സിദ്ധ ദിനാചരണം സംസ്ഥാനതല ഉദ്ഘാടനം
തിരുവനന്തപുരം: സിദ്ധയുടെ ചരിത്രം പരിശോധിച്ചാല് ഈ കാലഘട്ടത്തില് നടത്തിയത് സമാനതകളില്ലാത്ത വികസന പ്രവര്ത്തനങ്ങളെന്ന് കാണാന് കഴിയുമെന്ന് ആരോഗ്യ വകുപ്പ് മന്ത്രി വീണാ ജോര്ജ്. ഈ കാലഘട്ടത്തില് സിദ്ധ രംഗത്ത് 8 പുതിയ തസ്തികകള് സൃഷ്ടിച്ചു. വര്മ്മ ചികിത്സ ജനകീയമാക്കുന്നതിന് കഴിഞ്ഞു. വേദന രഹിതമായ വര്മ്മ ചികിത്സയ്ക്ക് വലിയ ജനപ്രീതിയാണുള്ളത്. 7 പുതിയ വര്മ്മ യൂണിറ്റുകള് ആരംഭിച്ചു. സ്ത്രീകളുടെ സമഗ്ര ആരോഗ്യ പരിരക്ഷയ്ക്കായി മഗളിര് ജ്യോതി പദ്ധതി ആരംഭിച്ചു. ജീവിതശൈലി രോഗ ക്ലിനിക്ക്, പാലിയേറ്റീവ് ഓങ്കോളജി ക്ലിനിക് എന്നിവ യാഥാര്ത്ഥ്യമാക്കി. 2 സിദ്ധ ആശുപത്രികള്ക്ക് എന്എബിഎച്ച് അംഗീകാരം ലഭിച്ചതായും മന്ത്രി വ്യക്തമാക്കി. സിദ്ധ ദിനാചരണം സംസ്ഥാനതല ഉദ്ഘാടനം നിര്വഹിക്കുകയായിരുന്നു മന്ത്രി.
ശരീരത്തേയും മനസിനേയും ശുദ്ധീകരിക്കുന്ന ഒരു ജീവിത പദ്ധതിയാണ് സിദ്ധ. ഭക്ഷണമാണ് മരുന്ന്, മരുന്നാണ് ഭക്ഷണം എന്ന ആപ്തവാക്യത്തോടെയുള്ള പ്രവര്ത്തനങ്ങളാണ് നടത്തുന്നത്. പ്രകൃതിയും മനുഷ്യനുമൊക്കെ മനോഹരമായി സമന്വയിക്കപ്പെട്ട സന്തുലിതമായ നിലയില് പോകുന്ന ഒരു വൈദ്യമാണ്. ഈ വൈദ്യശാസ്ത്രത്തെ പരമാവധി ജനങ്ങളിലേക്ക് എത്തിക്കുന്നതിനായുള്ള പ്രവര്ത്തനങ്ങളാണ് നടത്തുന്നതെന്നും മന്ത്രി വ്യക്തമാക്കി.
നാഷണല് ആയുഷ് മിഷന് സ്റ്റേറ്റ് മിഷന് ഡയറക്ടര് ഡോ. സജിത് ബാബു അധ്യക്ഷത വഹിച്ച ചടങ്ങില് ഭാരതീയ ചികിത്സാ വകുപ്പ് ഡയറക്ടര് ഡോ. പ്രീയ കെ. എസ്, ആയുര്വേദ മെഡിക്കല് വിദ്യാഭ്യാസ വകുപ്പ് ഡയറക്ടര് ഡോ. ടി.ഡി. ശ്രീകുമാര്, പൂജപ്പുര സിദ്ധ റീജിയണല് റിസര്ച്ച് ഇന്സ്റ്റിറ്റ്യൂട്ട് ഇന്ചാര്ജ്ജ് ഡോ. എസ്. നടരാജന്, ഡെപ്യൂട്ടി ഡ്രഗ്സ് കണ്ട്രോളര് (എ.എസ്.യു) ഡോ. ജയ വി ദേവ്, ശാന്തിഗിരി സിദ്ധ മെഡിക്കല് കോളേജ് പ്രിന്സിപ്പല് ഡോ. ആര്. നീലാവതി, നാഷണല് ആയുഷ് മിഷന് സംസ്ഥാന പ്രോഗ്രാം മാനേജര്മാരായ ഡോ. സജി പി.ആര്, ഡോ. ജയനാരായണന് ആര്, സിദ്ധ മെഡിക്കൽ അസോസിയേഷൻ ഓഫ് ഇന്ത്യ ജനറൽ സെക്രട്ടറി ഡോ. മിഥുൻ സി, സിദ്ധ ദിനാചരണം സംസ്ഥാന നോഡല് ഓഫീസറും നാഷണല് ആയുഷ് മിഷന് ജില്ലാ പ്രോഗ്രാം മാനേജറുമായ ഡോ. ഗായത്രി ആര്.എസ്. എന്നിവര് സംസാരിച്ചു. ഇതോടൊപ്പം സൗജന്യ മെഡിക്കല് ക്യാമ്പും മരുന്ന് വിതരണവും സംഘടിപ്പിച്ചു.
കോഴിക്കോട്: കേരളത്തിലെ പ്രമുഖ മെഡിക്കൽ വിദ്യാഭ്യാസ സ്ഥാപനമായ ആരോൺ അക്കാദമിയുടെ പത്താം വാർഷികത്തോടനുബന്ധിച്ച് 50 ലക്ഷം രൂപയുടെ 'ആരോൺ എലവേറ്റ്…
പ്രസ് ക്ലബ്-നിംസ് മെഗാ മെഡിക്കല് ക്യാംപ് ഉദ്ഘാടനം ചെയ്തു തിരുവനന്തപുരം : എല്ഡിഎഫ് സര്ക്കാര് അധികാരത്തില് വന്നാല് താന് വീണ്ടും…
തിരുവനന്തപുരം: നേമത്തെ എല്ഡിഎഫ് സ്ഥാനാര്ത്ഥി വി. ശിവന്കുട്ടി ഓരോ ദിവസവും ഓരോ വാര്ത്തയുണ്ടാക്കി ജനങ്ങളുടെ കണ്ണില് പൊടിയിടുകയാണെന്ന് എന്ഡിഎ സ്ഥാനാര്ത്ഥി…
സിറ്റിങ് സീറ്റായ തിരുവനന്തപുരത്ത് പൊതുസ്വതന്ത്രനെയോ ജനാധിപത്യ കേരള കോൺഗ്രസിൽ നിന്നും ഒരു സ്ഥാനാർത്ഥിയെയോ കണ്ടെത്തി മല്സരിപ്പിക്കാനുള്ള ശ്രമത്തിലായിരുന്നു സിപിഎം. സീറ്റ്…
നേമം: നേമത്തിന്റെ വികസനത്തിന് നിലവിലെ എംഎല്എ മാറണമെന്ന് തിരുവല്ലത്തെയും പാച്ചല്ലുരിലെയും വോട്ടര്മാര്. ഈ എംഎല്എയെ മതിയായി. മണ്ഡലത്തിനായി അദ്ദേഹം ഒന്നും…
നേമം മണ്ഡലത്തിലെ എൻഡിഎ തെരഞ്ഞെടുപ്പ് കമ്മിറ്റി കാര്യാലയം കൈമനത്ത് കേന്ദ്ര മന്ത്രി സുരേഷ് ഗോപി ഉദ്ഘാടനം ചെയ്തു. ബിജെപി സംസ്ഥാന…