തിരുവനന്തപുരം: വൈലോപ്പിള്ളി സംസ്കൃതി ഭവന്റെയും സംസ്കാരസാഹിതി തിരുവനന്തപുരത്തിന്റെയും ആഭിമുഖ്യത്തിൽ സംഘടിപ്പിച്ച മഹാകവി വൈലോപ്പിള്ളി ശ്രീധരമേനോന്റെ പ്രതിമ അനാച്ഛാദന ചടങ്ങ് ബുധനാഴ്ച വൈകുന്നേരം തിരുവനന്തപുരം വൈലോപ്പിള്ളി സംസ്കൃതി ഭവനിൽ നടന്നു.
ബഹു. ടൂറിസം, സംസ്കാരിക വകുപ്പ് മന്ത്രി ശ്രീ. പി. സി. വിഷ്ണുനാഥ് ചടങ്ങ് ഉദ്ഘാടനം ചെയ്തു. ബഹു. ആരോഗ്യ വകുപ്പ് മന്ത്രി ശ്രീ. കെ. മുരളീധരൻ അധ്യക്ഷത വഹിച്ചു. ചടങ്ങിൽ ചെയർമാനും സംസ്കാരസാഹിതി പ്രസിഡന്റുമായ ശ്രീ. സി. ആർ. മഹേഷ് എം.എൽ.എ. മുഖ്യപ്രഭാഷണം നടത്തി.
മഹാകവി വൈലോപ്പിള്ളി ശ്രീധരമേനോന്റെ സാഹിത്യ-സാംസ്കാരിക സംഭാവനകളെ അനുസ്മരിച്ച ചടങ്ങിൽ സാഹിത്യ-സാംസ്കാരിക രംഗത്തെ നിരവധി പ്രമുഖരും എഴുത്തുകാരും കലാസ്വാദകരും പങ്കെടുത്തു. വൈലോപ്പിള്ളിയുടെ കൃതികളും അദ്ദേഹത്തിന്റെ സാഹിത്യപാരമ്പര്യവും പുതിയ തലമുറയിലേക്ക് കൂടുതൽ വ്യാപിപ്പിക്കേണ്ടതിന്റെ ആവശ്യകത ചടങ്ങിൽ പങ്കെടുത്തവർ ചൂണ്ടിക്കാട്ടി.
സാഹിത്യസ്നേഹികളുടെയും സാംസ്കാരിക പ്രവർത്തകരുടെയും സാന്നിധ്യംകൊണ്ട് ശ്രദ്ധേയമായ പരിപാടി വൈലോപ്പിള്ളി ശ്രീധരമേനോന്റെ സ്മരണകൾ പുതുക്കിക്കൊണ്ടാണ് സമാപിച്ചത്.
