തിരുവഞ്ചൂർ രാധാകൃഷ്ണന്റെ കെൽട്രോൺ വിരുദ്ധ പരാമർശം: കെൽട്രോൺ എംപ്ലോയിസ് അസോസിയേഷൻ (സി ഐ ടി യു) കോലം കത്തിച്ച് പ്രതിഷേധിച്ചു

കെൽട്രോൺ സ്ഥാപനങ്ങൾ എയ്റോ സ്പേസ് /പ്രതിരോധ മേഖലയിലടക്കം  വിവിധ പദ്ധതികൾ വിജയകരമായി പൂർത്തിയാക്കി ഉയർച്ചയിലേക്ക് നീങ്ങുകയാണ്. ഉത്പാദന രംഗത്ത് ഊന്നൽ നൽകി കൊണ്ട് കെൽട്രോൺ സ്ഥാപനങ്ങളെ പഴയ പ്രതാപത്തിലേക്കു എത്തിക്കുന്നതിനുള്ള വലിയ പരിശ്രമം LDF സർക്കാരിന്റെ ഭാഗത്തു നിന്ന് ഉണ്ടാകുന്നുണ്ട്.എന്നാൽ ഈ നേട്ടങ്ങളെ യാകെ ഇകഴ്ത്തി കാണിക്കാനും കെൽട്രോണിനെ തകർക്കാനുമുള്ള നീ ക്കങ്ങളാണ് കോൺഗ്രസ് നേതൃത്വത്തിൽ പ്രതിപക്ഷത്തിന്റെ ഭാഗത്തു നിന്നും നിരന്തരം ഉണ്ടാകുന്നത്. ഇതിന്റെ ഒടുവിലത്തെ ഉദാഹരണമാണ് കെൽട്രോൺ ഒരു സ്‌ക്രൂവോ, നട്ടോ ഉണ്ടാക്കുന്നില്ല എന്ന പ്രതിഷേധാർഹമായ പരാമർശം തിരുവഞ്ചൂർ രാധാകൃഷ്ണന്റെ ഭാഗത്തു നിന്ന് നിയമസഭയിൽ ഉണ്ടായത്.ഇതിൽ പ്രതിഷേധിച്ചു കെൽട്രോൺ എംപ്ലോയീസ് അസോസിയേഷൻ ഇന്ന് 13.09.23 ബുധനാഴ്ച  വൈകുന്നേരം 5 മണിക്ക് തിരുവനന്തപുരത്ത് പ്രതിഷേധ പ്രകടനവും,യോഗവും സംഘടിപ്പിക്കുകയും തിരുവഞ്ചൂർ രാധാകൃഷ്ണന്റെ കോലം കത്തി ക്കുകയും ചെയ്തു.സ. കടകംപള്ളി സുരേന്ദ്രൻ എം എൽ എ ഉദ്ഘടനം ചെയ് തു.പാളയം VJT ഹാളിന് സമീപത്തു നിന്ന് നിയമസഭ മന്ദിരത്തിലേക്കു നടന്ന പ്രകടനത്തിലും, യോഗത്തിലും 200 ഓളം ജീവനക്കാർ പങ്കെടുത്തു.വർക്കിംഗ്‌ പ്രസിഡന്റ്‌ ഡി മോഹനൻ അധ്യക്ഷത വഹിച്ചു. ജന. സെക്രട്ടറി ആർ സുനിൽ സ്വാഗതം പറഞ്ഞു.ട്രെഷറെർ PN വേണുഗോപാലൻ,ജയചന്ദ്രൻ നായർ, എസ് എസ് വിനോദ് തുടങ്ങിയവർ സംസാരിച്ചു.