വെള്ളായണി കാർഷിക കോളേജിലെ അവസാന വർഷ ബിരുദ വിദ്യാർത്ഥികളുടെ ഗ്രാമീണ അവബോധ പ്രവർത്തി പരിചയ പരിപാടിയുടെ ഭാഗമായി, *ഏപ്രിൽ 29 രാവിലെ 10 മണി മുതൽ* സ്വയം സഹായ സംഘങ്ങൾക്ക് പുതിയ സംരംഭക സാധ്യതയുള്ള വിഷയങ്ങൾ ഉൾപ്പെടുത്തിക്കൊണ്ട് ഒരു ദിവസത്തെ പരിശീലന പരിപാടി കോളേജിലെ കാർഷിക വിജ്ഞാന വ്യാപന വിദ്യാഭ്യാസ വിഭാഗത്തിൽ വെച്ച് നടത്തുന്നു. പരിപാടിയുടെ ഭാഗമായി രാവിലെ 10 മണി മുതൽ *ചെറുകിട മത്സ്യ സംസ്കരണവും സംരംഭകത്വവും* എന്ന വിഷയത്തിലും ഉച്ചയ്ക്ക് 2 മണി മുതൽ *നാടൻ പഴങ്ങളുടെ മൂല്യ വർദ്ധനവ്* എന്ന് വിഷയത്തിലും ആണ് പരിശീലന ക്ലാസുകൾ നടത്തുന്നത്. കാലിക പ്രാധാന്യമുള്ള ഈ വിഷയങ്ങളിൽ സെൻട്രൽ ഇൻസ്റ്റിറ്റ്യൂട്ട് ഓഫ് ഫിഷറീസ് ടെക്നോളജിയിലെ പ്രധാന ശാസ്ത്രജ്ഞ, ഡോ. ആശാലത, കാർഷിക കോളേജിലെ കമ്മ്യൂണിറ്റി സയൻസ് വിഭാഗം പ്രൊഫസർ, ഡോ. സുമ ദിവാകർ എന്നിങ്ങനെയുള്ള വിദഗ്ധരാണ് ക്ലാസുകൾ നയിക്കുന്നത്. പഠന പ്രവർത്തനങ്ങളുടെ ഭാഗമായി സ്വയം സഹായ സംഘങ്ങൾക്ക് വേണ്ടി വിദ്യാർത്ഥികൾ സംഘടിപ്പിക്കുന്ന ഈ സൗജന്യ പരിശീലന പരിപാടിയിൽ പങ്കെടുക്കുവാൻ താല്പര്യമുള്ളവർ രജിസ്റ്റർ ചെയ്യുന്നതിനും മറ്റ് സംശയനിവാരണത്തിനും 6282936100, 85908 32179 എന്നീ നമ്പറുകളിൽ ബന്ധപ്പെടാവുന്നതാണ്.
