കൾച്ചറൽ ഫെസ്റ്റ് ‘ഐക്യ 25’ ൻ്റെ ഉദ്ഘാടനം ADGP പി. വിജയൻ ഐപിഎസ് നിർവഹിച്ചു

കഴക്കൂട്ടം: മരിയൻ എൻജിനീയറിങ് കോളജിലെ കൾച്ചറൽ ഫെസ്റ്റ് ‘ഐക്യ 25‘ ൻ്റെ ഔപചാരിക ഉദ്ഘാടനം ബഹു: അഡീഷണൽ ഡയറക്ടർ ജനറൽ ഓഫ് പോലീസ് ശ്രീ പി. വിജയൻ ഐപിഎസ് നിർവഹിച്ചു.

തിരുവനന്തപുരം ലത്തീൻ അതിരൂപത ഓക്സിലറി ബിഷപ്പ് റവ: ഡോ: ക്രിസ്തുദാസ് രാജപ്പൻ അധ്യക്ഷനായിരുന്നു. ചടങ്ങ് ഉദ്ഘാടനം ചെയ്ത എഡിജിപി ഇന്ന് സമൂഹം നേരിടുന്ന മൂല്യച്യുതിയിലേക്ക് വിരൽചൂണ്ടി. ജീവിതത്തിലെ വെല്ലുവിളികൾ ഒരു ലഹരിയായി പരിഗണിച്ച് മുന്നേറാനായാൽ മറ്റ് ലാസ്യ ലഹരി തേടി പോകേണ്ടി വരികയില്ലെന്നും മരിയൻ എൻജിനീയറിങ് കോളേജ് അതിനൊരു മാതൃക ആകട്ടെ എന്നും അദ്ദേഹം ആശംസിച്ചു.

മാനേജർ റവ: ഡോ. എ. ആർ. ജോൺ സ്വാഗതം അർപ്പിച്ചു. പ്രിൻസിപ്പൽ ഡോ. അബ്ദുൽ നിസാർ എം., ഡീൻ ഡോ. സാംസൺ എ., ബർസർ ഫാ: ജിം കാർവിൻ റൊച്ച്, വിദ്യാർത്ഥി പ്രതിനിധികളായ നന്ദന, സഹമി ഷാ എന്നിവരും സന്നിഹിതരായിരുന്നു.