കോഴിക്കോട്: ദി വൈറ്റ് സ്കൂൾ ഇന്റർനാഷണൽ വിപുലമായ ഓണാഘോഷം സംഘടിപ്പിച്ചു. പാരമ്പര്യം, ഒരുമ, സഹജീവി സ്നേഹം, സാമൂഹിക ഉത്തരവാദിത്തം എന്നിവ മുൻനിർത്തിയായിരുന്നു ആഘോഷം.
ആഘോഷത്തിലെ പ്രധാന ആകർഷണം വിദ്യാർത്ഥികളുടെ നേതൃത്വത്തിൽ ഒരുക്കിയ 10 മീറ്റർ വ്യാസമുള്ള മെഗാ പച്ചക്കറി പൂക്കളമായിരുന്നു. സ്കൂളിലെ ടെന്നിസ് കോർട്ടിൽ വിവിധ നിറങ്ങളിലും ആകൃതികളിലുമുള്ള പച്ചക്കറികൾ ഉപയോഗിച്ചാണ് പൂക്കളം ഒരുക്കിയത്.
വിദ്യാർത്ഥികൾ വീടുകളിൽ നിന്ന് കൊണ്ടുവന്ന പച്ചക്കറികളാണ് ഇതിനായി ഉപയോഗിച്ചത്. ഭക്ഷ്യവസ്തുക്കൾ പാഴാക്കാതെ ആവശ്യക്കാരിലേക്ക് എത്തിക്കുക എന്ന ആശയത്തിന്റെ ഭാഗമായാണ് ഈ രീതിയെന്ന് സ്കൂൾ അധികൃതർ അറിയിച്ചു. പൂക്കളത്തിന് ശേഷം പച്ചക്കറികൾ സ്കൂളിലെ സപ്പോർട്ട് സ്റ്റാഫ് അംഗങ്ങൾക്കും പ്രദേശത്തെ നിർധന കുടുംബങ്ങൾക്കും വിതരണം ചെയ്യും.
തിരുവാതിര, ഓണപ്പാട്ടുകൾ, നൃത്തങ്ങൾ, ഓണസദ്യ എന്നിവയും ആഘോഷത്തിന്റെ ഭാഗമായി നടന്നു.
പഠനത്തിനപ്പുറം മാനവിക മൂല്യങ്ങളും സാമൂഹിക ഉത്തരവാദിത്തവും വിദ്യാർത്ഥികളിൽ വളർത്തുകയെന്ന ലക്ഷ്യത്തോടെയാണ് വേറിട്ട ഓണാഘോഷം സംഘടിപ്പിച്ചതെന്ന് ഹൈലൈറ്റ് എഡ്യൂക്കേഷണൽ ഇനിഷ്യേറ്റീവ്സ് ഡയറക്ടറും ഹെഡ് ഓഫ് സ്കൂൾസുമായ ഡോ. പത്മ ഹരിഹരൻ പറഞ്ഞു.
തിരുവനന്തപുരം അമ്മ കെയർ ഹോമിലെ അന്തേവാസികൾക്കൊപ്പം കെഎസ്ഇബി ചെയർമാൻ എം.ജി. രാജമാണിക്യവും ഭാര്യയും ഇന്റലിജൻസ് ഐജിയുമായ ആർ. നിശാന്തിനിയും ഓണം…
നേമം റെയിൽവേ സ്റ്റേഷനിലെ ശേഷിക്കുന്ന വികസന പ്രവർത്തനങ്ങൾ അടിയന്തരമായി പൂർത്തിയാക്കണമെന്ന് ആവശ്യപ്പെട്ട് ബിജെപി സംസ്ഥാന ജനറൽ സെക്രട്ടറി അഡ്വ. എസ്.…
ഓണസമൃദ്ധി കർഷകച്ചന്തകൾക്ക് തുടക്കമായി ആഘോഷവേളകളിൽ വിപണിയിൽ ഉണ്ടായേക്കാവുന്ന കൃത്രിമ വിലക്കയറ്റവും സാധനങ്ങളുടെ ക്ഷാമവും സാധാരണക്കാരെ ബാധിക്കരുതെന്ന നിർബന്ധം സർക്കാരിനുണ്ടെന്ന് കൃഷിവകുപ്പ്…
തിരുവനന്തപുരം: ഗ്രീൻഫീൽഡ് സ്റ്റേഡിയത്തിൽ ബാറ്റ് കൊണ്ട് കൊടുങ്കാറ്റ് തീർത്ത് ആലപ്പി റിപ്പിൾസ് ഉപനായകൻ മുഹമ്മദ് അസറുദ്ദീൻ. ട്രിവാൻഡ്രത്തിന്റെ ബൗളിങ് നിരയെ…
പുതിയ തുടക്കങ്ങൾക്കും സാമ്പത്തിക കാര്യങ്ങളിലെ ജാഗ്രതയ്ക്കും പ്രാധാന്യം നൽകുന്ന ദിവസമായി ഇന്നത്തെ നക്ഷത്രഫലം വിലയിരുത്തുന്നു.
അനധികൃത മത്സ്യബന്ധനം നടത്തിയെന്ന് ആരോപിക്കപ്പെടുന്ന ബോട്ട് തടയാൻ ശ്രമിച്ച ചെറുകിട മത്സ്യത്തൊഴിലാളികൾക്ക് നേരെ ജീവനക്കാരുടെ ആക്രമണം ഉണ്ടായതായി റിപ്പോർട്ട്.