തദ്ദേശ സ്വയംഭരണം എക്സൈസ് വകുപ്പ് മന്ത്രിയുടെ നേതൃത്വത്തിൽ നടക്കുന്ന ‘തദ്ദേശ അദാലത്ത് 29.08.2024 ന് ജിമ്മി ജോർജ് ഇൻഡോർ സ്റ്റേഡിയത്തിൽ വച്ച് നടക്കും
തദ്ദേശ സ്വയംഭരണം എക്സൈസ് വകുപ്പ് മന്ത്രിയുടെ നേതൃത്വത്തിൽ നടക്കുന്ന ‘തദ്ദേശ അദാലത്ത് ‘ ന്റെ ഭാഗമായി സംഘടിപ്പിക്കുന്ന നഗരസഭാതല അദാലത്ത് 29.08.2024 വ്യാഴാഴ്ച രാവിലെ 10 മണി മുതൽ ജിമ്മി ജോർജ് ഇൻഡോർ സ്റ്റേഡിയത്തിൽ വച്ച് നടക്കും. തിരുവനന്തപുരം നഗരസഭയുമായി ബന്ധപ്പെട്ട വിവിധ അപേക്ഷകളിൽ തീർപ്പ് ഉണ്ടാകും. കെട്ടിട നിർമാണം, കെട്ടിട നമ്പർ, തുടങ്ങി നഗരസഭയുമായി ബന്ധപ്പെട്ട എല്ലാ പരാതികളും പരിശോധിക്കും. കൂടാതെ പെന്റിങ് ഫയലുകളുടെ കാര്യവും അദാലത്തിൽ പരിശോധിക്കും. അദാലത്ത് പോർട്ടലിൽ ഇതിനോടകം രജിസ്റ്റർ ചെയ്തിട്ടുള്ളവർ അന്നേ ദിവസം രാവിലെ 10 മണിക്ക് സ്റ്റേഡിയം ഹാളിൽ എത്തിച്ചേരേണ്ടതാണ്. ഏതെങ്കിലും കാരണവശാല്‍ അദാലത്തിലേക്ക് അപേക്ഷ സമര്‍പ്പിക്കാന്‍ കഴിയാത്തവര്‍ക്ക് അദാലത്ത് ദിവസം (29.08.2024) ന് ജിമ്മി ജോര്‍ജ്ജ് സ്റ്റേഡിയത്തിലെ അദാലത്ത് കൗണ്ടറില്‍ നേരിട്ട് അപേക്ഷ സമര്‍പ്പിക്കാവുന്നതാണ്.
