രാവിലെ മുതൽ വെള്ളമില്ല. പുലർച്ചെ 4 മണിക്ക് അരുവിക്കരയിൽ വൈദ്യുതി തടസം. 6.30 ന് ശരിയാക്കി; പമ്പിംഗ് പുനരാരംഭിച്ചു

വാട്ടർ അതോറിറ്റിയുടെ അരുവിക്കരയിൽ ഉള്ള ജലശുദ്ധീകരണശാലയിൽ രാവിലെ നാലുമണി മുതൽ ഉണ്ടായ വൈദ്യുതി തടസ്സം മൂലം നഗരപ്രദേശങ്ങളിൽ പാളയം വാട്ടർ അതോറിറ്റി സെക്ഷൻ ഓഫീസിന് കീഴിൽ വരുന്ന പലയിടങ്ങളിലും കുടിവെള്ളത്തിന് ബുദ്ധിമുട്ട് നേരിടുന്നതായി അറിയുന്നു. നിലവിൽ 6,30ന് അരുവിക്കരയിൽ നിന്നും പമ്പിങ് തുടങ്ങിയിട്ടുണ്ട്. എന്നിരുന്നാലും ജലവിതരണം സാധാരണഗതിയിൽ എത്താൻ കൂടുതൽ സമയം എടുക്കും ആയതിനാൽ മാന്യ ഉപഭോക്താക്കൾ നിലവിൽ ലഭിച്ചിരിക്കുന്ന വെള്ളം കരുതി ഉപയോഗിക്കാൻ വാട്ടർ അതോറിറ്റിയിൽ നിന്നും അറിയിച്ചിട്ടുണ്ട്.