ദ പയനിയർ തിരുവനന്തപുരത്ത് ഓഫീസ് പ്രവർത്തനമാരംഭിച്ചു

തിരുവനന്തപുരം: രാജ്യത്തെ ഏറ്റവും പഴക്കം ചെന്ന ഇംഗ്ലീഷ് ദിനപത്രങ്ങളിൽ ഒന്നായ ദ പയനിയറിൻ്റെ കേരള എഡിഷൻ ഓഫീസിന്റെ ഉദ്ഘാടനം സ്പീക്കർ തിരുവഞ്ചൂർ രാധാകൃഷ്ണൻ നിർവഹിച്ചു. വഴുതക്കാട് സെൻ്റ് ജോസഫ്സ് ബിൽഡിങ്ങിലെ ഓഫീസിൽ നടന്ന ചടങ്ങിൽ ഡിജിപി റാവാഡ എ ചന്ദ്രശേഖർ മുഖ്യാതിഥിയായിരുന്നു.

ഒരു നൂറ്റാണ്ടിലധികം പഴക്കമുള്ള ദ പയനിയറിന് വിശ്വാസ്യതയുടെയും പത്രപ്രവർത്തന ധാർമികതയുടെയും കാര്യത്തിൽ വലിയ സ്ഥാനമാണുള്ളതെന്ന് സ്പീക്കർ തിരുവഞ്ചൂർ രാധാകൃഷ്ണൻ പറഞ്ഞു.

സംസ്ഥാന സർക്കാറിന്റെ ലഹരി വിരുദ്ധ പദ്ധതിയായ തൂഫാൻ വിജയിപ്പിക്കുന്നതിൽ പയനിയറിന് വലിയ പങ്കുവഹിക്കാൻ കഴിയുമെന്ന് മുഖ്യാതിഥിയായി സംസാരിച്ച ഡിജിപി റവാഡ ചന്ദ്രശേഖർ പ്രത്യാശ പ്രകടിപ്പിച്ചു.

അമോഘ് പബ്ലിക്കേഷൻ നെറ്റ്‌വർക്ക്സ് ചെയർമാൻ സുധാകർ ഗൗഡ് ബണ്ടി അധ്യക്ഷനായിരുന്നു. കർണാടക കോൺഗ്രസ് കമ്മിറ്റി വൈസ് പ്രസിഡണ്ട് എം നാഗേഷ് റാവു വാൻസേ, ഫാ. ജേക്കബ് വടക്കേൽ എന്നിവർ ആശംസകൾ നേർന്നു.