സേനയിലേക്ക് പുതുതായി വരുന്നവര് അനുദിനം മാറിവരുന്ന സാങ്കേതിക രംഗത്തെ മാറ്റങ്ങള് മനസിലാക്കി പ്രവര്ത്തിക്കണമെന്ന് സംസ്ഥാന പോലീസ് മേധാവി റവാഡ ആസാദ് ചന്ദ്ര ശേഖര് പറഞ്ഞു. സൈബര് ക്രൈം മുതല് ക്രിപ്റ്റോ കറന്സി വരെയുള്ള മേഖലകളില് പോലീസിന് ഇടപെടേണ്ടതുണ്ടെന്നും അതിനനുസൃതമായി പുതിയ സേനാംഗങ്ങള് നിരന്തരം അറിവ് പുതുക്കേണ്ടതുണ്ടെന്നും അദ്ദേഹം കൂട്ടിച്ചേര്ത്തു. കേരള പോലീസ് അക്കാദമിയില് നടന്ന സംയുക്ത പാസിംഗ് ഔട്ട് പരേഡിന്റെ അഭിവാദ്യം സ്വീകരിച്ച് സംസാരിക്കുകയായിരുന്നു അദ്ദേഹം.
കേരള ആംഡ് പോലീസ് അഞ്ചാം ബറ്റാലിയനില് നിന്നും പരിശീലനം പൂര്ത്തിയാക്കിയ 227 റിക്രൂട്ട് പൊലീസ് കോണ്സ്റ്റബിള്മാരുടെയും കേരള പോലീസ് അക്കാദമിയില് പരിശീലനം പൂര്ത്തിയാക്കിയ 187 റിക്രൂട്ട് വനിതാ പൊലീസ് കോണ്സ്റ്റബിള്മാരുടെയും സംയുക്ത പാസിംഗ് ഔട്ട് പരേഡിന്റെ അഭിവാദ്യം സംസ്ഥാന പോലീസ് മേധാവി റവാഡ ആസാദ് ചന്ദ്ര ശേഖര് സ്വീകരിച്ചു.
സീതാലക്ഷ്മി പി നയിച്ച പരേഡിന്റെ സെക്കന്ഡ് ഇന് കമാന്ഡ് അക്ഷയ് കുമാര് എ ആയിരുന്നു. ചടങ്ങില് പരിശീലന കാലയളവില് മികച്ച പ്രകടനം കാഴ്ചവെച്ചവര്ക്ക് സംസ്ഥാന പോലീസ് മേധാവി പുരസ്കാരം വിതരണം ചെയ്തു.
കെ.എ.പി അഞ്ചാം ബറ്റാലിയനില് നിന്ന് മികച്ച ഇന്ഡോര് ആയി തെരഞ്ഞെടുക്കപ്പെട്ടത് സൈജു റ്റി ചാക്കോയാണ്. മികച്ച ഔട്ട്ഡോര് കേഡറ്റായി അലന് അഗസ്റ്റിന് തെരഞ്ഞെടുക്കപ്പെട്ടു. ആല്വിന് കെ ശിവജിയാണ് മികച്ച ഷൂട്ടര്. മികച്ച ആള് റൗണ്ടറായി ആഷിക് സക്കീറിനേയും തെരഞ്ഞെടുത്തു.
വനിതാ ബറ്റാലിയനില് നിന്ന് മികച്ച ഇന്ഡോര് ആയി തെരഞ്ഞെടുക്കപ്പെട്ടത് അമൃത എം ആണ്. മികച്ച ഔട്ട്ഡോര് കേഡറ്റായി തെരഞ്ഞെടുക്കപ്പെട്ട സീതാലക്ഷ്മി പി തന്നെയാണ് മികച്ച ആള്റൗണ്ടറും. ജ്യോതിലക്ഷ്മിയാണ് മികച്ച ഷൂട്ടര്.
ഒന്പതുമാസത്തെ അടിസ്ഥാന പരിശീലനത്തിന്റെ ഭാഗമായി ഇവര്ക്ക് ശാരീരിക ക്ഷമതയും മനക്കരുത്തും വര്ധിപ്പിക്കുന്ന ഔട്ട്ഡോര് പാഠങ്ങളാണ് പകര്ന്നു നല്കിയത്. ഔട്ട്ഡോര് വിഭാഗത്തില് ശാരീരിക ക്ഷമത പരിശീലനം, ആയുധ പരിശീലനം, കരാട്ടേ, യോഗ, നീന്തല്, വിവിധ സെല്ഫ് ഡിഫന്സ് പരിശീലനങ്ങള്, ഫയറിംഗ് എന്നിവയില് പരിശീലനം ലഭിക്കുകയുണ്ടായി.
ഇന്ഡോര് വിഭാഗത്തില് ഇന്ത്യന് ഭരണഘടന, ഭാരതീയ ന്യായ സന്ഹിത, മോട്ടോര് വെഹിക്കിള് ആക്റ്റ്, വി.ഐ.പി ബന്തവസ്സ്, ടെലി കമ്മ്യൂണിക്കേഷന്, സോഷ്യല് മീഡിയ, സൈബര് കുറ്റകൃത്യങ്ങള്, വ്യക്തിത്വ വികസനം തുടങ്ങിയ വിഷയങ്ങളിലും പരിശീലനം നല്കിയിട്ടുണ്ട്.
ശാസ്ത്രസാങ്കേതിക വിദ്യയുടെ സഹായത്തോടെ കുറ്റകൃത്യങ്ങള് തെളിയിക്കുന്നതിനായി ഫോറന്സിക് സയന്സ്, ഫോറന്സിക് മെഡിസിന്, പീനോളജി, വിക്ടിമോളജി, സൈബര് ഫോറന്സിക് എന്നീ വിഷയങ്ങളിലും പരിശീലനം നല്കിയിട്ടുണ്ട്.
സ്ത്രീകള്, കുട്ടികള്, മുതിര്ന്ന പൗരന്മാര്, ജെന്ഡര് ന്യൂട്രല്സ് തുടങ്ങിയവരോടുള്ള പെരുമാറ്റം, പരിസ്ഥിതിക്കെതിരെയുള്ള കുറ്റകൃത്യങ്ങള് തടയല് തുടങ്ങിയവ പോലീസിന്റെ മാനവിക മുഖത്തിന്റെ സാക്ഷ്യം കൂടിയാണ്.
സര്ക്കാര് വിഭാവനം ചെയ്യുന്ന തരത്തിലുള്ള നവകേരള സൃഷ്ടിക്കായി പോലീസിന്റെ തൊഴില് വൈദഗ്ദ്ധ്യം വര്ദ്ധിപ്പിക്കുന്നതിനും പൊതുജനങ്ങളോടുള്ള പെരുമാറ്റം മെച്ചപ്പെടുത്തുന്നതിനും പോലീസിന്റെ ആപ്തവാക്യമായ ڇമൃദു ഭാവേ ദൃഢ കൃത്യേڈ അന്വര്ത്ഥമാക്കുന്നതിനും ഉതകുന്ന രീതിയിലുള്ള പരിശീലനമാണ് പരിശീലന കാലയളവില് നല്കിയിട്ടുള്ളത്.
അഞ്ചാം ബറ്റാലിയനില് പരിശീലനം പൂര്ത്തിയാക്കിയവരില് എം.ടെക്ക്, എം.എസ്.സി, എം.എ, എം.കോം, എം.ബി.എക്കാരായ 28 പേരും വിവിധ വിഷയങ്ങളില് ബിരുദം നേടിയ 146 പരും ഡിപ്ലോമ, പ്ലസ്ടു യോഗ്യതയുള്ള 53 പേരുമാണുള്ളത്.
കേരള പോലീസ് അക്കാദമിയില് പരിശീലനം പൂര്ത്തിയാക്കിയ വനിതാ സേനാംഗങ്ങളില് എം.ടെക്ക്, എം.എസ്.സി, എം.എ, എം.കോം, എം.ബി.എക്കാരായ 59 പേരും വിവിധ വിഷയങ്ങളില് ബിരുദം നേടിയ 119 പരും ഡിപ്ലോമ, പ്ലസ്ടു യോഗ്യതയുള്ള ഒന്പതുപേരുമാണുള്ളത്.
എം.എല്.എ ലിന്റോ ജോസഫ്, സംസ്ഥാന പൊലീസ് മേധാവി റവാഡ ആസാദ് ചന്ദ്ര ശേഖര്, പോലീസ് ആസ്ഥാനത്തെ എ.ഡി.ജി.പി എസ്.ശ്രീജിത്ത്, ഐ.ജി ഗുഗുലോത്ത് ലക്ഷ്മണ്, തൃശൂര് റെയ്ഞ്ച് ഡി.ഐ.ജി ഹരി ശങ്കര്, മറ്റ് ഉന്നത പൊലീസുദ്യോഗസ്ഥര്, ജനപ്രതിനിധികള്, പരിശീലനാര്ത്ഥിനകളുടെ ബന്ധുക്കള് എന്നിവര് ചടങ്ങില് സംബന്ധിച്ചു.
തിരുവനന്തപുരം: അതിവേഗ റെയിൽ പദ്ധതിയുമായി ബന്ധപ്പെ മുഖ്യമന്ത്രി വി ഡി സതീശനും മെട്രോമാൻ ഇ. ശ്രീധരനും തമ്മിൽ തിരുവനന്തപുരം സെക്രട്ടറിയേറ്റിൽ…
കാസർഗോഡ് - ലയൺസ് കേരള കോളേജ് പ്രീമിയർ ലീഗ് ട്വന്റി 20 ചാമ്പ്യൻഷിപ്പിൽ ദേവഗിരി സെന്റ് ജോസഫ്സ് കോളേജിനും ഗുരുവായൂർ…
ഒരു ലക്ഷം രൂപ വീതമുള്ള രണ്ടു പുരസ്കാരങ്ങളും അമ്പതിനായിരം രൂപ വീതമുള്ള 2 ഗവേഷണപുരസ്കാരങ്ങളും (ശാസ്ത്രം/ശാസ്ത്രേതരം) തിരുവനന്തപുരം : എൻ.…
കേരള മനസ്സാക്ഷിയെ ഞെട്ടിച്ച യഥാർത്ഥ സംഭവകഥയുടെ പിന്നിലെ നിഗൂഢതകൾ തേടുന്ന ആക്ഷൻ ക്രൈം ത്രില്ലർ ചിത്രം കിരാത മേയ് 29-ന്…
സമകാലീന ഇന്ത്യന് സമൂഹത്തില് ഉപഭോഗ സംസ്കാരവും മാധ്യമ സംസ്കാ രവും ചേര്ന്നുണ്ടാക്കുന്ന സാമൂഹിക മാറ്റങ്ങള് ഹിന്ദുത്വ രാഷ്ട്രീയത്തിന്റെ വളര് ച്ചയ്ക്ക്…
നിലവിലെ രാഷ്ട്രീയڊസാമൂഹിക സാഹചര്യത്തില് സര്വീസ് സംബന്ധിയായതും പൊതുജന ജീവിതവുമായി ബന്ധപ്പെട്ടതുമായ പ്രശ്നങ്ങളെ ചെറുത്തു തോല്പ്പിക്കാന് നാം കൂടുതല് ജാഗ്രതയോടെയും സംഘടനാബോധത്തോടെയും…