എൻ.സി.സി കേരള-ലക്ഷദ്വീപ് മേഖല ഇതാദ്യമായി പൂർവ കേഡറ്റുകളുടെ സംഗമം സംഘടിപ്പിച്ചു. തിരുവനന്തപുരം പാങ്ങോട് സൈനിക കേന്ദ്രത്തിലെ കരിയപ്പ ഓഡിറ്റോറിയത്തിൽ നടന്ന സംഗമത്തിൽ വിവിധ മേഖലകളിൽ പ്രവർത്തിക്കുന്ന പൂർവ്വ വിദ്യാർത്ഥി കൾ പങ്കെടുത്തു. മുഖ്യാതിഥിയായ എൻ.സി.സി കേരളാ – ലക്ഷദ്വീപ് മേഖലാ അഡീഷണൽ ഡയറക്ടർ ജനറൽ, മേജർ ജനറൽ സി.ജി അരുൺ പരിപാടി ഉദ്ഘാടനം ചെയ്തു.
കേരള-ലക്ഷദ്വീപ് മേഖലയിലെ പൂർവ്വ വിദ്യാർത്ഥികളും നിലവിലെ കേഡറ്റുകളും തമ്മിലുള്ള ബന്ധം ശക്തിപ്പെടുത്തുന്നതിലൂടെ ദേശീയ കേഡറ്റ് കോർപ്സിന്റെ ഭാവി പുനർനിർമ്മിക്കുക, പ്രചോദിപ്പിക്കുക തുടങ്ങിയ ലക്ഷ്യങ്ങളാണ് സംഗമത്തിനു പിന്നിൽ.
രാഷ്ട്രനിർമ്മാണത്തിൽ മാത്രമല്ല, ഭാവിയിലെ വിവിധ പരിശ്രമങ്ങൾക്കായി മികച്ച പൗരന്മാരെ വാർത്തെടുക്കുന്നതിലും എൻ.സി.സി പ്രധാന പങ്കുവഹിക്കു ന്നുണ്ടെന്ന് എൻ.സി.സി എഡിജി, മേജർ ജനറൽ അരുൺ സി.ജി പറഞ്ഞു. സംഗമത്തിൽ മുഖ്യ പ്രഭാഷണം നടത്തുകയായിരുന്നു അദ്ദേഹം.
എൻ.സി.സി പൂർവ്വ കേഡറ്റുകളുടെ അനുഭവം, വൈദഗ്ദ്ധ്യം, നേട്ടങ്ങൾ എന്നിവ 2047ൽ വികസിത ഭാരതം എന്ന എൻസിസി യുടെയും ദേശീയ ദൗത്യത്തിലേക്ക് ഉപയോഗപ്പെടുത്തുന്നതിനുള്ള പ്രതിരോധ മന്ത്രാലയത്തിന്റെ കാഴ്ചപ്പാടിന് അനുസൃതമായി എൻസിസി പൂർവ്വ വിദ്യാർത്ഥി അസോസിയേഷൻ സ്ഥാപിക്കുന്നതിനു തുടക്കമാണ് ഈ സംഗമം.
സായുധ സേന, സിവിൽ സർവീസസ്, കോർപ്പറേറ്റ് മേഖല, അക്കാദമിക്, സ്പോർട്സ്, എന്റർപ്രണർഷിപ്പ്, പബ്ലിക് സർവീസ് എന്നിവയുൾപ്പെടെ വിവിധ മേഖലകളിൽ നിന്നുള്ള വിശിഷ്ടരായ മുൻ എൻസിസി കേഡറ്റുകൾ മീറ്റിൽ പങ്കെടുത്തു.
എൻസിസി കേഡറ്റുകളുടെ സാംസ്കാരിക പരിപാടികൾ, എൻസിസി പൂർവ്വ വിദ്യാർത്ഥികളുടെ അനുഭവങ്ങൾ പങ്കുവയ്ക്കൽ, ഓപ്പൺ ഹൗസ് എന്നിവ പരിപാടി വർണ്ണാഭമാക്കി.
പൂർവ്വ വിദ്യാർത്ഥികളുമായി ബന്ധം ശക്തിപ്പെടുത്താൻ
കേരള- ലക്ഷദ്വീപ് മേഖലയിലെ മുൻ കേഡറ്റുകളുടെ വിവര ശേഖരം തയ്യാറാക്കാൻ ഡയറക്ടറേറ്റ് നടപടി തുടങ്ങി.
മുൻ കേഡറ്റുകളായ വിനോദ് കുമാർ ഐആർഎസ്, കേണൽ ജഗജീവ് ജി, ശ്രീമതി മീന നായർ, സജീവ് വിഎസ്, കേണൽ എസ് ഡിന്നി, വിദർഭ കെ വിനോദ് എന്നിവർ എൻ.സി.സി-യുമായുള്ള തങ്ങളുടെ സമ്പന്നമായ അനുഭവം പങ്കുവെച്ചു.
എൻസിസി തിരുവനന്തപുരം ഗ്രൂപ്പ് കമാൻഡർ ബ്രിഗേഡിയർ രാജീവ് എസ്. നായർ നന്ദി പറഞ്ഞു.
തിരുവനന്തപുരം: ഗ്ലോബൽ ബി2ബി നെറ്റ്‌വർക്കിന്റെ പുതിയ ശാഖയായ ‘ബി2ബി തിരുവനന്തപുരം ചാമ്പ്യൻസ്’ ചാപ്റ്ററിന് കഴക്കൂട്ടത്ത് തുടക്കമായി. കഴക്കൂട്ടം എസ്.എഫ്.എസ്. ഹോംബ്രിഡ്ജിൽ…
കരട് ബിൽ 2023-ൽ സർക്കാരിന് സമർപ്പിച്ചു; നിയമനിർമാണത്തിന് സമയക്രമം പ്രഖ്യാപിക്കണമെന്ന് ആവശ്യം തിരുവനന്തപുരം | ഒക്ടോബർ 27, 2026 |…
തിരുവനന്തപുരം: പിഎസ്‌സി ക്രമക്കേടുകളുമായി ബന്ധപ്പെട്ട വിഷയങ്ങൾ നിയമസഭയിൽ ചർച്ച ചെയ്യാൻ ബിജെപി അംഗങ്ങൾക്ക് അവസരം നിഷേധിക്കുന്നുവെന്ന് ബിജെപി നിയമസഭാകക്ഷി നേതാവ്…
കെ.സി.എ. അണ്ടർ-16 ജൂനിയർ ക്ലബ്ബ് ചാമ്പ്യൻഷിപ്പിൽ എറണാകുളം എസ്.ജി. ക്രിക്കറ്റ് സ്കൂളിനെതിരെ തൃശൂർ ആത്രേയ ക്രിക്കറ്റ് ക്ലബ്ബിന് കൂറ്റൻ സ്കോർ.…
തിരുവനന്തപുരം: കുട്ടികളുടെ സമഗ്രമായ ആദ്യകാല വളർച്ച, വികസന കാലതാമസങ്ങൾ, വൈകല്യങ്ങൾ എന്നിവ നേരത്തേ തിരിച്ചറിയുന്നതിനും ആവശ്യമായ പരിചരണവും പിന്തുണയും ഉറപ്പാക്കുന്നതിനുമായി…
ജയൻ വന്നേരി രചനയും സംവിധാനവും നിർവഹിക്കുന്ന ‘ആരണ്യകാണ്ഡം’ അഞ്ച് ഭാഷകളിലായി ഒരുങ്ങുന്നു. കാടിന്റെ വന്യതയും നിഗൂഢതയും ത്രില്ലർ പശ്ചാത്തലവുമൊരുക്കി പുതിയ…