അമ്മമാർക്കൊപ്പം ഓണം ആഘോഷിച്ച് എം. ജി. രാജമാണിക്യവും ആർ. നിശാന്തിനിയും

തിരുവനന്തപുരം: തിരുവനന്തപുരം അമ്മ കെയർ ഹോമിലെ പ്രായമായ അമ്മമാർക്കൊപ്പം കെഎസ്ഇബി ചെയർമാൻ എം.ജി. രാജമാണിക്യവും ഭാര്യയും ഇന്റലിജൻസ് ഐജിയുമായ ആർ. നിശാന്തിനിയും ഓണം ആഘോഷിച്ചു.

അമ്മമാരോടൊപ്പം സമയം ചെലവഴിച്ച ഇരുവരും അവർക്കായി ഓണസദ്യ ഒരുക്കുകയും ഓണക്കോടി സമ്മാനിക്കുകയും ചെയ്തു. നാക്കിലയിൽ ഭക്ഷണം വിളമ്പി അമ്മമാർക്കൊപ്പം ഇരുന്ന് ഭക്ഷണം കഴിച്ച ശേഷമാണ് ഇരുവരും മടങ്ങിയത്.

തിരുവനന്തപുരത്തെ ക്യാമറമാൻമാരുടെ സ്നേഹ കൂട്ടായ്മയാണ് അമ്മയോണം സംഘടിപ്പിച്ചത്. കെയർ ഹോമിലെ അന്തേവാസികൾക്ക് എം.ജി. രാജമാണിക്യവും ആർ. നിശാന്തിനിയും ചേർന്ന് ഓണക്കോടി കൈമാറി.