വേളിയിലെ ഇംഗ്ലീഷ് ഇന്ത്യ ക്ലേ ഫാക്ടറി ബുധനാഴ്ച‌ തുറന്നു

മന്ത്രി പി രാജീവ് പ്ലാന്റിന്റെ സ്വിച്ച് ഓൺ ചെയ്തു;മന്ത്രി വി ശിവൻകുട്ടി ട്രക്ക് ഫ്ലാഗ്‌ഓഫ് ചെയ്തു

വർഷങ്ങളായി അടച്ചിട്ടിരുന്ന വേളിയിലെ ഇംഗ്ലീഷ് ഇന്ത്യ ക്ലേ ഫാക്ടറി തുറന്നു. വ്യവസായ വകുപ്പ് മന്ത്രി പി രാജീവ് പ്ലാന്റിന്റെ സ്വിച്ച് ഓൺ കർമം നിർവഹിച്ചു. പൊതുവിദ്യാഭ്യാസവും തൊഴിലും വകുപ്പ് മന്ത്രി വി ശിവൻകുട്ടി ട്രക്ക് ഫ്ലാഗ്‌ഓഫ് ചെയ്തു.

2020 ആഗസ്ത് ഒമ്പതിനാണ് അസംസ്‌കൃത വസ്‌തുക്കൾ കിട്ടാനില്ലെന്ന കാരണത്താൽ ഫാക്ടറി പൊടുന്നനെ അടച്ചു പൂട്ടിയത്.സർക്കാരിന്റെ നിരന്തര ഇടപെടലിനെ തുടന്നാണ് കമ്പനി തുറക്കുന്ന സാഹചര്യം ഉണ്ടായത്.

ഇഐസിഎൽ എക്സിക്യൂട്ടീവ് ഡയറക്ടർ എസ് കെ ജെയിൻ അധ്യക്ഷനായി. എം എൽഎമാരായ കടകംപള്ളി സുരേന്ദ്രൻ, വി കെ പ്രശാന്ത് എന്നിവർ പങ്കെടുത്തു.