നിയമസഭാ തിരഞ്ഞെടുപ്പുമായി ബന്ധപ്പെട്ട് ജില്ലയിലെ പ്രവർത്തനങ്ങൾ ഏകോപിപ്പിക്കുന്നതിനായി ജില്ലാ കളക്ടർ അനു കുമാരിയുടെ അദ്ധ്യക്ഷതയിൽ നോഡൽ ഓഫീസർമാരുടെ അവലോകന യോഗം ചേർന്നു. കളക്ടറേറ്റ് കോൺഫറൻസ് ഹാളിൽ തിരഞ്ഞെടുപ്പിന്റെ മുഖ്യ ചുമതലകൾ നിർവഹിക്കുന്ന നോഡൽ ഓഫീസർമാരുടെ യോഗമാണ് ചേർന്നത്.
പോസ്റ്റൽ ബാലറ്റ്, പെരുമാറ്റചട്ടം, ഇവിഎം മാനേജ്മെന്റ്, ഹരിത പ്രോട്ടോകോൾ, സ്വീപ്പ്, ട്രെയിനിങ് തുടങ്ങിയ പ്രവർത്തനങ്ങളുടെ പുരോഗതി ജില്ലാ ഇലക്ഷൻ ഓഫീസർ കൂടിയായ കളക്ടർ വിലയിരുത്തി.
സ്വതന്ത്രവും നിഷ്പക്ഷവും സുതാര്യവുമായ തിരഞ്ഞെടുപ്പ് ഉറപ്പു വരുത്തുന്നതിനായി എല്ലാ നോഡൽ ഓഫീസർമാരും കൃത്യമായി ചുമതല നിർവഹിക്കണമെന്ന് കളക്ടർ നിർദേശിച്ചു. തിരഞ്ഞെടുപ്പിന്റെ ഓരോ ഘട്ടത്തിലും നോഡൽ ഓഫീസർമാർ നിർവഹിക്കേണ്ട ചുമതലകളും കളക്ടർ നിർദേശിച്ചു. യോഗത്തിൽ തിരഞ്ഞെടുപ്പ് വിഭാഗം ഡെപ്യൂട്ടി കളക്ടർ ബിജു എസ്, വിവിധ നോഡൽ ഓഫീസർമാർ തുടങ്ങിയവർ സംബന്ധിച്ചു.