തിരുവനന്തപുരം: കേരള സംസ്ഥാന ചലച്ചിത്ര അക്കാദമി സെപ്റ്റംബർ 25 മുതൽ 30 വരെ തിരുവനന്തപുരത്ത് സംഘടിപ്പിക്കുന്ന 18-ാമത് രാജ്യാന്തര ഡോക്യുമെന്ററി, ഹ്രസ്വചിത്രമേള (IDSFFK) യിൽ കുട്ടികൾക്കായുള്ള അനസി കിഡ്സ് വിഭാഗത്തിൽ ആറ് ആനിമേഷൻ ചിത്രങ്ങൾ പ്രദർശിപ്പിക്കും.
സ്വിറ്റ്സർലൻഡ്, ഫ്രാൻസ്, ന്യൂസിലാൻഡ്, ബെൽജിയം തുടങ്ങിയ രാജ്യങ്ങളിൽ നിന്നുള്ള ചിത്രങ്ങളാണ് അനസി കിഡ്സ് വിഭാഗത്തിൽ ഉൾപ്പെടുത്തിയിരിക്കുന്നത്. 1960ൽ ആരംഭിച്ച അനസി ഫിലിം ഫെസ്റ്റിവൽ, ആനിമേഷൻ സിനിമകൾക്ക് മാത്രമായി സംഘടിപ്പിക്കുന്ന ലോകത്തിലെ പ്രമുഖ ചലച്ചിത്രമേളകളിലൊന്നാണ്.
കാടിന്റെ പശ്ചാത്തലത്തിൽ ഒരു കൂട്ടം പ്രാണികളുടെയും വവ്വാലുകളുടെയും കഥ പറയുന്ന ‘ബാറ്റ്സ് ആൻഡ് ബഗ്സ്’ ആണ് വിഭാഗത്തിലെ ശ്രദ്ധേയമായ ചിത്രം. ലെന വോൺ ഡോറനാണ് ചിത്രം സംവിധാനം ചെയ്തിരിക്കുന്നത്.
എഡ്വർ ഡെൽബെക്, ജിയോവാനി എഡ്വർഡ്‌സ്, അമോറി ദ കോസ്റ്റ, എർവാൻ അന്ന, യൗഹാൻ ഗുവോ, ആൻഡ്രേയ ഒറീലിയ എന്നിവർ സംവിധാനം ചെയ്ത ‘ക്യാറ്റ് മീ ഇഫ് യൂ ക്യാൻ’ വ്യാജ കൊലക്കേസിൽ അകപ്പെട്ട് രക്ഷപ്പെടാൻ ശ്രമിക്കുന്ന പൂച്ചയുടെ കഥയാണ് പറയുന്നത്.
ഒരു കൂട്ടം ലേഡിബേർഡുകളിലൂടെ ജീവിതത്തിലെ ഒറ്റപ്പെടലും നിസഹായതയും അവതരിപ്പിക്കുന്ന ചിത്രമാണ് ക്രിസ് കാലസ് സംവിധാനം ചെയ്ത ‘ഗ്രൗണ്ടഡ്’.
‘ഇൻ ടു ദി ഫോറെസ്റ്റ്’ എന്ന ഹ്രസ്വചിത്രത്തിൽ ഭാവനയ്ക്ക് നിറം പകരുന്ന ഒരു കൂട്ടം കുരങ്ങുകളുടെ കഥയാണ് അന്റോണിൻ നിക്ലാസ് അവതരിപ്പിക്കുന്നത്. തങ്ങൾക്കായി ഒരു കാട് തന്നെ സൃഷ്ടിക്കുന്ന കുരങ്ങുകളിലൂടെയാണ് ചിത്രം മുന്നേറുന്നത്.
സ്വന്തം ചെറിയ വിഷമങ്ങളിൽ നിന്ന് രക്ഷപ്പെടാൻ ഒരു കുഞ്ഞനെലി ഒരു ദിവസം വളരെ ഉയരമുള്ള മല കയറാൻ തീരുമാനിക്കുന്ന കഥയാണ് ‘പിക്കോളോ പിക്കോളോ’. മാർത്ത ഗെന്നരിയാണ് ചിത്രത്തിന്റെ സംവിധായിക.
റെമി ഡ്യൂറിൻ സംവിധാനം ചെയ്ത ‘ദി ഗ്രേറ്റ് ഡ്രീംസ്‌കേപ്പ്’ ആൻഡ്രിയ എന്ന പെൺകുട്ടിയുടെ ഭാവനാലോകത്തെക്കുറിച്ചുള്ള ചിത്രമാണ്.
മേളയിൽ പങ്കെടുക്കാൻ https://registration.iffk.in എന്ന വെബ്സൈറ്റ് വഴി ഡെലിഗേറ്റായി രജിസ്റ്റർ ചെയ്യാം. പൊതുവിഭാഗത്തിന് ജി.എസ്.ടി. ഉൾപ്പെടെ 590 രൂപയും, വിദ്യാർഥികൾക്ക് 354 രൂപയുമാണ് ഡെലിഗേറ്റ് ഫീസ്.
കൈരളി തിയേറ്ററിൽ സജ്ജീകരിച്ചിരിക്കുന്ന ഡെലിഗേറ്റ് സെൽ വഴിയും ഓഫ്‌ലൈൻ രജിസ്ട്രേഷൻ നടത്താം.
തിരുവനന്തപുരം: കേന്ദ്ര വാർത്താ വിതരണ പ്രക്ഷേപണ മന്ത്രാലയത്തിന് കീഴിലുള്ള തിരുവനന്തപുരം പ്രസ് ഇൻഫർമേഷൻ ബ്യൂറോ (PIB) ഡിജിറ്റൽ കണ്ടന്റ് ക്രിയേറ്റർമാർക്കായി…
തിരുവനന്തപുരം: കുട്ടികളുടെ സ്വപ്നങ്ങൾക്കും പ്രതീക്ഷകൾക്കും ശബ്ദം നൽകാൻ ഇത്തവണത്തെ ശിശുദിനത്തിൽ കേരളത്തെ നയിക്കുന്നത് ആറ് കുരുന്നുകൾ. നവംബർ 14-ന് തിരുവനന്തപുരത്ത്…
തിരുവനന്തപുരം: പോലീസും ജനങ്ങളും തമ്മിലുള്ള സൗഹൃദവും പരസ്പരബന്ധവും കൂടുതൽ ശക്തിപ്പെടുത്തുക എന്ന ലക്ഷ്യത്തോടെ പേരൂർക്കട ജനമൈത്രി പോലീസിന്റെ നേതൃത്വത്തിൽ റസിഡന്റ്സ്…
തിരുവനന്തപുരം: മലയാള ഭാഷയ്ക്കും സാഹിത്യത്തിനും നൽകിയ സമഗ്ര സംഭാവനകൾ പരിഗണിച്ച് പ്രൊഫ. സച്ചിദാനന്ദനെ പ്രഥമ 'ഓംചേരി സാഹിത്യപ്രതിഭ' പുരസ്കാരത്തിന് തെരഞ്ഞെടുത്തു.…
തിരുവനന്തപുരം: ചിത്തിര തിരുനാൾ ജയന്തി ആഘോഷങ്ങളുടെ ഭാഗമായി തിരുവനന്തപുരത്ത് ശ്രദ്ധേയമായ വയലിൻ സംഗീതവിരുന്ന് അരങ്ങേറുന്നു. പ്രശസ്ത വയലിനിസ്റ്റുകളായ എസ്.ആർ. മഹാദേവശർമ്മ,…
തിരുവനന്തപുരം: ജില്ലയിൽ പനി ബാധിതരുടെ എണ്ണം വർധിക്കുന്ന സാഹചര്യത്തിൽ പകർച്ചവ്യാധികൾ തടയുന്നതിനുള്ള പ്രതിരോധ പ്രവർത്തനങ്ങൾ ഊർജിതമാക്കി ആരോഗ്യവകുപ്പ്. ഒക്ടോബർ 20…