കഴകൂട്ടം: തിരുവനന്തപുരം ലത്തീൻ അതിരൂപതയുടെ കീഴിലുള്ള ട്രിവാൻഡ്രം സോഷ്യൽ സർവീസ് സൊസൈറ്റി വിവിധ വികസന പ്രവർത്തനങ്ങളിലൂടെയും കാരുണ്യ പ്രവർത്തനങ്ങളിലൂടെയും സമൂഹത്തിന് ഒരു മാതൃകയായി നിലനിൽക്കുന്നു. ദേശീയ വിദ്യാഭ്യാസ നയം ഉന്നം വയ്ക്കുന്ന സമഗ്രമായ വിദ്യാഭ്യാസം ഒരു കുടക്കീഴിൽ നൽകുക എന്ന ഉദ്ദേശത്തോടുകൂടി സെപ്റ്റംബർ 9ന് മരിയൻ ക്യാമ്പസിനെ മരിയൻ എജു സിറ്റി ആയി ആദരണീയനായ കേരള ഗവർണർ ശ്രീ ആരിഫ് മുഹമ്മദ് ഖാൻ പ്രഖ്യാപിച്ചു.
ലത്തീൻ അതിരൂപത ബിഷപ്പ് ഡോ. തോമസ് ജെ നെറ്റോ, ബിഷപ്പ് എമിരിറ്റസ് ഡോ. സൂസപാക്യം, ലത്തീൻ അതിരൂപത വികാർ ജനറൽ ഡോ. യുജിൻ പെരേര, എംഎൽഎ ശ്രീ വി. ശശി, ഫാദർ ഡോ. എ. ആർ. ജോൺ, ഫാ. പങ്ക്രീഷ്യസ് എന്നിവർ പങ്കെടുത്തു.
