അസോസിയേഷന്‍ ഓഫ് ഷോര്‍ട്ട് ഫിലിം മൂവി മേക്കേഴ്‌സ് ആന്‍ഡ് ആര്‍ട്ടിസ്റ്റും സംസ്‌കാരസാഹിതി തിരുവനന്തപുരം ജില്ലാ കമ്മിറ്റിയും സംയുക്തമായി സംഘടിപ്പിക്കുന്ന ഇന്റര്‍നാഷണല്‍ ഷോര്‍ട്ട് ഫിലിം ഫെസ്റ്റിവലിന്റെ അവാര്‍ഡ് നൈറ്റ് ജൂണ്‍ 11ന് വൈകുന്നേരം 5:30ന് വൈലോപ്പിള്ളി സംസ്‌കൃതി ഭവനില്‍ നടക്കും.
144 ചിത്രങ്ങളും 2500 സാങ്കേതിക പ്രവര്‍ത്തകരും രണ്ടായിരത്തിലേറെ അഭിനേതാക്കളും പങ്കാളികളായ ഈ ഫെസ്റ്റിവലിന്റെ ലോഗോ പ്രകാശനം മുന്‍ മുഖ്യമന്ത്രിയും കോണ്‍ഗ്രസ് വര്‍ക്കിംഗ് കമ്മിറ്റി അംഗവുമായ എ കെ ആന്റണി നിര്‍വഹിച്ചു. ജില്ലാ ചെയര്‍മാന്‍ പുഴനാട് ഗോപന്‍, അസ്മ പ്രസിഡന്റ് അനീഷ് മേനോന്‍, ജില്ലാ ഭാരവാഹികളായ കണ്ടമത്ത് ഭാസ്‌കരന്‍ നായര്‍, എം ആര്‍ മീര എന്നിവര്‍ പങ്കെടുത്തു.
ഷോര്‍ട്ട് ഫിലിം ഫെസ്റ്റിവലിന്റെ ഭാഗമായി ഉച്ചയ്ക്ക് ഒരു മണി മുതല്‍ വൈലോപ്പിള്ളി സംസ്‌കൃതി ഭവന്‍ കൂത്തമ്പലത്തില്‍ ശ്രദ്ധേയമായ മുപ്പതിലധികം ചിത്രങ്ങള്‍ പ്രദര്‍ശിപ്പിക്കും.ശേഷം വൈകുന്നേരം 5.30ന് നടക്കുന്ന പുരസ്‌കാര ദാനച്ചടങ്ങ് സി ആര്‍ മഹേഷ് എംഎല്‍എയുടെ അധ്യക്ഷതയില്‍ പ്രതിപക്ഷ നേതാവ് വി ഡി സതീശന്‍ ഉദ്ഘാടനം ചെയ്യും.
എന്‍ശക്തന്‍,സൂര്യ കൃഷ്ണമൂര്‍ത്തി, കാവാലം ശ്രീകുമാര്‍ കൃഷ്ണ പൂജപ്പുര, എം ആര്‍ തമ്പാന്‍ എന്നിവര്‍ പുരസ്‌കാരങ്ങള്‍ വിതരണം ചെയ്യും. എന്‍ വി പ്രദീപ്കുമാര്‍, ആലപ്പി അഷ്‌റഫ്, അനി വര്‍ഗീസ്, മനേഷ്, രാജി മേനോന്‍, ശ്രീകാന്ത് ടി ആര്‍ നായര്‍, വി ആര്‍ പ്രതാപന്‍, കെ എം ഉണ്ണികൃഷ്ണന്‍, ഡോക്ടര്‍ ആര്‍ എസ് പ്രദീപ്, സുകു പാല്‍ക്കുളങ്ങര, പൂഴനാട് ഗോപന്‍, അനീഷ് മേനോന്‍,, ഓ. എസ് ഗിരീഷ് എന്നിവര്‍ പങ്കെടുക്കും.
