വെള്ളനാട് ഡിവിഷൻ ഉപതിരഞ്ഞെടുപ്പ്: പോസ്റ്റൽ ബാലറ്റിന് അപേക്ഷ സമർപ്പിക്കണം

തിരുവനന്തപുരം ജില്ലാ പഞ്ചായത്ത് വെള്ളനാട് ഡിവിഷനിലേയ്ക്ക് ജൂലൈ 30ന് നടക്കുന്ന ഉപതിരഞ്ഞെടുപ്പുമായി ബന്ധപ്പെട്ട് പോളിങ് ഡ്യൂട്ടിക്കായി നിയോഗിച്ചിട്ടുള്ള ഉദ്യോഗസ്ഥർക്ക് പോസ്റ്റൽ ബാലറ്റ് ആവശ്യമുള്ള പക്ഷം ഞായറാഴ്ച (ജൂലൈ 28) രാവിലെ 10.00 മണി മുതൽ ഉച്ചയ്ക്ക് ഒരു മണി വരെ തിരുവനന്തപുരം ജില്ലാ കളക്ടറേറ്റിൽ നേരിട്ട് ഹാജരായി ബന്ധപ്പെട്ട രേഖകളുടെ പകർപ്പ് സഹിതം അപേക്ഷ സമർപ്പിക്കാവുന്നതും അന്ന് തന്നെ ബാലറ്റ് കൈപ്പറ്റാവുന്നതുമാണ്. പ്രസ്തുത സമയപരിധിയ്ക്ക് ശേഷം ലഭിക്കുന്ന അപേക്ഷകൾ സ്വീകരിക്കുന്നതല്ലെന്ന് വരണാധികാരിയായ ജില്ലാ കളക്ടർ അറിയിച്ചു.