡ്രൈവര് കം ഓഫീസ് അറ്റന്ഡന്റ് തസ്തികയിലേക്ക് 2026 ജൂലൈ ഒന്പതിന് (വ്യാഴാഴ്ച) വാക്ക്-ഇന് അഭിമുഖം സംഘടിപ്പിക്കുന്നു. നോര്ക്ക റൂട്ട്സ് ആസ്ഥാനമായ തൈക്കാട് നോര്ക്ക സെന്ററില് രാവിലെ 11 മണിക്കാണ് അഭിമുഖം. എസ്.എസ്.എല്.സി വിദ്യാഭ്യാസ യോഗ്യതയും ലൈറ്റ് മോട്ടോര് വാഹനത്തിനുള്ള (LMV) സാധുവായ ഡ്രൈവിംഗ് ലൈസന്സ് ഉണ്ടായിരിക്കണം. സര്ക്കാര് വകുപ്പ്/ഏജന്സി/പൊതുമേഖലാ സ്ഥാപനം (PSU)/സ്വയംഭരണ സ്ഥാപനങ്ങളില് ഡ്രൈവറായി കുറഞ്ഞത് നാലു വര്ഷത്തെ പ്രവൃത്തിപരിചയവും അനിവാര്യമാണ്. പെരുമാറ്റമികവ്, വാഹനങ്ങളുടെ അടിസ്ഥാന പരിപാലനം, റോഡ് ഗതാഗതനിയമങ്ങള്, ട്രാഫിക് സിഗ്നലുകള് എന്നിവയെക്കുറിച്ചുള്ള അറിവും അഭികാമ്യമാണ്. പ്രായപരിധി: 45 വയസ്സ്. വിദ്യാഭ്യാസ പ്രവൃത്തിപരിചയ സര്ട്ടിഫിക്കറ്റുകള്, ഡ്രൈവിംഗ് ലൈസന്സ്, ആധാര് കാര്ഡ്/മറ്റ് തിരിച്ചറിയല് രേഖകള് എന്നിവയുടെ അസ്സലുകളും പകര്പ്പുകളും സഹിതമാണ് ഹാജരാകേണ്ടത്. സര്ക്കാര് അംഗീകരിച്ച ദിവസവേതന നിരക്ക് അടിസ്ഥാനത്തിലുള്ള താല്ക്കാലിക നിയമനമാണ്. തിരഞ്ഞെടുപ്പ് നടപടിക്രമം റദ്ദാക്കാനോ, മാറ്റിവെയ്ക്കാനോ, ഭേദഗതി വരുത്താനോ നോര്ക്ക റൂട്ട്സിന് പൂര്ണ അധികാരമുണ്ടായിരിക്കും.
