ഖോ ഖോ ചാമ്പ്യൻഷിപ്പ് ആരംഭിച്ചു

തിരുവനന്തപുരം : സി ബി എസ് ഇ ക്ളസ്റ്റർ ഇലവൻ ഖോ ഖോ ചാമ്പ്യൻഷിപ്പിന് തിരിതെളിഞ്ഞു. തിരുവനന്തപുരം ജില്ല ആതിഥേയത്വം വഹിക്കുന്ന ഖോ ഖോ ചാമ്പ്യൻഷിപ്പിന്റെ ഉദ്ഘാടനം മണക്കാട് ദി ഒക്സ്ഫോർഡ് സ്കൂളിൽ സംഘടിപ്പിച്ച വർണ്ണാാഭമായ ചടങ്ങിൽ ഖോ ഖോ ദേശിയ ഗെയിംസ് ജേതാവ് അരുൺ എസ് എ നിർവ്വഹിച്ചു.

സ്കൂൾ പ്രിൻസിപ്പൽ അബുബക്കർ സിദ്ധിക്ക് അധ്യക്ഷത വഹിച്ച ഉദ്ഘാടന ചടങ്ങിൽ ദി ഓക്സ്ഫോർഡ് സുകൂൾ ഫിസിക്കൽ എഡ്യൂക്കേഷൻ വിഭാ​ഗം മേധാവി ജാസിം ദാസ് സ്വാ​ഗതം ആശംസിച്ചു. സി ബി എസ് ഇ നിരീക്ഷകൻ ഹരി, ദി ഒക്സ്ഫോർഡ് സ്കൂളിലെ വിവിധ വിഭാ​ഗങ്ങളിലെ പ്രഥാനാധ്യാപകരായ മുഹമ്മദ്സയിദ്, സന്ധ്യാ ജി,നമൃത,അജ്ഞലികൃഷ്ണ തുടങ്ങിയവർ പങ്കെടുത്തു.

അടുത്തിടെ കഴിഞ്ഞ സി ബി എസ് ഇ ക്ലസ്റ്റർ ഇലവൻ ബാഡ്മിന്റൺ ചാമ്പ്യൻ ഷിപ്പിനും ദി ഓക്സ്ഫോർഡ് സ്കൂൾ തന്നെയായിരുന്നു വേദിയായത്. തിരുവനന്തപുരം മുതൽ എറണാകുളം വരെയുളള ജില്ലകളിലെ 45 സി ബി എസ് ഇ സ്കൂളുകളിലെ വിദ്യാർത്ഥികളാണ് വിവിധ വിഭാ​ഗങ്ങളിലായി മൂന്ന് ദിവസം നീണ്ട് നിൽക്കുന്ന ഖോ ഖോ ചാമ്പ്യൻഷിപ്പിൽ പങ്കെടുക്കുന്നത്. മത്സരങ്ങൾ 6 ന് സമാപിക്കും.