ഇത് വേരുകളുടെ കഥ; റസീന കടേങ്ങല്‍

ഇത് വേരുകളുടെ കഥ
കെട്ടുപിണഞ്ഞു കിടക്കുന്നവയും
പിണങ്ങി പിരിഞ്ഞു
പോയതുമായ….
ചില വേരുകളുടെ കഥ….

ഹൃദയത്തിന്റെ ആഴങ്ങളിൽ
പ്രണയം തേടി വഴിതെറ്റിയ
ഒരു തായ് വേരിൽ
തുടങ്ങി……
നിസ്സഹായതയിൽ
വെന്തുരുകിയ ചില
പെൺവേരുക ളുടെ
കഥ…..

നെറ്റിയിലെ സിന്ദൂരം
മാഞ്ഞുപോവാതിരിക്കാൻ
മഴയും ആകാശവും
ഉപേക്ഷിച്ച ഒരു വിരഹത്തിന്റെ
കഥ…..

ഒരു തിരിഞ്ഞു നോട്ടത്തിൽ
അലിയാൻ കൊതിച്ച
അവളുടെ പ്രണയ
വേരുകളുടെ കഥ

പൊക്കിൾ കൊടിയിൽ
നിന്നും പൊട്ടി മുളച്ച
അമ്മ വേരുകളുടെ കഥ

നിന്നിടത്തും പോയിടത്തും
ആഴ്നിറങ്ങാൻ മണ്ണിടം
ഇല്ലാതെ വന്നപ്പോൾ
ഒരു വേരിന് അറ്റത്തു
ഉയിര് കെട്ടി വച്ച
ആത്മക്കളുടെ കഥ

ചേർത്ത് പിടിച്ചാത്മാവിൽ
ഒരു ചുടു ചുംബനം
ആരും കാണാതെ
കടം വാങ്ങേണ്ടി
വന്ന ഒരു അന്തപുരന്തിന്റെ
രഹസ്യ വേരുകളുടെ
ഇന്നിന്റെ കഥ..

പുലരി വന്നപ്പോൾ
ഇരുട്ടിലൊളിച്ച
മുഖം മൂടിയിട്ട
സദാചാര വേരുകളുടെ
ആരും പറയാത്ത
കഥ……

ഇരുട്ടിലേക്കു വീണ്ടും
ആഴ്ന്നു പിണഞ്ഞിറങ്ങുന്ന
വേരുകളുടെ മാത്രം
കഥ…..

Reseena Kadengal