ഇന്ത്യന്‍ കോഫീ ഹൌസ് ബോണസ് തർക്കം ഒത്തു തീർപ്പായി

ഇന്ത്യൻ കോഫീ ഹൗസ് തൊഴിലാളികളുടെ ബോണസ് /ഉത്സവബത്ത തർക്കം ഒത്തു തീർപ്പായി. പതിനഞ്ച് വർ്ഷം വരെ സർവീസ് ഉള്ള തൊഴിലാളികൾക്ക് 9000 രൂപയും, 15 മുതൽ 25 വർഷം വരെ സർവീസ് ഉള്ള തൊഴിലാളികൾക്ക് 11000 രൂപയും അതിൽ കൂടുതൽ സർവീസ് ഉള്ള വർക്ക് 13000 രൂപയും ബോണസ് / ഉത്സവ ബത്തയായി ലഭിക്കും. അഡിഷണൽ ലേബർ കമ്മിഷണർ (ഐ ആർ ) കെ ശ്രീലാലിന്റെ അധ്യക്ഷതയിൽ ലേബർ കമ്മീഷണറുടെ കാര്യാലയത്തിൽ ചേർന്ന് അനുരഞ്ജന യോഗത്തിലാണ് തീരുമാനം. ബോണസ് ഈ മാസം 24ന് മുമ്പ് വിതരണം ചെയ്യുന്നതിനും തീരുമാനിച്ചു. യോഗത്തിൽ മാനേജ്മന്റ് – തൊഴിലാളി സംഘടനാ പ്രതിനിധികൾ പങ്കെടുത്തു