പത്തു ദിവസത്തിലേറെയായി തലസ്ഥാന ജനത നഗരവസന്തത്തോടൊപ്പം രാവും പകലും ആഘോഷമാക്കി മാറ്റുകയാണ്. പുഷ്പ പ്രദര്‍ശനവും നൃത്ത സംഗീത പരിപാടികളും ഫുഡ്‌കോര്‍ട്ടുമൊക്കെയായി തലസ്ഥാനത്തിന്റെ ക്രിസ്തുമസ് ആഘോഷങ്ങളുടെ കേന്ദ്രമായി നഗരവസന്തം മാറിയിരുന്നു. പുതുവത്സര ദിനത്തിലും നഗരവസന്തത്തിലെ ആഘോഷങ്ങള്‍ക്ക് മാറ്റു കുറയുന്നില്ല. പുതുവര്‍ഷത്തെ വരവേല്‍ക്കാന്‍ നഗര വസന്തവും ഒരുങ്ങിക്കഴിഞ്ഞു. പുതുവത്സര രാത്രിയായ ഇന്ന് വൈകുന്നേരം മുതല്‍ നഗരവസന്തത്തിലെ ആഘോഷപരിപാടികള്‍ ആരംഭിക്കും. നിശാഗന്ധിയില്‍ നടക്കുന്ന സംഗീത വസന്തത്തില്‍ ലഹരിരഹിത പുതുവര്‍ഷം എന്ന ആശയം അടിസ്ഥാനമാക്കി കേരള പോലീസ് തയ്യാറാക്കിയ ലഹരിവിരുദ്ധ ബോധവത്ക്കരണ കലാവിരുന്നോടെയാണ് പരിപാടികള്‍ ആരംഭിക്കുക. ലഹരിയുടെ ഉപയോഗവും വിതരണവും തടയുന്നതിനായി പോലീസ് ആരംഭിച്ച യോദ്ധാവ് എന്ന കര്‍മ്മപദ്ധതിയുടെ പ്രചരണാര്‍ത്ഥമാണ് ഒരു മണിക്കൂര്‍ ദൈര്‍ഘ്യമുളള കലാവിരുന്ന് സംഘടിപ്പിച്ചിരിക്കുന്നത്. നാടകവും ഗാനമേളയും കോര്‍ത്തിണക്കി തയ്യാറാക്കിയ പരിപാടിയുടെ പിന്നണിയില്‍ പ്രവര്‍ത്തിക്കുന്നത് കേരള പോലീസ് നാടകസംഘത്തിലെയും ഗായകസംഘത്തിലെയും പോലീസ് ഉദ്യോഗസ്ഥരാണ്. ഈ പരിപാടിയുടെ ഉദ്ഘാടനം സിനിമാതാരം കരമന സുധീര്‍ നിര്‍വഹിക്കും. തുടര്‍ന്ന് രാത്രി എട്ടിന് ഗായിക ഗായത്രി അശോകനും ശ്രീരഞ്ജിനിയും ചേര്‍ന്ന് അവതരിപ്പിക്കുന്ന കൃതി ടു ഗസല്‍ മ്യൂസിക് കണ്‍സേര്‍ട്ട് സംഗീതാസ്വാദകര്‍ക്ക് പുതുവത്സര വിരുന്നൊരുക്കും. ഗ്രായത്രിയും ശ്രീരഞ്ജിനിയും ചേരുന്ന ബാന്‍ഡിന്റെ ആദ്യ കണ്‍സേര്‍ട്ടാണ് നഗരവസന്തത്തില്‍ അവതരിപ്പിക്കുന്നത്. അതിനു പിന്നാലെ ആടിയും പാടിയും ഡാന്‍സ് കളിച്ചും പുതുവര്‍ഷത്തെ വരവേല്‍ക്കാന്‍ കനല്‍ ബാന്‍ഡിന്റെ മ്യൂസിക് ഷോ വേദിയിലെത്തും. ആഘോഷങ്ങളെല്ലാം രാത്രി ഒരു മണിവരെ നീണ്ടു നില്‍ക്കും. തലസ്ഥാനത്താദമ്യായാണ് ഇത്രയും നാള്‍ നീണ്ടു നില്‍ക്കുന്ന നൈറ്റ് ലൈഫ് ആഘോഷം സംഘടിപ്പിക്കപ്പെടുന്നത്. നൈറ്റ് ലൈഫ് ആഘോഷത്തിലെ ഏറ്റവും ആവേശകരമായ ദിവസമായി ഈ പുതുവത്സര ദിവസത്തെ മാറ്റാനുള്ള തയാറെടുപ്പുകളെല്ലാം കനകക്കുന്നില്‍ പൂര്‍ത്തിയായിക്കഴിഞ്ഞു.
തിരുവനന്തപുരം: തണൽക്കൂട്ടം സൊസൈറ്റി ഫോർ കൾചറൽ ഹെറിറ്റേജിന്റെ നേതൃത്വത്തിൽ രണ്ടാം പൈതൃക കോൺഗ്രസ് 2026 ജനുവരിയിൽ തിരുവനന്തപുരത്തു നടക്കും. സ്വാഗത…
ഗാന്ധിജയന്തി ദിനാഘോഷത്തിന്റെ ഭാഗമായി തിരുവനന്തപുരം മൺവിള ഭാരതീയ വിദ്യാഭവന്‍ ഗാന്ധിസ്മരണകളുണര്‍ത്തി കൊണ്ടുള്ള വിവിധ പരിപാടികള്‍ സംഘടിപ്പിച്ചു. ഗാന്ധി ചിത്രത്തില്‍ അധ്യാപകരും…
കൊച്ചി: ആഗോള സ്‌പൈസ് എക്‌സ്‌ട്രാക്ട് വിപണിയിലെ മുൻനിര കമ്പനിയായ മാൻ കാൻകോറിന് നാല് ദേശീയ, അന്തർദേശീയ പുരസ്കാരങ്ങൾ. സസ്റ്റെയിനബിൾ സോഴ്സിങ്,…
സംസ്ഥാന സർക്കാർ സംഘടിപ്പിച്ച ചടങ്ങ് പ്രിയ നടനോടുള്ള കേരള ജനതയുടെ സ്‌നേഹാദരവുകളാൽ അലംകൃതമായി മലയാള ചലച്ചിത്രലോകത്തിന്റെ അഭിമാനതാരം മോഹൻലാൽ രാജ്യത്തെ…
തിരുവനന്തപുരം: ഡീലിമിറ്റേഷന്റെ ഭാഗമായി തിരുവനന്തപുരം കോര്‍പറേഷനില്‍ നടന്ന വാര്‍ഡ് വിഭജനം അസന്തുലിതവും വിവേചനപരവുമാണെന്നും അടിയന്തരമായി പുനപരിശോധന നടത്തി ആവശ്യമായ തിരുത്തല്‍…
അക്ഷര കൂട്ടായ്മയും പാട്ടുപകലും നടന്നുആദ്യാക്ഷരങ്ങൾ കുറിച്ച കുരുന്നുകൾക്കും വിദ്യാർത്ഥികൾക്കും പ്രോത്സാഹനം നൽകാൻ കേരള സർക്കാരിന്റെ സാംസ്‌കാരിക വിനിമയ കേന്ദ്രമായ ഭാരത്…
