ഇരുപത്തിയേഴാമത് ഓൾ കേരള ഭവൻസ് ഫെസ്റ്റിന് (കാറ്റഗറി 1 & 4) മൺവിള ഭാരതീയ വിദ്യാഭവനിൽ ആവേശോജ്വലമായ തുടക്കം കുറിച്ചു. പ്രശസ്ത സിനിമ പിന്നണി ഗായകൻ അരവിന്ദ് വേണുഗോപാൽ കലോത്സവം ഔപചാരികമായി ഉദ്ഘാടനം ചെയ്തു. സമ്മാനം നേടുകയെന്നതിനപ്പുറം പങ്കാളിത്തമാണ് പ്രധാനമെന്ന് അധ്യക്ഷ പ്രസംഗത്തിൽ ഭാരതീയ വിദ്യാഭവൻ തിരുവനന്തപുരം കേന്ദ്ര ചെയർമാൻ ശ്രീ ബാലകൃഷ്ണൻ ഐ എ എസ് ഓർമ്മപ്പെടുത്തി. ഭാരതീയ വിദ്യാഭവൻ സ്കൂളുകളുടെ കൂട്ടായ്മയാണ് ഈ കലാപ്രകടനങ്ങളുടെ നേട്ടമെന്ന് ഭാരതീയ വിദ്യാഭവൻ കൊച്ചി കേന്ദ്ര ഡയറക്ടർ ഇ. രാമൻകുട്ടി മുഖ്യ പ്രഭാഷണത്തിൽ കൂട്ടിച്ചേർത്തു. ഭാരതീയ വിദ്യാഭവൻ തിരുവനന്തപുരം കേന്ദ്ര സെക്രട്ടറി ശ്രീ ശ്രീനിവാസൻ ഐഎഎസ് , അസോസിയേറ്റ് സെക്രട്ടറി ആൻഡ് ഡയറക്ടർ ഡോക്ടർ ജി.എൽ. മുരളീധരൻ, ഭാരതീയ വിദ്യാഭവൻ കൊടുങ്ങാനൂർ പ്രിൻസിപ്പൽ ശ്രീ. സുനിൽ ചാക്കോ, പി ടി എ പ്രസിഡണ്ട് ശ്രീമതി രേഷ്മ ശ്രീരാജ് എന്നിവർ ഉദ്ഘാടന സമ്മേളനത്തിൽ സന്നിഹിതരായി. സ്കൂൾ പ്രിൻസിപ്പൽ ശ്രീമതി ദീപ വി സ്വാഗതവും വൈസ് പ്രിൻസിപ്പൽ ശ്രീമതി എസ് എസ് ജയലക്ഷ്മി കൃതജ്ഞതയും അറിയിച്ചു.
കേരളത്തിലെ 27 ഭാരതീയ വിദ്യാഭവൻ സ്കൂളുകളിൽ നിന്നായി വിവിധ കലാവിഭാഗങ്ങളിൽ എണ്ണൂറിലധികം കുട്ടികൾ കലോത്സവത്തിൻ്റെ ഭാഗമായി. സമാപന സമ്മേളനത്തിൻ്റെ ഉദ്ഘാടനം ഭാരതീയ വിദ്യാഭവൻ തിരുവനന്തപുരം കേന്ദ്ര സെക്രട്ടറി ശ്രീ. എസ്. ശ്രീനിവാസൻ ഐ എ എസ് നിർവ്വഹിച്ചു. ചടങ്ങിന് ഭാരതീയ വിദ്യാഭവൻ കേന്ദ്ര അസോസിയേറ്റ് സെക്രട്ടറി ആൻഡ് ഡയറക്ടർ ഡോക്ടർ ജി.എൽ. മുരളീധരൻ ആശംസ അറിയിച്ചു.,സ്കൂൾ പ്രിൻസിപ്പൽ ശ്രീമതി ദീപ വി സ്വാഗതവും ഹെഡ്മിസ്ട്രസ് ശ്രീമതി വീണ സാംകുട്ടി നന്ദിയും രേഖപ്പെടുത്തി.
കാക്കനാട് ഭവൻസ് ആദർശ വിദ്യാലയ ഓവറോൾ ചാമ്പ്യൻമാരായി. എളമക്കര ഭവൻസ് വിദ്യാമന്ദിർ, തിരുവാങ്കുളം ഭവൻസ് മുൻഷി വിദ്യാശ്രം എന്നീ സ്കൂളുകൾ യഥാക്രമം രണ്ടും മൂന്നും സ്ഥാനങ്ങൾക്കർഹരായി.
