തിരുവനന്തപുരം: “റൂമിയും കൃഷ്ണനും” എന്ന വിഷയത്തെക്കുറിച്ച് സൂഫി പണ്ഡിതനും എഴുത്തുകാരനുമായ സിദ്ദിഖ് മുഹമ്മദ് അവതരിപ്പിക്കുന്ന പ്രഭാഷണ പരമ്പര ശനിയാഴ്ച ആരംഭിക്കും.പുളിയറക്കോണം മധുവനം ആശ്രമത്തിൽ ഒക്ടോബർ 19 ന് വൈകിട്ട് 5 മണിക്ക് ഗവർണർ ആരിഫ് മുഹമ്മദ് ഖാൻ പ്രഭാഷണ പരമ്പര ഉദ്ഘാടനം ചെയ്യും.
ജയരാജ് സത്യരാജ് രചിച്ച അർമേനിയൻ തത്ത്വചിന്തകനും മിസ്റ്റിക്കുമായ ജോർജ്ജ് ഇവാനോവിച്ച് ഗുർഡ്ജീഫിനെ കുറിച്ചുള്ള മലയാളത്തിലെ ആദ്യത്തെ പുസ്തകമായ “ജോർജ്‌ ഗുർഡ്ജീഫ്: വഴിയും മൊഴിയും” എന്ന പുസ്തകത്തിൻ്റെ പ്രകാശനവും ഗവർണർ നിർവ്വഹിക്കും. മത സൗഹാർദ്ധത്തിന്റെ സവിശേഷതയും പ്രസക്തിയും മുൻ നിർത്തിയുള്ള പ്രഭാഷണ പരമ്പര 19 മുതൽ 21 വരെ വൈകിട്ട് 6 മണി മുതൽ 8 മണി വരെ മൂന്ന് ഭാഗങ്ങളായാണ് നടക്കുക.
