കേരള പ്രദേശ് കർഷക കോൺഗ്രസ് തിരുവനന്തപുരം ജില്ലാ കമ്മിറ്റിയുടെ നേതൃത്വത്തിൽ പാങ്ങോട് മണ്ഡലം കമ്മിറ്റിയുടെ ആഭിമുഖ്യത്തിൽ കർഷകസംഗമവും ജനപ്രതിനിധികൾക്ക് സ്വീകരണവും നൽകി. കല്ലറ പഞ്ചായത്തിലെയും പാങ്ങോട് പഞ്ചായത്തിലെയും കോൺഗ്രസ്,,കർഷക കോൺഗ്രസ് പ്രതിനിധികളായവർക്കാണ് സ്വീകരണം നൽകിയത്. കാർഷിക ജോലികളിൽ ഏർപ്പെട്ടിട്ടുള്ള 25 ഓളം രോഗികളയവർക്ക് രോഗി സഹായവും, ഭക്ഷ്യ ധാന്യ കിറ്റും വിതരണം നടത്തി. കർഷക കോൺഗ്രസ് തിരുവനന്തപുരം ജില്ലാ പ്രസിഡണ്ട് തോംസൺ ലോറൻസ് കർഷക സംഗമം ഉദ്ഘാടനം ചെയ്തു. ജില്ലാ പഞ്ചായത്ത് അംഗം സുധീർഷാ പാലോട് മുഖ്യപ്രഭാഷണം നടത്തി. മണ്ഡലം പ്രസിഡണ്ട് ഗഫൂർ പഴവിള അധ്യക്ഷനായി.ഡിസിസി ജനറൽ സെക്രട്ടറി പവിത്രകുമാർ, നന്ദിയോട് സുശീലൻ, ജാഫർ മൗലവി, കാനാവിൽ ഷിബു, മിനി ലാൽ, ആമിന മോൾ, കല്ലറ ഗ്രാമപഞ്ചായത്ത് പ്രസിഡണ്ട് വിജിത, വൈസ് പ്രസിഡണ്ട് യൂസഫ് കല്ലറ, പാങ്ങോട് ഷംനാദ്, സതി തിലകൻ, നൗഷാദ് താഴെ പാങ്ങോട്, നിസാം പുലിപ്പാറ, അനസ് കരിം തുടങ്ങിയവർ സംസാരിച്ചു.
