വിദ്യാഭ്യാസ-കായിക പ്രോത്സാഹന അവാര്ഡുകൾ വിതരണം ചെയ്തു.
മത്സ്യത്തൊഴിലാളികളുടെ മക്കളുടെ വിദ്യാഭ്യാസ നിലവാരം ഉയർത്തുന്നതിനും സമഗ്രവികസനത്തിനും പ്രത്യേക പദ്ധതികൾ നടപ്പാക്കിവരികയാണെന്ന് മത്സ്യബന്ധനം, ഹാര്ബര് എന്ജിനീയറിംഗ്, സാമൂഹിക നീതി വകുപ്പ് മന്ത്രി വി.ഇ അബ്ദുള് ഗഫൂര്. വെട്ടുകാട് പാരീഷ് ഹാളിൽ സംസ്ഥാനത്തെ മത്സ്യത്തൊഴിലാളികളുടേയും അനുബന്ധത്തൊഴിലാളികളുടേയും കുട്ടികള്ക്ക് വിദ്യാഭ്യാസ-കായിക പ്രോത്സാഹന അവാര്ഡുകൾ വിതരണം ചെയ്ത് സംസാരിക്കുകയായിരുന്നു അദ്ദേഹം.
സംസ്ഥാനത്ത് ഫിഷറീസ് വകുപ്പിന് കീഴിൽ പത്ത് സ്കൂളുകളാണ് ഉള്ളത്. ഫിഷറീസ് സ്കൂളുകളിലെ പ്രൈമറി ക്ലാസ്സുകളിൽ ഇംഗ്ലീഷ് മീഡിയം ഡിവിഷനുകൾ ഉടൻ ആരംഭിക്കും. സർഫിംഗ് സ്കൂളുകൾ സംസ്ഥാനത്ത് മൂന്ന് കേന്ദ്രങ്ങളിലായി തുടങ്ങും. തീരദേശമേഖലയിലെ 130 വിദ്യാർത്ഥികൾക്ക് 1,25,000 രൂപ വീതം മെഡിക്കൽ-എൻജിനീയറിംഗ് എൻട്രൻസ് പരിശീലനത്തിനായി നൽകുന്നുണ്ട്. കായിക മേഖലയിലും മികച്ച പ്രോത്സാഹനം കുട്ടികൾക്ക് നൽകുന്നുണ്ടെന്നും മന്ത്രി പറഞ്ഞു.
ഗതാഗത വകുപ്പ് മന്ത്രി സി.പി ജോണ് ചടങ്ങില് അധ്യക്ഷത വഹിച്ചു. കേരളത്തിൽ ഏറ്റവും കൂടുതൽ മാറ്റം നടക്കുന്നത് തീരപ്രദേശങ്ങളിലാണെന്നും ഇവിടുത്തെ കുട്ടികൾ കേരളത്തിലെ മറ്റ് മേഖലകളിലെ കുട്ടികളേക്കാൾ അതിവേഗത്തിൽ കുതിച്ചു കൊണ്ടിരിക്കുകയാണെന്നും മന്ത്രി പറഞ്ഞു. തീരപ്രദേശത്തെ വിദ്യാർത്ഥികൾ ലോകത്ത് നക്ഷത്രത്തിളക്കത്തോടു കൂടി നിൽക്കുമെന്നും കേരള സർക്കാർ അവർക്കൊപ്പമുണ്ടെന്നും അദ്ദേഹം കൂട്ടിച്ചേർത്തു.
2025-26 അധ്യയന വര്ഷത്തില് എസ്.എസ്.എല്.സി, പ്ലസ്ടു, വി.എച്ച്.എസ്.സി ഫിഷറീസ് ടെക്നിക്കല് സ്കൂള് തലത്തില് ഉന്നത വിജയം നേടിയ വിദ്യാര്ത്ഥികള്ക്കുള്ള അവാര്ഡുകളും കായിക മത്സരങ്ങളില് ദേശീയ-സംസ്ഥാന തലങ്ങളില് വിജയം കരസ്ഥമാക്കിയ വിദ്യാര്ത്ഥികള്ക്കുള്ള പ്രോത്സാഹന അവാര്ഡുകളുമാണ് ചടങ്ങില് വിതരണം ചെയ്തത്. ഫിഷറീസ് വകുപ്പിന്റെയും കേരള മത്സ്യത്തൊഴിലാളി ക്ഷേമനിധി ബോർഡിന്റെയും ആഭിമുഖ്യത്തിൽ നക്ഷത്രത്തിളക്കം എന്ന പേരിലാണ് അവാർഡ് വിതരണ ചടങ്ങ് സംഘടിപ്പിച്ചത്.
മത്സ്യബന്ധന വകുപ്പ് സ്പെഷ്യല് സെക്രട്ടറി അബ്ദുള് നാസര് ബി, മത്സ്യ ബോർഡ് കമ്മീഷണർ സലിം എച്ച്, ഫിഷറീസ് അഡി.ഡയറക്ടർ സ്മിത ആർ.നായർ, വാർഡ് കൗൺസിലർമാർ, വെട്ടുകാട് ഇടവക വികാരി ഫാ. ഷാജു വില്യം, വിദ്യാർത്ഥികൾ, രക്ഷകർത്താക്കൾ തുടങ്ങിയവർ പങ്കെടുത്തു.
ബ്യൂനസ് ഐറിസ്: അർജന്റീനയുടെ ഇതിഹാസ താരം ലയണൽ മെസ്സി രാജ്യാന്തര ഫുട്ബോളിൽ നിന്ന് വിരമിക്കൽ പ്രഖ്യാപിച്ചു. അർജന്റീന ദേശീയ ടീമിനായി…
തിരുവനന്തപുരം: ലോക്സഭാ പ്രതിപക്ഷ നേതാവ് രാഹുൽ ഗാന്ധിക്കെതിരെ ഉത്തരാഖണ്ഡ് പൊലീസ് കേസെടുത്തതിൽ പ്രതിഷേധിച്ച് തിരുവനന്തപുരത്ത് കോൺഗ്രസിന്റെ നേതൃത്വത്തിൽ പ്രതിഷേധ പ്രകടനം…
തിരുവനന്തപുരം: TKM-ലെ പൂർവവിദ്യാർഥിയും ഒഡീഷ കേഡർ ഐപിഎസ് ഉദ്യോഗസ്ഥനുമായ ഷെഫീൻ അഹമ്മദ് IPS (1998 CE) അന്തരിച്ചു. തിരുവനന്തപുരത്ത് ചികിത്സയിലിരിക്കെയാണ്…
തിരുവനന്തപുരം: വെങ്ങാനൂരിൽ കാറിന് തീപിടിച്ച് ഒരാൾ മരിച്ചു. മരിച്ചയാളെ തിരിച്ചറിഞ്ഞിട്ടില്ല. ഇന്ന് വെളുപ്പിനാണ് കാറിനകത്ത് തീപിടിച്ച നിലയിൽ ഒരാളെ കണ്ടെത്തിയത്.…
വിഷ്ണു വിനോദിന്റെ തകർപ്പൻ 65 റൺസ്; 17.1 ഓവറിൽ ലക്ഷ്യം മറികടന്ന് റോയൽസിന് നിർണായക ജയം തിരുവനന്തപുരം: കേരള ക്രിക്കറ്റ്…
തിരുവനന്തപുരം: സംസ്ഥാന ടൂറിസം വകുപ്പ് സംഘടിപ്പിച്ച ഓണം വാരാഘോഷത്തോടനുബന്ധിച്ച് നടന്ന വിവിധ മത്സരങ്ങളുടെ ഫലങ്ങൾ പ്രഖ്യാപിച്ചു. അത്തപ്പൂക്കളം, തിരുവാതിരക്കളി, പതാക…