പുനലൂര്‍ സിറ്റി മാരത്തൺ ആഗസ്റ്റ്‌ 26ന് രാവിലെ; പൊതുജനങ്ങള്‍ക്കും പങ്കെടുക്കാം

ഭാരതത്തിന്റെ 78-മത്‌ സ്വാത്രന്ത്യ ദിനാഘോഷ പരിപാടികളുടെ ഭാധമായി പുനലൂര്‍ ശബരിഗിരി സ്കൂളിന്റെയും
സ്പോട്ടിഫിറ്റ്ജന്‍ ബംഗളൂരുവിന്റെയും നേതൃത്വത്തില്‍ മാതൃരാജ്യത്തിന്റെ സ്വാതന്ത്രത്തിനായി ജീവത്യാഗം ചെയ്ത ധീരയോദ്ധാക്കളുടെ സ്മരണാര്‍ത്ഥം സമുഹത്തിന്റെ ഇതരമേഖലകളില്‍ പ്രവര്‍ത്തിക്കുന്ന പൊതുജനങ്ങളെയും കായികതാരങ്ങളെയും കുട്ടികളെയും രക്ഷകര്‍ത്താക്കളെയും സംഘടിപ്പിച്ചു കൊണ്ട്‌
ആഗസ്റ്റ്‌ 26 തിങ്കളാഴ്ച രാവിലെ 6 ന്‌ പുനലൂര്‍ സിറ്റി മാരത്തൺ 2024 സംഘടിപ്പിക്കുകയാണ്‌.

സ്വാത്രന്ത്യത്തിന്റെ അമൃതവര്‍ഷത്തില്‍ തുടക്കമിട്ട പുനലൂര്‍ സിറ്റി മാരത്തണ്‍ വിജയകരമായ മൂന്നാം വര്‍ഷത്തിലേക്ക്‌ കടക്കുകയാണ്‌. മുന്‍ വര്‍ഷങ്ങളിലെ വിജയങ്ങൾ സമ്മാനിച്ച ഊര്‍ജ്ജം ഉൾക്കൊണ്ടുകൊണ്ട്‌ കൂടുതല്‍ ഭംഗിയായി മികച്ച രീതിയില്‍ ആയിരത്തില്‍പരം മത്സരാര്‍ത്ഥികളെ പങ്കെടുപ്പിച്ചു കൊണ്ട്‌ നാല്‌ വിഭാഗങ്ങളായാണ്‌ [Senior Open Category (14K), Under 19 Boys, Girls & Ladies (9K), Veterans: 50 years and above (6K), Under 15 (4K)]. പുനലൂര്‍ സിറ്റി മാരത്തൺ 2024 നടത്തുന്നത്‌.

ഓഗസ്റ്റ്‌ 26 തിങ്കളാഴ്ച രാവിലെ ആറു മണിക്ക്‌ ശബരിഗിരി സ്കൂളില്‍ നിന്നും പുനലൂര്‍ സിറ്റിമാരത്തണ്‍ 2024 ഫ്ളാഗ്ഓഫ്‌ ചെയ്യും. മാരത്തണില്‍ വിജയികള്‍ ആകുന്നവര്‍ക്ക്‌ ക്യാഷ്‌ പ്രൈസ്‌, മെഡല്‍, സര്‍ട്ടിഫിക്കറ്റ്‌, സമ്മാനക്കുപ്പണ്‍ എന്നിവ സമ്മാനിക്കുന്നതാണ്‌. മാരത്തൺ വിജയകരമായി പൂര്‍ത്തിയാക്കുന്ന എല്ലാ മത്സരാര്‍ത്ഥികൾക്കും ഇ- സർട്ടിഫിക്കറ്റ്‌ നല്‍കും.

പുനലൂര്‍ സിറ്റി മാരത്തൺ ഒരു മാരത്തൺ എന്നതിലുപരി പൊതുജന പങ്കാളിത്തവും, രാജ്യ സ്നേഹവും ഉയര്‍ത്തിപ്പിടിക്കുന്ന ഒരു ജനകീയ മാരത്തണിന്റെ ഭാഗമാവാനും, പുനലൂര്‍ സിറ്റി മാരത്തൺ 2024 ഒരു വന്‍ വിജയമാക്കുകയും ചെയ്യണമെന്ന് പുനലൂര്‍ ശബരിഗിരി സ്കൂൾ.