കേരളത്തിന്റെ സമ്പന്നമായ കലാ പാരമ്പര്യത്തെ പ്രോത്സാഹിപ്പിക്കാനും ആഗോളതലത്തിലുള്ള കലകളുടെ വിനിമയം സാധ്യമാക്കാനും ലക്ഷ്യമിട്ട് ടിസിപിഎ (ട്രിവാന്‍ഡ്രം സെന്റര്‍ ഫോര്‍ പെര്‍ഫോമിങ്‌ ആർട്‌സ്‌) നടത്തിവരുന്ന പരിപാടികളുടെ ഭാഗമായി മാര്‍ച്ച്‌ 29ന് ആട്ടകളരിയുടെ “സോണറ്റ്‌ ഓഫ്‌ സംസാര”എന്ന നൃത്ത പരിപാടി കവടിയാര്‍ ഉദയ്‌ പാലസ്‌ കണ്‍വന്‍ഷന്‍ സെന്ററില്‍ വൈകിട്ട 7 ന് അവതരിപ്പിക്കുന്നു.
വൈവിധ്യമാര്‍ന്ന കലാ ആസ്വാദനത്തിന്‌ ഇതിനു മുന്‍പും വേദിയൊരുക്കിയ ടിസിപിഎ ഇത്തവണ മികച്ചൊരു ദൃശ്യ വിസ്മയമാണ്‌ സോണറ്റ്‌ ഓഫ്‌ സംസാര എന്ന നൃത്താവിഷ്‌ക്കാരത്തിലൂടെ കലാസ്വാദകര്‍ക്കു മുന്‍പില്‍ എത്തിക്കുന്നത്‌.
ഈ നൃത്താവിഷ്‌ക്കാരത്തിന്റെ ആശയം മനുഷ്യ ഉല്‍പ്പത്തി മുതല്‍ ഇന്ന്‌ വരെയുള്ള കാലഘട്ടങ്ങളെ അടയാളപ്പെടുത്തുന്നതാണ്‌. പരിചിതവും മനുഷ്യന്റെ ആഴങ്ങളില്‍ അലയടിക്കുന്ന ജീവിതയാത്രയുടെ ഏടുകള്‍ (ലൌകിക അന്വേഷണങ്ങൾ അവയില്‍ എത്താനുള്ള മനുഷ്യന്റെ അലഞ്ഞു തിരിയലുകള്‍ക്കു ശേഷം ദേഹം ഉപേക്ഷിച്ച്‌ ദേഹിയിലേക്കുള്ള മടക്കയാത്ര) കേന്ദ്രബിന്ദുവാക്കിയാണ്‌ സോണറ്റ്‌ ഓഫ്‌ സംസാര ചിട്ടപ്പെടുത്തിയിരിക്കുന്നത്‌.
ആചാരങ്ങള്‍ സവിശേഷ ചലനങ്ങൾ ദൈനംദിന സംസര്‍ഗങ്ങള്‍ എന്നിവ താള വാദ്യ സംഗീതവുമായി തല്‍ക്ഷണം ലയിപ്പിച്ചും കളരിപ്പയറ്റ്‌, ഭരതനാട്യം എന്നിവയുള്‍പ്പെടെയുള്ള ഇന്ത്യന്‍ പാരമ്പര്യ കലകള്‍ സംയോജിപ്പിച്ചും ഈ നൃത്ത സംവിധാനം രംഗത്തു അവതരിപ്പിക്കുന്നു. കുക്കു പരമേശ്വരന്‍ ആണ് പരിപാടിയുടെ ആര്‍ട്ടിസ്റ്റിക്‌ ഡയറക്ടര്‍.
കൂടുതല്‍ വിവരങ്ങള്‍ക്ക്: 9995520317
പ്രവേശനത്തിന് താഴെ കൊടുത്തിരിക്കുന്ന ചിത്രത്തിലെ സ്കാന്‍ ഉപയോഗിക്കാവുന്നതാണ്.
തിരുവനന്തപുരം: രാജ്യത്തെ എല്ലാ പൗരന്മാർക്കും അടിസ്ഥാന ബാങ്കിംഗ് സേവനങ്ങളും സാമൂഹിക സുരക്ഷാ പദ്ധതികളും ലഭ്യമാക്കുന്നതിനായി സാമ്പത്തിക ഉൾപ്പെടുത്തൽ സമ്പൂർണതാ ക്യാമ്പയിൻ…
തിരുവനന്തപുരം: അപകടസാധ്യതയുള്ള സാഹചര്യങ്ങളിൽ കഴിയുന്ന കുട്ടികളുടെ സുരക്ഷയും സംരക്ഷണവും പുനരധിവാസവും ഉറപ്പാക്കാൻ സംസ്ഥാനവ്യാപക കർമ്മപദ്ധതിയുമായി വനിതാ ശിശു വികസന വകുപ്പ്.…
തിരുവനന്തപുരം: ടിക്കറ്റ് വിൽപ്പനയിലൂടെ മികച്ച നേട്ടം സ്വന്തമാക്കി കേരള സ്റ്റേറ്റ് റോഡ് ട്രാൻസ്‌പോർട്ട് കോർപറേഷൻ (കെഎസ്ആർടിസി). ഒക്ടോബർ 22 വ്യാഴാഴ്ച…
'പോഷ് ആക്ട് 2013 & സ്ത്രീകളുടെ മാനസികാരോഗ്യം വിഷയത്തിൽ കേരള വനിതാ കമ്മീഷൻ സംസ്ഥാനതല സെമിനാർ സംഘടിപ്പിച്ചു സ്ത്രീകളുടെ സാമൂഹികവും…
2026 ഒക്ടോബർ 15 വ്യാഴാഴ്ച തിരുവനന്തപുരം റെയിൽവേ ഡിവിഷനു മുന്നില്‍ പ്രതിഷേധ പരിപാടി സംഘടിപ്പിക്കുന്നു. തിരുവനന്തപുരം: തിരുവനന്തപുരം റെയിൽവേ ഡിവിഷനിലെ…
തിരുവനന്തപുരം: കേരളത്തിലെ വിവിധ ക്ഷേത്രങ്ങളിലെ ആചാരങ്ങൾ, ചരിത്രം, കലാപാരമ്പര്യം എന്നിവയുടെ പ്രാധാന്യം വിളിച്ചോതുന്ന സംഗീതപരിപാടിയായ ‘ക്ഷേത്രാടനം’ ഒക്ടോബര്‍ 10ന് തിരുവനന്തപുരം…