മനാറുൽ ഹുദാ ട്രസ്റ്റിന്റെ ആഭിമുഖ്യത്തിൽ ഇഫ്താർ വിരുന്ന് സംഘടിപ്പിച്ചു

തിരുവനന്തപുരം: സാഹോദര്യത്തിന്റെയും സൗഹൃദത്തിന്റെയും സന്ദേശം പകർന്ന് നടന്ന ചടങ്ങിൽ ട്രസ്റ്റിനു കീഴിൽ പ്രവർത്തിക്കുന്ന സ്കൂളുകൾ, കോളേജുകൾ തുടങ്ങീ വിവിധ സ്ഥാപനങ്ങളിലെ ഉന്നതോദ്യ​ഗസ്ഥരും ജീവനക്കാരും,ക്ഷണിക്കപ്പെട്ട മാധ്യമ പ്രവർത്തകരും പങ്കെടുത്തു. മനാറുൽ ഹുദാ ട്രസ്റ്റിന്റെ കീഴിൽ തിരുവല്ലത്ത് പ്രവർത്തിക്കുന്ന എയ്സ് കോളേജ് ഓഫ് എൻജിനിയറിങ്ങിലാണ് ഇഫ്താർ വിരുന്ന് സംഘടിപ്പിച്ചത്. ട്രസ്റ്റ് സി ഒ ഒ പ്രമോദ് നായർ, ജി എം അൻസാർ ഷരീഫ് എന്നിവർ ചേർന്ന് വിരുന്നിലേക്ക് അതിഥികളെ സ്വീകരിച്ചു. മനാറുൽ ഹുദാ ട്രസ്റ്റ് അഡ്മിനിസ്ട്രഷൻ ഡയറക്ടർ മുഹമ്മദ് ഇക്ബാൽ ഐ പി എസ്, ഫിനാൻസ് ഡയറക്ടർ രാ​ഗുൽ എസ് ആർ, എച്ച് ആർ മാനേജർ ആൻസൺ ബിജോയ്, എസ്റ്റേറ്റ് മാനേജർ അഹമ്മദ് സലീം തുടങ്ങിയവർ ഇഫ്താർ വിരുന്നിന് നേതൃത്വം നൽകി.