@ ഏകലവ്യ 2025 പുരസ്കാരം ഡോ. സുജാത സായ്ക്ക്
തിരുവനന്തപുരം: ജീവിതശൈലിയുണ്ടായ അനാരോഗ്യകരമായ മാറ്റം ചെറുകുടല്, പാന്ക്രിയാസ്, ലിവര് തുടങ്ങിയ അവയവങ്ങളെ ബാധിക്കുന്ന കാന്സറിന്റെ തോത് വര്ദ്ധിക്കുവാന് കാരണമായെന്ന് പ്രമുഖ കാന്സര് സര്ജന് രുദ്ര പ്രസാദ് ആചാര്യ. കോവളത്ത് നടന്ന കാന്സര് സര്ജന്മാരുടെ അന്താരാഷ്ട്ര ദ്വിദിന ഉച്ചകോടിയുടെ സമാപന ദിനത്തില് നടന്ന ചര്ച്ചയില് പങ്കെടുത്ത് സംസാരിക്കുകയായിരുന്നു അദ്ദേഹം. മുന്കാലങ്ങളെ അപേക്ഷിച്ച് ഇപ്പോള് മലയാളികള് ഉള്പ്പെടെയുള്ളവര് ജങ്ക്ഫുഡും മാംസാഹാരവുമാണ് ഏറെ ഉപയോഗിക്കുന്നത്. ഇത്തരത്തിലുള്ള ഭക്ഷണങ്ങളുടെ അമിത ഉപയോഗം കാന്സര് രോഗത്തിന് കാരണമാകുന്നുവെന്നത് വസ്തുതയാണ്. ഈ സാഹചര്യത്തില് രോഗികള് മികച്ച പരിചരണം ഉറപ്പുവരുത്തുവാനും രോഗ പ്രതിരോധം ശക്തിപ്പെടുത്തുവാനും ഇത്തരം സംഗമങ്ങള് ഉപകരിക്കുമെന്നും അദ്ദേഹം അഭിപ്രായപ്പെട്ടു.
മാറിയ കാലഘട്ടത്തില് സങ്കേതികവിദ്യയിലൂന്നിയ നൂതന ചികിത്സാ മാര്ഗങ്ങളിലൂടെ രോഗികള്ക്ക് മികച്ച പരിചരണം നല്കുവാന് സാധിക്കുമെന്ന് ഇന്ത്യന് അസോസിയേഷന് ഓഫ് ഗാസ്ട്രോഇന്റെസ്റ്റൈനല് എന്ഡോ സര്ജന്സിന്റെ മുന് പ്രസിഡന്റ് ഡോ. അഭയ് ദാല്വി പറഞ്ഞു.നൂതന ചികിത്സാ മാര്ഗങ്ങളെ കുറിച്ച് പഠിക്കുവാനും ഇതിലൂടെ മികവാര്ന്ന രോഗീപരിചരണം ഉറപ്പുവരുത്തുവാനും യുവതലമുറയിലെ കാന്സര് സര്ജന്മാര് കാണിക്കുന്ന താത്പര്യം അഭിനന്ദാര്ഹമാണെന്ന് അദ്ദഹം വ്യക്തമാക്കി.
സമാപന ചടങ്ങിനോട് അനുബന്ധിച്ച് സേനാധിപൻ എജ്യുക്കേഷൻ ഫൗണ്ടേഷൻ നൽകി വരുന്ന ഏകലവ്യ പുരസ്കാരവും സമ്മാനിച്ചു.ലാപ റോസ്കോപ്പി സർജറിയിൽ മികവ് പുലർത്തുന്നവർക്ക് നൽകി വരുന്ന അവാർഡിന് ഡോ. സുജാത സായ് അർഹയായി. സ്വർണ മെഡലും പ്രശസ്തി പത്രവും അടങ്ങുന്നതാണ് പുരസ്കാരം. ബാംഗ്ലൂർ കിഡ്വായ് ആശുപത്രിയിലെ ലാപറോസ്കോപ്പി വിദഗ്ദ്ധയായ പുരസ്കാര ജേതാവ് പൂനെ സ്വദേശിയാണ്. സ്വർണ മെഡലും ജപ്പാനിലെ ടോക്യോ മെഡിക്കൽ യൂണിവേഴ്സിറ്റി ഫെലോഷിപ്പും അടങ്ങുന്നതാണ് പുരസ്കാരം. സേനാധിപൻ എജ്യുക്കേഷൻ ഫൗണ്ടേഷൻ സ്ഥാപകൻ ഡോ. ബൈജു സേനാധിപൻ ഡോ. സുജാതയ്ക്ക് സ്വർണ മെഡൽ സമ്മാനിച്ചു. ഡോ. ആദർശ് ചൗധരി, ഡോ. പവനിന്ദ്ര ലാൽ, ഡോ. രാജ കലയരശൻ, ഡോ. അഭയ് ദാൽവി, ഡോ. പാർത്ഥസാരഥി എന്നിവരടങ്ങുന്ന പാനലാണ് പുരസ്കാര ജേതാവിനെ തെരഞ്ഞെടുത്തത്.
രാവിലെ മുതല് നടന്ന വിവിധ സെഷനുകളിലായി കൊച്ചി അമൃത ആശുപത്രി ഗാസ്ട്രോ ഇന്റസ്റ്റൈനല് സര്ജറി വിഭാഗം മേധാവി ഡോ. സുധീര് ഒ.വി തുടങ്ങിയവർ സംസാരിച്ചു. രണ്ട് ദിവസമായി നടന്ന ഉച്ചകോടിയിൽ രാജ്യത്തിനകത്തും പുറത്തു നിന്നുമുള്ള നാനുറിലധികം കാൻസർ സർജറി വിദഗ്ദ്ധന്മാർ പങ്കെടുത്തു.
Photo – ഏകലവ്യ 2025 പുരസ്കാരം ഡോ. സുജാത സായ്ക്ക് ഡോ. ബൈജു സേനാധിപന് സമര്പ്പിക്കുന്നു
—
തദ്ദേശ തിരഞ്ഞെടുപ്പുമായി ബന്ധപ്പെട്ട് തിരുവനന്തപുരം ജില്ലാ ഇൻഫർമേഷൻ ഓഫീസും ജില്ലാ തിരഞ്ഞെടുപ്പ് വിഭാഗവും ചേർന്ന് തയ്യാറാക്കിയ ഇലക്ഷൻ ഗൈഡ് പുറത്തിറക്കി.…
സുസ്ഥിര വികസനത്തിന് ഉത്തേജനം നല്കുന്ന ബ്ലൂ എക്കോണമിയുടെ സാധ്യതകള് പ്രയോജനപ്പെടുത്തുന്നതില് രാജ്യം ശ്രദ്ധ കേന്ദ്രീകരിക്കുന്നതായും ഈ ശ്രമങ്ങളില് ഇന്ത്യന് നാവികസേന…
2036-ലെ ഒളിമ്പിക്സ് വേദി തിരുവനന്തപുരമാക്കുമെന്ന ബി.ജെ.പി പ്രകടന പത്രികയിലെ വാഗ്ദാനം തിരുവനന്തപുരത്തെ ജനങ്ങളെ കബളിപ്പിക്കാനുള്ള പച്ചക്കള്ളമാണെന്ന് പൊതു വിദ്യാഭ്യാസവും തൊഴിലും…
സ്റ്റീൽ കുപ്പിയും കുടയും കരുതണംശംഖുംമുഖത്ത് ഡിസംബർ 3ന് വൈകുന്നേരം 4.30 മണി മുതൽ ഇന്ത്യൻ നാവികസേന സംഘടിപ്പിക്കുന്ന നേവൽഡേ ഓപ്പറേഷൻ…
തദ്ദേശ തിരഞ്ഞെടുപ്പിൽ വോട്ടെടുപ്പിനുളള ഇലക്ട്രോണിക് വോട്ടിങ് മെഷീനുകൾ തയ്യാറായി. ആദ്യഘട്ട പരിശോധന കഴിഞ്ഞ് പ്രവർത്തന സജ്ജമായ ഇലക്ട്രോണിക് വോട്ടിംഗ് മെഷീനുകൾ …
അങ്കമാലി: അതിസങ്കീർണ്ണമായ നാല് മഹാധമനി ശസ്ത്രക്രിയകൾ വിജയകരമായി പൂർത്തിയാക്കി അങ്കമാലി അപ്പോളോ അഡ്ലക്സ് വൈദ്യശാസ്ത്ര രംഗത്ത് ശ്രദ്ധേയമായ നേട്ടം കൈവരിച്ചു.…