വിദ്യാഭ്യാസ രംഗത്ത് പട്ടം സെന്റ് മേരീസ് ഏവര്‍ക്കും മാതൃകയെന്ന് വിദ്യാഭ്യാസ മന്ത്രി ശിവന്‍കുട്ടി

പഠനത്തിലാണെങ്കിലും അച്ചടക്കത്തിന്റെ കാര്യത്തിലാണെങ്കിലും മികച്ച മാനേജ്‌മന്റ്‌ കാര്യത്തിലാണെങ്കിലും പട്ടം സെന്റ്‌ മേരീസ് ഹയര്‍ സെക്കണ്ടറി സ്കൂള്‍ വിദ്യാഭ്യാസ മേഖലയില്‍ ഈവര്‍ക്കും, മാതൃകയാണെന്ന് മന്ത്രി ശിവന്‍കുട്ടി പറഞ്ഞു. പതിനായിരങ്ങളെ പഠിപ്പിച്ച് ഉന്നത വിജയം നേടി സമൂഹത്തിന്റെ ഉന്നത ശ്രേനിയിലെത്തിക്കുന്ന പട്ടം സെന്റ്‌ മേരീസ് ഒരത്ഭുതമാണെന്ന് മന്ത്രി അഭിപ്രായപ്പെട്ടു. എസ് എസ് എല്‍ സി ഫലപ്രഖ്യാപനത്തിന് ശേഷം ഉന്നത വിജയം നേടിയ വിദ്യാര്‍ത്ഥികളെയും, അധ്യാപകരെയും, രക്ഷിതാക്കളെയും ആശംസകള്‍ അറിയിക്കാന്‍ സെന്റ്‌ മേരീസ് സ്കൂളില്‍ എത്തിയതായിരുന്നു മന്ത്രി.

വിജയികളെ ആശംസിക്കുകയും അവര്‍ക്ക് മധുരപലഹാരങ്ങള്‍ നല്‍കുകയും അവരോടൊപ്പം സെല്‍ഫിയെടുക്കുകയും ചെയ്തു. ചടങ്ങില്‍ വട്ടിയൂര്‍ക്കാവ് എം എല്‍ എ വി കെ പ്രശാന്തും മന്ത്രിയോടൊപ്പം ചേര്‍ന്നു. സ്കൂള്‍ പ്രിന്‍സിപ്പല്‍ ഫാദര്‍ നെല്‍സണ്‍ വലിയവീട്ടില്‍, വൈസ് പ്രിന്‍സിപ്പല്‍ റാണി എം അലക്സ്, എം എസ് സി സ്കൂള്‍ കറസ്പോണ്ടന്റ് വെരി. റവ. ഡോ. വര്‍ക്കി ആറ്റുപുറത്ത്, പിടിഎ പ്രസിഡന്റ് എന്‍ കെ സുനില്‍ കുമാര്‍, എഡിജിപി ഷൈന്‍ മോന്‍ എന്നിവരും കുട്ടികളുടെ ആഘോഷത്തില്‍ പങ്കുകൊണ്ടു.

ഈ വര്‍ഷം എസ് എസ് എല്‍ സി പരീക്ഷഎഴുതിയ 1477 കുട്ടികളില്‍ 1474 പേര്‍ വിജയിച്ചു (99.8%) . 203 കുട്ടികള്‍ക്ക് എല്ലാ വിഷയത്തിലും എ. പ്ലസ്‌. ലഭിച്ചു.