#’ഫാം ഫ്യൂഷൻ 25 ‘ൽ ഫാം വിസിറ്റും നാടൻ ഭക്ഷ്യമേളയും തുടങ്ങി നിരവധി പരിപാടികൾ#
ജില്ലാ പഞ്ചായത്തിന്റെയും കാർഷിക വികസന കർഷക ക്ഷേമ വകുപ്പിന്റെയും സംയുക്താഭിമുഖ്യത്തിൽ സെപ്റ്റംബർ 17, 18, 19 തീയതികളിൽ പെരിങ്ങമ്മല ജില്ലാ കൃഷിത്തോട്ടത്തിൽ ഫാം ഫെസ്റ്റ് ‘ഫാം ഫ്യൂഷൻ 25 ‘ സംഘടിപ്പിക്കുമെന്ന് ജില്ലാ പഞ്ചായത്ത് പ്രസിഡന്റ് ഡി.സുരേഷ്കുമാർ അറിയിച്ചു.
ജില്ലാ പഞ്ചായത്തിന് കീഴിലുള്ള എല്ലാ ഫാമുകളും പങ്കെടുക്കുന്ന ഫെസ്റ്റ് സെപ്റ്റംബർ 17ന് രാവിലെ 11മണിക്ക് ഡി.കെ മുരളി എംഎൽഎ ഉദ്ഘാടനം ചെയ്യും.
ത്രിതല പഞ്ചായത്ത് ജനപ്രതിനിധികൾ, ഫാം കൗൺസിൽ അംഗങ്ങൾ, കർഷക പ്രതിനിധികൾ, വനശ്രീ, കർഷകക്കൂട്ടങ്ങൾ തുടങ്ങിയവർ പങ്കെടുക്കും.
കാർഷിക മേഖലയിലെ നൂതനസാങ്കേതിക വിദ്യകൾ പ്രയോജനപ്പെടുത്തുന്നതിനായി വിവിധ വിഷയങ്ങളെ അടിസ്ഥാനമാക്കി സെമിനാറുകൾ, പ്രദർശന വിപണന സ്റ്റാളുകൾ, ഫാം വിസിറ്റ്, കലാപരിപാടികൾ, കൃഷി അധിഷ്ഠിത വിനോദ വിജ്ഞാന മത്സരങ്ങൾ, നാടൻ ഭക്ഷ്യമേള, സർക്കാർ, അർദ്ധ സർക്കാർ, പൊതുമേഖലാ സ്ഥാപനങ്ങളുടെ സേവന സ്റ്റാളുകൾ എന്നിവ സജ്ജീകരിക്കും. ചെറുകിട കാർഷിക യന്ത്രങ്ങളുടെ അറ്റകുറ്റപ്പണികൾ കൃഷി എക്സിക്യൂട്ടീവ് എഞ്ചിനീയറുടെ കാര്യാലയത്തിന്റെ നേതൃത്വത്തിൽ ഫാം ഫെസ്റ്റിൽ ചെയ്തുകൊടുക്കുന്നതാണ്.
സെപ്റ്റംബർ 17ന് രാവിലെ 11.30ന് ‘കാലാവസ്ഥാനുസൃത കൃഷി ‘ എന്ന വിഷയത്തിൽ കാർഷിക സെമിനാർ നടത്തും. ഉച്ചതിരിഞ്ഞ് 2.30ന് സ്കൂൾ കുട്ടികൾക്കായി കാർഷിക ക്വിസ് മത്സരം സംഘടിപ്പിക്കും. 18ന് രാവിലെ 10.30ന് നടക്കുന്ന കാർഷിക സെമിനാർ കാർഷികവികസന കർഷക ക്ഷേമ വകുപ്പ് മന്ത്രി പി.പ്രസാദ് ഉദ്ഘാടനം ചെയ്യം. ‘കീടനാശിനി സുരക്ഷിത ഉപയോഗം ‘ എന്ന വിഷയത്തിലാണ് സെമിനാർ സംഘടിപ്പിക്കുന്നത്. തുടർന്ന് ഉച്ചതിരിഞ്ഞ് 2.30ന് കലാകായിക മത്സരങ്ങൾ നടത്തും.
സെപ്റ്റംബർ 19ന് രാവിലെ 10.30ന് ‘സംയോജിത രോഗനിയന്ത്രണം പച്ചക്കറി വിളകളിൽ ‘ എന്ന വിഷയത്തിൽ സെമിനാർ നടത്തും. തുടർന്ന് വിവിധ കലാപരിപാടികൾ അരങ്ങേറും. തിരുവനന്തപുരം ജില്ലാ പഞ്ചായത്തിലെ എല്ലാ ഫാമുകളും ലാഭകരമായി പ്രവർത്തിക്കുന്നുവെന്നും ഫാം ഫെസ്റ്റ് ജില്ലയിലെ ഫാമുകൾക്ക് പുത്തൻ ഉണർവ് നൽകുമെന്നും ജില്ലാ പഞ്ചായത്ത് പ്രസിഡന്റ് പറഞ്ഞു.
ജില്ലാ പഞ്ചായത്ത് കാര്യാലയത്തിൽ നടന്ന വാർത്താസമ്മേളനത്തിൽ കൃഷി ഡെപ്യൂട്ടി ഡയറക്ടർ ഷീന എസ്.എൽ പങ്കെടുത്തു.
80-ാമത് സ്വാതന്ത്ര്യദിനാഘോഷത്തോടനുബന്ധിച്ച് ഇന്ത്യൻ വ്യോമസേനാ ബാൻഡ് കനകക്കുന്നു നിശാഗന്ധി ഓഡിറ്റോറിയത്തിൽ അവതരിപ്പിച്ച സംഗീത വിരുന്ന് നഗരവാസികൾക്ക് വിസ്മയമായി. ചടങ്ങിൽ മുഖ്യാതിഥിയായി…
ക്ഷേത്രത്തിന്റെ ചിത്രമുള്ള സ്ഥിരം തപാൽ മുദ്രയും പ്രത്യേക പ്രീമിയം തപാൽ കവറും പുറത്തിറക്കി തിരുവനന്തപുരം: അനന്തപുരിയുടെ അഭിമാനമായ ശ്രീപദ്മനാഭസ്വാമി ക്ഷേത്രത്തിന്…
തിരുവനന്തപുരം: മതത്തിന്റെയും ദേശീയതയുടെയും പേരിൽ ഉൾപ്പോരുകൾ ഉടലെടുക്കുന്ന ആധുനിക കാലത്ത് രാജ്യത്തിന്റെ മഹത്തായ മൂല്യങ്ങളും ആത്മീയതയും മതസൗഹാർദവും സംരക്ഷിക്കുക എന്ന…
തിരുവനന്തപുരം: കർക്കടകവാവിനോട് അനുബന്ധിച്ച് ജില്ലയിലെ പ്രധാന ബലിതർപ്പണ കേന്ദ്രങ്ങളിൽ ഒരുക്കങ്ങൾ പൂർത്തിയായി. തിരുവിതാംകൂർ ദേവസ്വം ബോർഡിന്റെ കീഴിലുള്ള തിരുവല്ലം പരശുരാമ…
തിരുവനന്തപുരം: തിരുവനന്തപുരം തമിഴ് സംഘത്തിൻ്റെ ഉള്ളൂർ എസ് പരമേശ്വരയ്യർ, എ മാധവൻ അവാർഡുകൾ വിതരണം ചെയ്തു. റിട്ട. തമിഴ് നാട്…
ന്യൂയോർക്ക്/ന്യൂഡൽഹി: അദാനി ഗ്രൂപ്പ് ചെയർമാൻ ഗൗതം അദാനിക്കും അദ്ദേഹത്തിന്റെ അനന്തരവൻ സാഗർ അദാനിക്കുമെതിരായ യുഎസിലെ ക്രിമിനൽ കേസ് കോടതി തള്ളി.…