തിരുവനന്തപുരം പട്ടം കേന്ദ്രീയ വിദ്യാലയയിലെ ഒന്‍പതാം ക്ലാസുകാരി കുമാരി അനാമിക സാജന്‍ എഴുതിയ രണ്ടാമത്തെ കവിതാ സമാഹാരമായ “Still Autumn in my heart” ഇന്ന് വൈകുന്നേരം തിരുവനന്തപുരം പ്രസ് ക്ലബ്ബിലെ ടിഎന്‍ജി ഹാളില്‍ വച്ച് പ്രശസ്ത സാഹിത്യകാരനും മുഖ്യമന്ത്രിയുടെ ഉപദേഷ്ടാവുമായ പ്രഭാവര്‍മ്മ പ്രകാശനം ചെയ്തു. ആദ്യ പുസ്തകം “Lemonade” 2022 ല്‍ കേരള ബാല സാഹിത്യ ഇന്‍സ്ടിട്യൂട്ട് ആണ് പ്രസിദ്ധീകരിച്ചത്.
പ്രകാശന ചടങ്ങില്‍ വിളപ്പില്‍ രാധാകൃഷ്ണന്‍ അധ്യക്ഷനായി. സരിതാ മോഹനന്‍ ഭാമ
പുസ്തകപരിചയം നടത്തി. ഡോ. അരുണ്‍ നായര്‍ ഐഎഎസ് മുഖ്യപ്രഭാഷണം നടത്തി.
വിക്രം സാരാഭായി സ്പേസ് സെന്റര്‍ ശാസ്ത്രജ്ഞനും ഉദ്യോഗസ്ഥനുമായ സാജന്റെയും കേരള സംസ്ഥാന സാമൂഹ്യ സുരക്ഷാ മിഷനിലെ സംസ്ഥാന പ്രൊജക്റ്റ്‌ കോര്‍ഡിനേറ്ററുമായ സിജിമോളുടെയും മകളാണ് കുട്ടി എഴുത്തുകാരി അനാമിക സാജന്‍. സാഗരിക സാജന്‍ സഹോദരിയുമാണ്.
തൊണ്ണൂറ്റി ഒന്‍പതോളം (99) ചെറുകവിതകള്‍ ചേര്‍ന്ന കവിതാസമാഹാരമാണ് “Still Autumn in my heart”. കോഴിക്കോട് പൂര്‍ണ്ണ പബ്ലിക്കേഷന്‍ ആണ് പുസ്തകത്തിന്റെ പ്രസാധകര്‍. പ്രകാശന ചടങ്ങില്‍ അനാമികയുടെ ബന്ധുക്കളും സുഹൃത്തുക്കളും ആശംസകള്‍ നേര്‍ന്നു സംസാരിച്ചു.
