ജർമ്മനിയിലെ കൊളോണിൽ നടന്ന വേൾഡ് ഡ്വാർഫ് ഗെയിംസിൽ നാല് സ്വർണവും ഒരു വെള്ളിയും കരസ്ഥമാക്കി കേരളത്തിന്റെ അഭിമാനമായി മാറിയ സിനി കെ സെബാസ്റ്റ്യനെ ഉന്നതവിദ്യാഭ്യാസ – സാമൂഹ്യനീതി മന്ത്രി ഡോ. ആർ ബിന്ദു അനുമോദിച്ചു. നിയമസഭയിലെ മന്ത്രിയുടെ ചേംബറിൽ വച്ചായിരുന്നു ആദരം. ദർശന ക്ലബിൽ നിന്ന് പരിശീലനം നേടി മികച്ച നേട്ടം സ്വന്തമാക്കിയ സിനി കെ സെബാസ്റ്റ്യൻ കേരളത്തിന്റെയും രാജ്യത്തിന്റെയും പേര് ലോകശ്രദ്ധയിൽ കൊണ്ടുവന്നത് വഴി ഭിന്നശേഷി മേഖലയിലെ തികഞ്ഞ മാതൃകയായി ഉയർന്നുവെന്ന് മന്ത്രി ഡോ. ബിന്ദു പറഞ്ഞു.
എട്ട് കായിക ഇനങ്ങളിൽ പങ്കെടുത്ത് ജാവലിൻ ത്രോ, ഡിസ്കസ്ത്രോ, നീന്തൽ ഇനമായ 25 മീറ്റർ ഫ്രീ സ്റ്റൈൽ, 50 മീറ്റർഫ്രീ സ്റ്റൈൽ എന്നിവയിൽ സ്വർണവും, ഷോട്ട്പുട്ടിൽ വെള്ളിയുമാണ് സിനി സ്വന്തമാക്കിയത്. ഇടുക്കി വണ്ണപ്പുറം സ്വദേശിനിയാണ് സിനി.
സമൂഹത്തിൽ ഒറ്റപ്പെടുന്ന ഭിന്നശേഷിക്കാരെ ഒന്നിപ്പിക്കാനും അവരുടെ കഴിവുകൾ പ്രോത്സാഹിപ്പിക്കാനും ലക്ഷ്യമിട്ട് രൂപീകരിച്ച ദർശന ക്ലബ് നൽകിയ രണ്ടുവർഷത്തെ പരിശീലനമാണ്, സംസ്ഥാന-ദേശീയ തലത്തിലും അന്തർദേശീയ തലത്തിലും മെഡലുകൾ നേടാൻ സിനിയെ സഹായിച്ചത്. സിനിയ്ക്ക് കൂടുതൽ വിജയങ്ങൾ കൈവരിക്കാൻ കഴിയട്ടെയെന്ന് മന്ത്രി ഡോ ആർ ബിന്ദു ആശംസിച്ചു. .
ദർശന സർവീസ് സൊസൈറ്റി പ്രസിഡന്റും ദർശന ക്ലബ് ഡയറക്ടറുമായ ഫാ. സോളമൻ കടമ്പാട്ടുപറമ്പിൽ, പരിശീലകൻ അജിൽ, സഹോദരൻ സോനു തുടങ്ങിയവർ കൂടെയുണ്ടായിരുന്നു.
തദ്ദേശ തിരഞ്ഞെടുപ്പുമായി ബന്ധപ്പെട്ട് തിരുവനന്തപുരം ജില്ലാ ഇൻഫർമേഷൻ ഓഫീസും ജില്ലാ തിരഞ്ഞെടുപ്പ് വിഭാഗവും ചേർന്ന് തയ്യാറാക്കിയ ഇലക്ഷൻ ഗൈഡ് പുറത്തിറക്കി.…
സുസ്ഥിര വികസനത്തിന് ഉത്തേജനം നല്കുന്ന ബ്ലൂ എക്കോണമിയുടെ സാധ്യതകള് പ്രയോജനപ്പെടുത്തുന്നതില് രാജ്യം ശ്രദ്ധ കേന്ദ്രീകരിക്കുന്നതായും ഈ ശ്രമങ്ങളില് ഇന്ത്യന് നാവികസേന…
2036-ലെ ഒളിമ്പിക്സ് വേദി തിരുവനന്തപുരമാക്കുമെന്ന ബി.ജെ.പി പ്രകടന പത്രികയിലെ വാഗ്ദാനം തിരുവനന്തപുരത്തെ ജനങ്ങളെ കബളിപ്പിക്കാനുള്ള പച്ചക്കള്ളമാണെന്ന് പൊതു വിദ്യാഭ്യാസവും തൊഴിലും…
സ്റ്റീൽ കുപ്പിയും കുടയും കരുതണംശംഖുംമുഖത്ത് ഡിസംബർ 3ന് വൈകുന്നേരം 4.30 മണി മുതൽ ഇന്ത്യൻ നാവികസേന സംഘടിപ്പിക്കുന്ന നേവൽഡേ ഓപ്പറേഷൻ…
തദ്ദേശ തിരഞ്ഞെടുപ്പിൽ വോട്ടെടുപ്പിനുളള ഇലക്ട്രോണിക് വോട്ടിങ് മെഷീനുകൾ തയ്യാറായി. ആദ്യഘട്ട പരിശോധന കഴിഞ്ഞ് പ്രവർത്തന സജ്ജമായ ഇലക്ട്രോണിക് വോട്ടിംഗ് മെഷീനുകൾ …
അങ്കമാലി: അതിസങ്കീർണ്ണമായ നാല് മഹാധമനി ശസ്ത്രക്രിയകൾ വിജയകരമായി പൂർത്തിയാക്കി അങ്കമാലി അപ്പോളോ അഡ്ലക്സ് വൈദ്യശാസ്ത്ര രംഗത്ത് ശ്രദ്ധേയമായ നേട്ടം കൈവരിച്ചു.…