തിരുവനന്തപുരം, ജൂലൈ 9, 2026: ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് എജ്യുക്കേഷൻ ആൻഡ് റിസർച്ച് തിരുവനന്തപുരത്തിന്റെ നാലാമത് ഡയറക്ടറായി പ്രൊഫ. ശ്രീനിവാസ മൂർത്തി ശ്രീനിവാസുല ഇന്ന് ചുമതലയേറ്റു.
ആന്ധ്രാപ്രദേശ് സ്വദേശിയായ പ്രൊഫ. ശ്രീനിവാസുല 1993-ൽ വാരാണസിയിലെ ബനാറസ് ഹിന്ദു സർവകലാശാലയിൽ നിന്ന് പി.എച്ച്.ഡി. ബിരുദം നേടി. നിലവിൽ IISER തിരുവനന്തപുരത്ത് HAG പ്രൊഫസറായ അദ്ദേഹം, കഴിഞ്ഞ ഒരു ദശാബ്ദത്തിലേറെയായി സ്ഥാപനത്തിന്റെ വിവിധ ഭരണനേതൃത്വ ചുമതലകൾ വിജയകരമായി നിർവഹിച്ചിട്ടുണ്ട്. ഡെപ്യൂട്ടി ഡയറക്ടർ, രജിസ്ട്രാർ, ഡീൻ (അഡ്മിനിസ്ട്രേഷൻ), ഡീൻ ഓഫ് സ്റ്റുഡന്റ് വെൽഫെയർ, സ്കൂൾ ഓഫ് ബയോളജിയുടെ ചെയർമാൻ എന്നീ നിലകളിൽ സേവനമനുഷ്ഠിച്ചിട്ടുള്ള അദ്ദേഹം, സ്ഥാപനത്തിന്റെ വിവിധ നിയമപരമായ സമിതികളിലും ചെയർമാനായും അംഗമായും പ്രവർത്തിച്ചിട്ടുണ്ട്.
2012-ൽ IISER തിരുവനന്തപുരത്ത് ചേരുന്നതിന് മുമ്പ്, അമേരിക്കയിലെ പ്രമുഖ ഗവേഷണ സ്ഥാപനങ്ങളിൽ 18 വർഷത്തിലേറെ ഗവേഷണം നടത്തിയ അദ്ദേഹം, മേരിലാൻഡിലെ ബെഥെസ്ഡയിലുള്ള നാഷണൽ ഇൻസ്റ്റിറ്റ്യൂട്ട്സ് ഓഫ് ഹെൽത്തിന്റെ (NIH) ഭാഗമായ നാഷണൽ കാൻസർ ഇൻസ്റ്റിറ്റ്യൂട്ടിൽ ഒൻപത് വർഷത്തോളം പ്രിൻസിപ്പൽ ഇൻവെസ്റ്റിഗേറ്ററായി സേവനമനുഷ്ഠിച്ചു.
ലോകപ്രശസ്ത ജീവശാസ്ത്രജ്ഞനായ പ്രൊഫ. ശ്രീനിവാസുലയുടെ ഗവേഷണങ്ങൾ ക്രമീകൃത കോശമരണം (Apoptosis), കോശങ്ങളുടെ അതിജീവനം (Cell Survival) തുടങ്ങിയ സുപ്രധാന ജൈവപ്രക്രിയകളുടെ തന്മാത്രാതല പ്രവർത്തനങ്ങളെക്കുറിച്ചുള്ള അറിവ് വികസിപ്പിക്കുന്നതിൽ നിർണായക സംഭാവനകൾ നൽകിയിട്ടുണ്ട്. അദ്ദേഹത്തിന്റെ ഗവേഷണപ്രബന്ധങ്ങൾ ശാസ്ത്രീയ പ്രസിദ്ധീകരണങ്ങളിൽ 57,000-ത്തിലധികം തവണ ഉദ്ധരിക്കപ്പെട്ടിട്ടുണ്ട്.
ശാസ്ത്രരംഗത്തെ മികവിന് അംഗീകാരമായി അദ്ദേഹം Sidney Kimmel Scholar Award-നും Leukemia & Lymphoma Society-യുടെ Special Fellow ബഹുമതിക്കും അർഹനായിട്ടുണ്ട്. IISER തിരുവനന്തപുരത്തെ അദ്ദേഹത്തിന്റെ Laboratory of Immune Cell Biology (LICB) കോശസിഗ്നലിംഗ്, ഓർഗനെൽ ഹോമിയോസ്റ്റാസിസ്, യുബിക്വിറ്റിൻ സിഗ്നലിംഗ്, ആതിഥേയ–രോഗാണു പരസ്പരബന്ധങ്ങൾ എന്നിവയുമായി ബന്ധപ്പെട്ട അടിസ്ഥാന ഗവേഷണങ്ങൾക്ക് നേതൃത്വം നൽകിവരുന്നു.
സ്ഥാപനത്തിന്റെ അക്കാദമിക, ഗവേഷണ, ഭരണ മേഖലകളെക്കുറിച്ചുള്ള ആഴത്തിലുള്ള അറിവും ദീർഘകാല പ്രവർത്തനപരിചയവും പുതിയ ഡയറക്ടർ എന്ന നിലയിൽ IISER തിരുവനന്തപുരത്തിന്റെ ഭാവി വികസനത്തിന് കൂടുതൽ കരുത്തേകും.
പത്തനംതിട്ട: പമ്പ, നിലയ്ക്കൽ മേഖലകളിൽ സിനിമ ചിത്രീകരണത്തിനായി എത്തിയ സംഘത്തെ നിലയ്ക്കലിൽ ദേവസ്വം ബോർഡ് അധികൃതർ തടഞ്ഞു. ചിത്രീകരണത്തിന് ദേവസ്വം…
ന്യൂഡൽഹി: ട്രെയിൻ യാത്രയ്ക്കിടെ മാലിന്യം വലിച്ചെറിയുന്നതും റെയിൽവേ പരിസരങ്ങളിൽ ശുചിത്വചട്ടങ്ങൾ ലംഘിക്കുന്നതും ഇനി കൂടുതൽ കടുത്ത നടപടിക്ക് ഇടയാക്കും. നിയമലംഘനം…
കോട്ടയം: കോട്ടയം ഡെപ്യൂട്ടി എക്സൈസ് കമ്മീഷണർ എസ്. അശോക് കുമാറിന്റെ വീട്ടിൽ അർധരാത്രി മിന്നൽ പരിശോധന നടത്തി എക്സൈസ് കമ്മീഷണർ.…
ഇന്നത്തെ ഓരോ നക്ഷത്രക്കാരുടെയും ജാതകഫലം ഇന്നത്തെ തൊഴിൽ, ധനം, കുടുംബം, ആരോഗ്യം, യാത്ര തുടങ്ങിയ കാര്യങ്ങളിലെ പൊതുവായ സാധ്യതകൾ അറിയാം.…
തിരുവനന്തപുരം: കേരളത്തിലെ ക്രിക്കറ്റ് ആരാധകർ ഏറെ പ്രതീക്ഷയോടെ കാത്തിരിക്കുന്ന നിമിഷത്തിന് ഇനി മണിക്കൂറുകൾ മാത്രം. ലോക ട്വന്റി-20 ക്രിക്കറ്റിലെ ഇതിഹാസ…
കട്ട് ഓഫ് തീയതി 1990ൽ നിന്ന് 2008ലേക്ക് നീട്ടി; നിശ്ചിത നിരക്കിൽ ഭൂമി ക്രമവത്കരിക്കാം തിരുവനന്തപുരം: മതിയായ രേഖകളില്ലാതെ സർക്കാർ…