ഭാരതീയ വിദ്യാഭവനില്‍ ഇൻവെസ്റ്റിച്ചർ സെറിമണി നടന്നു

വട്ടിയൂർക്കാവ് ഭാരതീയ വിദ്യാഭവൻ സീനിയർ സെക്കൻഡറി സ്കൂൾ 2026 അധ്യയനവർഷത്തെ ഇൻവെസ്റ്റിച്ചർ സെറിമണി ജൂൺ 29ന് സ്കൂൾ ഓഡിറ്റോറിയത്തിൽ വച്ച് നടത്തി. കേരള, ലക്ഷദ്വീപ് എൻ.സി.സി ഡയറക്ടറായ കേണൽ. എം. പ്രമോദ് ഉദ്ഘാടനം നിർവഹിച്ച ചടങ്ങിന് സ്കൂൾ പ്രിൻസിപ്പൽ ശ്രീ. സുനിൽ ചാക്കോ സ്വാഗതമാശംസിച്ചു.

സ്ഥാനാരോഹണത്തോടൊപ്പം നടത്തിയ ബാഡ്ജ് അണിയിക്കൽ ചടങ്ങിൽ ഭാരതീയ വിദ്യാഭവൻ തിരുവനന്തപുരം കേന്ദ്ര ഓണററി സെക്രട്ടറി. എസ്. ശ്രീനിവാസൻ ഐഎഎസ് (റിട്ടയേർഡ്) ഓണററി അസോസിയേറ്റ് സെക്രട്ടറിയും ഡയറക്ടറുമായ ശ്രീ. ജി. എൽ മുരളീധരൻ സ്കൂൾ വൈസ് പ്രിൻസിപ്പൽ ശ്രീമതി മഞ്ജുഷ പി. എസ് എന്നിവർ പങ്കെടുത്തു. പ്രസ്തുത ചടങ്ങിന് സ്കൂൾ സെനറ്റ് അഡ്വൈസർ ശ്രീ. എസ്. സനിൽ കൃതജ്ഞത പ്രകാശിപ്പിച്ചു.