കേരള സംസ്ഥാന ചലച്ചിത്ര അക്കാദമി ഭാരത് ഭവന്റെ സഹകരണത്തോടെ സംഘടിപ്പിക്കുന്ന ഫ്രൈഡേ ഫിലിം സ്‌ക്രീനിംഗിന്റെ ഭാഗമായി 2024 നവംബര്‍ 29 വെള്ളിയാഴ്ച വിഖ്യാത ചൈനീസ് സംവിധായകന്‍ ഴാങ് യിമോയുടെ ‘ദ റോഡ് ഹോം‘ പ്രദര്‍ശിപ്പിക്കും. വൈകിട്ട് 6 മണിക്ക് തൈക്കാട് ഭാരത് ഭവനില്‍ നടക്കുന്ന പ്രദര്‍ശനത്തിന് പ്രവേശനം സൗജന്യമായിരിക്കും. 18 വയസ്സിനു മുകളിലുള്ളവര്‍ക്ക് മാത്രമേ പ്രവേശനം അനുവദിക്കുകയുള്ളൂ.
2000ത്തില്‍ നടന്ന ബെര്‍ലിന്‍ ചലച്ചിത്രമേളയില്‍ മികച്ച രണ്ടാമത്തെ ചിത്രത്തിനുള്ള ഗ്രാന്റ് പ്രി, എക്യുമെനിക്കല്‍ ജൂറി പ്രൈസ് എന്നീ രണ്ട് അംഗീകാരങ്ങള്‍ നേടിയ ചിത്രമാണിത്. ഗോള്‍ഡന്‍ ബെയര്‍ പുരസ്‌കാരത്തിന് ചിത്രം നാമനിര്‍ദേശം ചെയ്യപ്പെടുകയുമുണ്ടായി. സണ്‍ഡാന്‍സ് ചലച്ചിത്രമേളയില്‍ മികച്ച ലോകസിനിമയ്ക്കുള്ള പ്രേക്ഷകപുരസ്‌കാരവും ചിത്രത്തിന് ലഭിച്ചിരുന്നു.
വടക്കന്‍ ചൈനയിലെ ഒരു ഗ്രാമത്തില്‍ അധ്യാപകനായി എത്തുന്ന യുവാവും ഒരു ഗ്രാമീണ പെണ്‍കുട്ടിയും തമ്മിലുള്ള ഹൃദയഹാരിയായ പ്രണയത്തിന്റെ ആവിഷ്‌കാരമാണിത്. അച്ഛന്റെ മരണത്തെ തുടര്‍ന്ന് ദുഃഖിതയായ അമ്മയെ കാണാനത്തെുന്ന മകന്‍ യൂഷെങ് ഇരുവരും പ്രണയകാലത്ത് എങ്ങനെ കണ്ടുമുട്ടിയെന്ന് ഓര്‍ത്തെടുക്കുന്ന വിധത്തിലാണ് ചിത്രത്തിന്റെ ആഖ്യാനം. വര്‍ത്തമാനകാലം ബ്‌ളാക് ആന്റ് വൈറ്റിലും ഭൂതകാലം കളറിലും അവതരിപ്പിച്ചിരിക്കുന്നു. 97 മിനിറ്റാണ് ചിത്രത്തിന്റെ ദൈര്‍ഘ്യം.
അടിച്ചമർത്തപ്പെട്ട ശബ്ദങ്ങൾക്ക് സിനിമയിലൂടെ ഇടം നൽകുന്നതിലും സമകാലിക വിഷയങ്ങളെക്കുറിച്ച് ചർച്ച ചെയ്യുന്നത്തിലും അന്തരാഷ്ട്ര ഡോക്യുമെന്ററി ഹ്രസ്വചലച്ചിത്രമേള എക്കാലത്തും പ്രാധാന്യം നൽകിയിട്ടുണ്ട്.…
കൊല്ലം : കൊല്ലത്ത് എ ടി എം കൗണ്ടറിൽ വെച്ച് 16 കാരിയ്ക്ക് നേരെ ലൈംഗികാതിക്രമം നടത്തിയ മധ്യവയസ്‌കൻ പിടിയിൽ.…
തിരുവനന്തപുരം: ഗോവയിലെ 13 അസോസിയേഷനു കൾ ചേർന്ന ഫെഡറേഷൻ ഓ ഫ് ഓൾ ഗോവ മലയാളി അസോസിയേഷന്റെ പ്രഥമ ദേശീയ…
തിരുവനന്തപുരം: കുറഞ്ഞ സമയത്തില്‍ ആശയം കാണികളിലേക്ക് എത്തിക്കാന്‍ ഹ്രസ്വചിത്രങ്ങള്‍ വഹിക്കുന്ന പങ്ക് വലുതാണെന്ന് യുവനടന്‍ മാത്യു തോമസ്. കേരള സംസ്ഥാന…
തിരുവനന്തപുരം: 17-ാമത് അന്താരാഷ്ട്ര ഡോക്യുമെന്ററി ഹ്രസ്വചിത്രമേള സമീപകാലത്ത് വിട്ടുപിരിഞ്ഞ ചലച്ചിത്രപ്രതിഭകള്‍ക്കുള്ള ആദരമായി ഏഴ് ചിത്രങ്ങള്‍ ഹോമേജ് വിഭാഗത്തില്‍ പ്രദര്‍ശിപ്പിക്കും.സുലൈമാന്‍ സിസ്സെ,…
തിരുവനന്തപുരം - കെസിഎൽ രണ്ടാം സീസണിലെ രണ്ടാം മല്സരത്തിൽ കൊച്ചി ബ്ലൂ ടൈഗേഴ്സ് ട്രിവാൺഡ്രം റോയൽസിനെ തോല്പിച്ചു. എട്ട് വിക്കറ്റിനായിരുന്നു…