ഓണാഘോഷം ആഗസ്റ്റ് 27 മുതല് സെപ്റ്റംബര് 02 വരെ; സംസ്ഥാനതല സംഘാടക സമിതി രൂപീകരിച്ചു
ഇത്തവണത്തെ ഓണം വാരാഘോഷം ആഗസ്റ്റ് 27 മുതല് സെപ്റ്റംബര് 02 വരെ നടക്കും. ആഘോഷനടത്തിപ്പിനായി മുഖ്യമന്ത്രി പിണറായി വിജയന് മുഖ്യരക്ഷാധികാരിയായി സംഘാടക സമിതി രൂപീകരിച്ചു. മന്ത്രിമാരായ പി. എ. മുഹമ്മദ് റിയാസ്, വി. ശിവന്കുട്ടി, ആന്റണി രാജു എന്നിവരുടെ സാന്നിധ്യത്തില് മാസ്കറ്റ് ഹോട്ടലില് നടന്ന യോഗത്തില് വിവിധ കമ്മിറ്റികളെയും തെരഞ്ഞെടുത്തു. രക്ഷാധികാരികളായി നിയമസഭാ സ്പീക്കര് എ. എന്. ഷംസീര്, ഡെപ്യൂട്ടി സ്പീക്കര് ചിറ്റയം ഗോപകുമാര്, പ്രതിപക്ഷനേതാവ് വി.ഡി. സതീശന്, മന്ത്രിമാരായ വി. ശിവന്കുട്ടി, ജി. ആര്. അനില്, ആന്റണി രാജു, സജി ചെറിയാന്, കടകംപള്ളി സുരേന്ദ്രന് എം.എല്.എ, മേയര് ആര്യ രാജേന്ദ്രന് എന്നിവരെയും യോഗം തെരഞ്ഞെടുത്തു. ഉപരക്ഷാധികാരികളായി തിരുവനന്തപുരം ജില്ലയിലെ എം.പിമാര്, രാജ്യസഭാ അംഗങ്ങളായ ജോണ് ബ്രിട്ടാസ്, ബിനോയ് വിശ്വം, തിരുവനന്തപുരം കോര്പ്പറേഷന് ഡെപ്യൂട്ടി മേയര് പി. കെ. രാജു, ജില്ലാ പഞ്ചായത്ത് വൈസ് പ്രസിഡന്റ് ശൈലജ ബീഗം എന്നിവരെയും തെരഞ്ഞെടുത്തു. വിനോദസഞ്ചാര വകുപ്പു മന്ത്രി പി. എ. മുഹമ്മദ് റിയാസാണ് ചെയര്മാന്. വര്ക്കിംഗ് ചെയര്മാനായി മന്ത്രി വി. ശിവന്കുട്ടിയെയും തെരഞ്ഞെടുത്തു. ടൂറിസം സെക്രട്ടറി കെ. ബിജു കോ ഓര്ഡിനേറ്ററുടെയും ടൂറിസം ഡയറക്ടര് പി. ബി. നൂഹ് കണ്വീനറുടെയും ചുമതലകള് നിര്വഹിക്കും. വിവിധ സബ്കമ്മിറ്റികളുടെ ചെയര്മാന്മാരെയും കണ്വീനര്മാരെയും യോഗത്തില് തീരുമാനിച്ചു. പ്രോഗ്രാം കമ്മിറ്റി: ഐ.ബി. സതീഷ് എം.എല്.എ, ഇന്ഫ്രാസ്ട്രക്ചര്: വി. ജോയ് എം.എല്.എ, മീഡിയ ആന്റ് പബ്ലിസിറ്റി; വി. കെ. പ്രശാന്ത് എം.എല്.എ, ഫുഡ് ഫെസ്റ്റിവല്: ജി. സ്റ്റീഫന് എം.എല്.എ, ട്രേഡ് ഫെയര് കെ. ആന്സലന് എം.എല്.എ, സ്പോണ്സര്ഷിപ്പ്: ജില്ലാ പഞ്ചായത്ത് പ്രസിഡന്റ് ഡി. സുരേഷ്കുമാര്, ഇല്ല്യൂമിനേഷന്: സി. കെ. ഹരീന്ദ്രന് എം.എല്.എ, സെക്യൂരിറ്റി: ഡി ജി പി ഷെയ്ക്ക് ദര്വേഷ് സാഹിബ്, ഘോഷയാത്ര: എം.എല്.എമാരായ ഡി. കെ. മുരളി, ഒ. എസ്. അംബിക, ഗ്രീന് പ്രോട്ടോകോള്: എം. വിന്സന്റ് എം.എല്.എ, റിസപ്ഷന്: മേയര് ആര്യ രാജേന്ദ്രന്, വോളന്റിയര് കമ്മിറ്റി: എ.എ റഹീം എം.പി എന്നിങ്ങനെയാണ് സബ്കമ്മിറ്റി ചെയര്മാന്മാര്. ജൂലൈ 25 നകം വിവിധ സബ്കമ്മിറ്റികളുടെ യോഗം ചേരും. ആഗസ്റ്റ് 5 നകം കലാപരിപാടികളുടെയും വേദികളുടെയും അന്തിമ പട്ടിക തയ്യാറാക്കാനും യോഗം തീരുമാനിച്ചു. യോഗത്തില് മന്ത്രിമാരായ പി. എ മുഹമ്മദ് റിയാസ്, വി. ശിവന്കുട്ടി, ആന്റണി രാജു, എം.എല്.എ മാരായ വി. ജോയി, സി.കെ ഹരീന്ദ്രന്, കെ. ആന്സലന്, ഒ. എസ്. അംബിക, ഐ.ബി. സതീഷ്, ജി. സ്റ്റീഫന്, ഡി. കെ. മുരളി, വി.കെ. പ്രശാന്ത്, ഡെപ്യൂട്ടി മേയര് പി. കെ. രാജു,ജില്ലാ കളക്ടര് ജെറോമിക് ജോര്ജ്, ടൂറിസം സെക്രട്ടറി കെ. ബിജു, ടൂറിസം ഡയറക്ടര് പി.ബി. നൂഹ്, ടൂറിസം വകുപ്പ് അഡീണല് ഡയറക്ടര് പ്രേം കൃഷ്ണന്, കെ.ടി.ഡി.സി എം.ഡി ശിഖ സുരേന്ദ്രന്, വിവിധ വകുപ്പുകളിലെ ജില്ലാതല ഉദ്യോഗസ്ഥര് തുടങ്ങിയവര് പങ്കെടുത്തു.
എ.ഐ യുഗത്തിൽ ജെയിൻ യൂണിവേഴ്സിറ്റി മികച്ച മാതൃക കൊച്ചി: ആർട്ടിഫിഷ്യൽ ഇന്റലിജൻസ് ഉൾപ്പെടെയുള്ള പുതിയ സാങ്കേതികവിദ്യകൾക്ക് ഭാവിയിൽ കൂടുതൽ തൊഴിലവസരങ്ങൾ…
സംസ്ഥാന സര്ക്കാരിൻ്റെ നൂറുദിന കര്മപരിപാടിയുടെ ഭാഗമായി നടപ്പാക്കുന്ന പദ്ധതികളില് ആദ്യ ലക്ഷ്യത്തില് റെക്കോര്ഡ് നേട്ടവുമായി ഭക്ഷ്യ-സിവില്സപ്ളൈസ് വകുപ്പ്. അരലക്ഷം മുന്ഗണന…
ഓണം വാരാഘോഷത്തിന്റെ ഭാഗമായി വിനോദ സഞ്ചാരവകുപ്പ് ആഗസ്റ്റ് 24-ന് അത്തപ്പൂക്കള മത്സരം സംഘടിപ്പിക്കുന്നു. ആദ്യത്തെ മൂന്ന് വിജയികൾക്ക് യഥാക്രമം 20000,…
ഓണാഘോഷത്തിന്റെ ഭാഗമായി ആഗസ്റ്റ് 23ന് വിനോദസഞ്ചാര വകുപ്പ് തിരുവാതിര മത്സരം സംഘടിപ്പിക്കുന്നു. ആദ്യത്തെ മൂന്ന് വിജയികൾക്ക് യഥാക്രമം 20000, 15000,…
ഇന്ത്യൻ വ്യോമസേനയുടെ അഗ്നിവീർവായു (മ്യൂസിഷ്യൻ) ഇൻടേക്ക് 01/2027 നിയമനത്തിനായി രാജ്യത്തെ അവിവാഹിതരായ യുവതിയുവാക്കളിൽ നിന്നും ഓൺലൈൻ അപേക്ഷ ക്ഷണിച്ചു. ഇന്ത്യയിലെ…
കേരളത്തെ വ്യവസായ സൗഹൃദ സംസ്ഥാനമാക്കണമെന്നും സംരംഭകരെ സംസ്ഥാനത്തിലേക്ക് ആകർഷിക്കാൻ ആവശ്യമായ നടപടികൾ സർക്കാരിന്റെ ഭാഗത്തുണ്ടാവണമെന്നും കെപിസിസി ഇൻഡസ്ട്രീസ് സെൽ സംസ്ഥാന…