ഇരിങ്ങാലക്കുട കല്ലേറ്റുംകരയിലെ റെയിൽവേ സ്റ്റേഷനോടുള്ള അവഗണന റെയിൽവേ ബോർഡിന്റെ ശ്രദ്ധയിൽ കൊണ്ടുവരുമെന്ന് ഉന്നതവിദ്യാഭ്യാസ- സാമൂഹ്യനീതി മന്ത്രിയും നിയോജക മണ്ഡലം എം എൽ എ യുമായ ഡോ. ആർ ബിന്ദു പറഞ്ഞു. കല്ലേറ്റുംകര റെയിൽവേ സ്റ്റേഷനിലെ ശോചനീയാവസ്ഥ നേരിൽക്കണ്ട് വിലയിരുത്തുകയായിരുന്നു മന്ത്രി.
പഴയകാല റെയിൽവെ സ്റ്റേഷനുകളിൽ പശ്ചാത്തലസൗകര്യത്തിൽ ഇത്ര അവഗണന നേരിടുന്ന സ്റ്റേഷൻ വേറെ ഉണ്ടാവില്ലെന്നും ഇക്കഴിഞ്ഞ അഞ്ചു വർഷത്തെ അധികൃതരുടെ പെർഫോമൻസ് ദയനീയമാണെന്നും മന്ത്രി പറഞ്ഞു.
വരുമാനത്തിലും യാത്രക്കാരുടെ എണ്ണത്തിലും പ്രതിവർഷം വർദ്ധന ഉള്ളപ്പോഴും, കഴിഞ്ഞ അഞ്ചു വർഷത്തിലും ഒരു മുന്നേറ്റവും സ്റ്റേഷന് ഉണ്ടായിട്ടില്ല. സ്റ്റേഷൻ പ്രവർത്തനത്തെപ്പറ്റിയും സൗകര്യവർദ്ധനയോട് റെയിൽവെ അധികൃതർ കാണിക്കുന്ന ശ്രദ്ധക്കുറവിനെപ്പറ്റിയും യാത്രക്കാർക്കും നാട്ടുകാർക്കും നിരവധി പരാതികളാണുള്ളത്.
പാസഞ്ചേഴ്സ് അസോസിയേഷനും സ്റ്റേഷനുമായി ബന്ധപ്പെട്ട വിവിധ ജോലികൾ ചെയ്യുന്നവരുടെയും ആക്ഷേപങ്ങൾ ഗുരുതരമാണ്. പാസഞ്ചറുകളടക്കം നിലവിലെ ട്രെയിനുകൾക്ക് ഉണ്ടായിരുന്ന സ്റ്റോപ്പുകൾ നിർത്തലാക്കിയതടക്കമുള്ള ആക്ഷേപങ്ങൾ അധികൃതർ ശ്രദ്ധിച്ചിട്ടു പോലുമില്ല. ശുചിമുറിയും വിശ്രമമുറിയും പോലുള്ള നിർബന്ധിത സൗകര്യങ്ങളിൽ പോലും പരിതാപകരമാണ് നില.
ഒന്നര വർഷം മുമ്പു തുടങ്ങിയ കുളിമുറി നിർമ്മാണം സമയത്തിനു തീർക്കാനുള്ള മുൻകൈ പോലും സ്റ്റേഷൻ അധികൃതർ എടുത്തിട്ടില്ല. ബഹു. എംപി അഞ്ചു വർഷമായി സ്റ്റേഷൻ സന്ദർശിച്ചിട്ടു പോലുമില്ലാത്ത സ്ഥിതിയാണ്. കേന്ദ്രമന്ത്രിയുടെയും റെയിൽവെ ബോർഡിന്റെയും എംപിയുടെതന്നെയും അടിയന്തിര ശ്രദ്ധയിൽ ഇവ കൊണ്ടുവരുമെന്നും മന്ത്രി ഡോ. ആർ ബിന്ദു വ്യക്തമാക്കി.
ജില്ലാ പഞ്ചായത്ത് പ്രസിഡണ്ട് പി കെ ഡേവിസ് മാസ്റ്ററുടെയും മറ്റു ജനപ്രതിനിധികളുടെയും ഒപ്പം റെയിൽവേ സ്റ്റേഷനിലെത്തിയ മന്ത്രി യാത്രക്കാരുടെ വിമർശനങ്ങളും പ്രശ്നങ്ങളും നേരിട്ട് മനസ്സിലാക്കുകയും പരിഹാരത്തിനായി ഇടപെടുമെന്ന് ഉറപ്പു നൽകുകയും ചെയ്തു.
മലയാളത്തിലാദ്യമായി ക്യാമ്പിങ്ങിന്റെ പശ്ചാത്തലത്തിൽ ഒരുങ്ങുന്ന ചിത്രം "കൂടൽ" ചിത്രീകരണം തുടങ്ങി. ഇന്നത്തെ യുവത്വത്തിന്റെ ആഘോഷവും, അവർക്കിടയിലുണ്ടാകുന്ന സംഭവവികാസങ്ങളുമാണ് അവതരിപ്പിക്കുന്നത്. ബിബിൻ…
ആദ്യം രജിസ്റ്റര് ചെയ്യുന്ന ഒരു ലക്ഷം പേര്ക്ക് പ്ലാറ്റ്ഫോം പ്രവേശനവും എക്സ്ക്ലൂസീവ് ഫീച്ചേഴ്സും സൗജന്യം കൊച്ചി: ക്രിക്കറ്റ് താരം ധോണിയുടെ…
സിനിമാ സെറ്റുകളിലെ ലഹരി ഉപയോഗം അന്വേഷിക്കണമെന്ന് . പ്രത്യേക അന്വേഷണ സംഘത്തിന് നിർദേശം നൽകി ഹൈക്കോടതി.ആവശ്യമായ നടപടികൾ സ്വീകരിക്കണമെന്നും കോടതി…
രഞ്ജി ട്രോഫി സീസണിലെ ആദ്യ മത്സരത്തില് കേരളത്തിന് തകർപ്പൻ വിജയം. തിരുവനന്തപുരം നടന്ന മത്സരത്തിന്റെ അവസാന ദിവസം 158 എന്ന…
കോഴിക്കോട്: കേരളത്തിലെ ഫുള് എ പ്ലസുകള് പൊള്ളത്തരമാണെന്ന് ശാസ്ത്രജ്ഞനും ഇന്ത്യന് നാഷണല് അക്കാഡമി ഫെലോയുമായ പ്രൊഫ. കാനാ സുരേശന്. എസന്സ്…
ഒക്ടോബർ 28 മുതൽ 30 വരെ എൽ എൻ സി പി ഗ്രൗണ്ടിൽ സംസ്ഥാന പട്ടിക വർഗ വികസന വകുപ്പിനു…