തിരുവനന്തപുരം: മെയ് 23 മുതൽ 26 വരെ തിരുവനന്തപുരത്ത് നടക്കുന്ന കേരള ഗസ്റ്റഡ് ഓഫീസേഴ്സ് അസോസിയേഷൻ (കെജിഒഎ) വജ്രജൂബിലി സംസ്ഥാന സമ്മേളനത്തോടനുബന്ധിച്ച് സംഘടിപ്പിച്ച ചരിത്ര രേഖാ പ്രദർശനത്തിന് തുടക്കമായി. മെയ് 22 മുതൽ 26 വരെ ഡോ. കെ. എൻ. പണിക്കർ നഗറിലാണ് (സെന്റ് ജോസഫ് സ്കൂൾ) പ്രദർശനം നടക്കുന്നത്.
സംസ്ഥാന സമ്മേളന സംഘാടക സമിതിയുടെ രക്ഷാധികാരി പാറശ്ശാല എം.എൽ.എ സി.കെ. ഹരീന്ദ്രൻ പ്രദർശനം ഉദ്ഘാടനം ചെയ്തുസംസാരിച്ചു. കേരള വികസനത്തിൽ സിവിൽ സർവീസ് വഹിച്ച പങ്ക്, ജീവനക്കാരുടെ സംഘടനാ ചരിത്രം, സമര പോരാട്ടങ്ങളുടെ സംക്ഷിപ്ത വിവരങ്ങൾ, കേരള നവോത്ഥാനത്തിന്റെ അവിസ്മരണീയ മുഹൂർത്തങ്ങൾ, കെജിഒഎയുടെ ആറ് പതിറ്റാണ്ടുകാലത്തെ പ്രവർത്തന പന്ഥാവിലെ പ്രധാന സംഭവങ്ങൾ എന്നിവ കോർത്തിണക്കിയാണ് പ്രദർശനം ഒരുക്കിയിരിക്കുന്നത്.
കെജിഒഎ സംസ്ഥാന പ്രസിഡന്റ് ഡോ. എസ്.ആർ. മോഹനചന്ദ്രൻ അധ്യക്ഷനായ ചടങ്ങിൽ ജനറൽ സെക്രട്ടറി എം. ഷാജഹാൻ സ്വാഗതം ആശംസിച്ചു. സംസ്ഥാന സെക്രട്ടറി എം. എൻ. ശരത് ചന്ദ്രലാൽ, സംസ്ഥാന ട്രഷറർ എ. ബിന്ദു, സംസ്ഥാന വൈസ് പ്രസിഡന്റ് ഡോ. സിജി സോമരാജൻ, സംസ്ഥാന വനിതാ കമ്മിറ്റി കൺവീനർ ജെ. ജോസഫൈൻ, സംസ്ഥാന സെക്രട്ടേറിയറ്റ് അംഗം ജി.കെ. മണിവർണ്ണൻ, ഡോ. ജാൻകി ദാസ്, സൗത്ത് ജില്ലാ സെക്രട്ടറി സുരേഷ് ബാബു, പ്രസിഡന്റ് പി.സി. സന്തോഷ്, നോർത്ത് ജില്ലാ സെക്രട്ടറി സജി സത്യശീലൻ മുൻ കാല പ്രവർത്തകർ തുടങ്ങിയവർ പങ്കെടുത്തു. നോർത്ത് ജില്ലാ പ്രസിഡന്റ് ഷമ്മി ബേക്കർ നന്ദി രേഖപ്പെടുത്തി.
പുതുതായി സർവീസിലേക്ക് എത്തുന്ന ജീവനക്കാർക്ക് സിവിൽ സർവീസിന്റെ ചരിത്രം പരിചയപ്പെടുത്തിയും ഐക്യബോധം വളർത്തിയും മുന്നോട്ടുള്ള സംഘടനാപ്രവർത്തനങ്ങൾക്ക് ഊർജം പകരുന്നതാണ് ഈ ചരിത്ര രേഖാ പ്രദർശനം.
ന്യൂഡൽഹി: 2027ലെ സെൻസസ് നടപടികളുടെ ഭാഗമായി പൗരന്മാരുടെ സ്വകാര്യ വിവരങ്ങൾ ശേഖരിക്കുന്നതിൽ നിയന്ത്രണം വേണമെന്ന് സിപിഐ എം. ആധാർ നമ്പർ,…
ഇന്നത്തെ ഓരോ നക്ഷത്രക്കാരുടെയും ജാതകഫലം ഇന്ന്, 2026 ഓഗസ്റ്റ് 25, വിവിധ നക്ഷത്രക്കാർക്ക് തൊഴിൽ, ധനം, കുടുംബം, ആരോഗ്യം എന്നിവയിൽ…
തിരുവനന്തപുരം: ഇടപ്പഴഞ്ഞി പ്രദേശത്ത് സായാഹ്ന തട്ടുകടകൾ പ്രവർത്തനം ആരംഭിക്കാനുള്ള നീക്കത്തിൽ ആശങ്കയറിയിച്ച് എടപ്പഴഞ്ഞി റസിഡന്റ്സ് അസോസിയേഷൻ. വഴുതക്കാട് വാർഡ് കൗൺസിലർക്ക്…
തിരുവനന്തപുരം: ട്രിവാൻഡ്രം റോയൽസിനെതിരായ മത്സരത്തിൽ തകർപ്പൻ ബൗളിംഗ് പ്രകടനവുമായി കെസിഎല്ലിലെ പുതുമുഖമായ ബ്ലൂടൈഗേഴ്സ് താരം കാർത്തിക് ബി നായർ. മൂന്ന്…
തിരുവനന്തപുരം: വൈദ്യുതിരംഗത്തെ പ്രവർത്തനക്ഷമത വർധിപ്പിക്കുകയും ചെലവ് കുറയ്ക്കുന്നതിലൂടെ ലഭിക്കുന്ന നേട്ടം ഉപഭോക്താക്കൾക്ക് പൂർണമായി ലഭ്യമാക്കുകയും ചെയ്യുക എന്ന ലക്ഷ്യത്തോടെ കേരള…
തിരുവനന്തപുരം: മൂന്ന് വ്യത്യസ്ത കഥകളും ജീവിതാനുഭവങ്ങളും കോർത്തിണക്കി ഒരുക്കിയ മലയാള ചിത്രം ‘ഡെസ്റ്റിനി’ ഉടൻ പ്രദർശനത്തിനെത്തുന്നു. നവനീത് കൃഷ്ണ പ്രൊഡക്ഷൻസിന്റെ…