കേന്ദ്രസർക്കാരിന്റെ നയങ്ങൾ കേരളത്തിൽ നടപ്പിലാക്കുന്ന എൽഡിഎഫ് സർക്കാരിന്റെ ജന വഞ്ചനക്കെതിരെ എസ് യു സി ഐ (കമ്മ്യൂണിസ്റ്റ്) സംസ്ഥാന കമ്മിറ്റിയുടെ ആഭിമുഖ്യത്തിൽ മാർച്ച് 11ന് സെക്രട്ടറിയേറ്റ് മാർച്ച് നടത്തുന്നു. ആശാൻ സ്വകയറിൽ നിന്ന് രാവിലെ 11 മണിക്ക് മാർച്ച് ആരംഭിക്കും. പാർട്ടിയുടെ പൊളിറ്റ് ബ്യൂറോ അംഗം കെ രാധാകൃഷ്ണ മാർച്ച് ഉദ്ഘാടനം ചെയ്യും. സർക്കാർ ആശുപത്രികളിൽ സൗജന്യ ചികിത്സയും ഗുണനിലവാരമുള്ള മരുന്നും ഉറപ്പാക്കുക, പുതിയ ദേശീയ വിദ്യാഭ്യാസ നയം പിൻവലിക്കുക, വൈദ്യുതി മേഖലയുടെ സ്വകാര്യവൽക്കരണ നടപടികളിൽ നിന്ന് പിന്മാറുക, സ്ത്രീകൾക്കും കുട്ടികൾക്കും നേരെ വർദ്ധിച്ചുവരുന്ന അതിക്രമങ്ങൾ തടയുക തുടങ്ങിയ ആവശ്യങ്ങൾ ഉന്നയിച്ചു കൊണ്ടാണ് മാർച്ച്.
