അമ്പതിലേറെ ആളുകള്‍ക്ക് ചികിത്സാ സഹായവുമായി മലയം ദൈവസഭ

ഒരു ദശാബ്ദത്തിൽ ഏറെയായി സുവിശേഷ പ്രവർത്തനങ്ങൾ കൊണ്ടും മാനവ സേവനം കൊണ്ടും നിസ്വാർത്ഥമായി സേവനമനുഷ്ഠിക്കുന്ന ഒരു ക്രിസ്തീയ ദേവാലയം ആണ് മലയം ദൈവസഭ. മഹാമാരി ലോകത്തെ ആകെ പിടിച്ചുലച്ചപ്പോഴും മലയത്തും പരിസരപ്രദേശത്തും ഉള്ള ജനങ്ങൾക്ക് ഒരു ആശ്വാസമായി മാറിയത് മലയം ദൈവസഭയുടെ നിസ്വാർത്ഥ പ്രവർത്തനങ്ങളും സേവനങ്ങളും ആണ്. മലയത്ത് ആരും പട്ടിണി കിടക്കരുത് എന്ന ഉദ്ദേശത്തോടെയാണ് മലയം ദൈവസഭ ചാരിറ്റി പ്രവർത്തനങ്ങളിൽ സജീവമാകുന്നത്. മാനുഷിക സേവനം എന്നത് ഒരു സമുദായത്തിന്റെയോ ഒരു മതത്തിന്റെയോ ഒരു ജാതിയുടെയോ അതിർ വരമ്പുകളിൽ ഒതുങ്ങുന്നത് അല്ലെന്നും മാനുഷിക സേവനം ചെയ്യാൻ നല്ലൊരു മനസ്സാണ് ആവശ്യം എന്നുള്ളതും ആണ് പാസ്റ്റർ ജെറിൻ ചേരുവിള യുടെ അഭിപ്രായം.

ഓരോ വർഷവും 100 കണക്കിന് വിദ്യാർഥികൾക്ക് പഠന സഹായങ്ങളും വിധവ സഹായങ്ങളും നടത്തിവരികയാണ് എന്നാൽ സമൂഹ മനസാക്ഷിക്ക് തന്നെ നിരക്കാത്ത വിധമുള്ള പ്രചാരണങ്ങളും ഭീഷണികളുമാണ് അദ്ദേഹത്തിന് എതിരെയും അദ്ദേഹത്തിന്റെ പ്രവർത്തനങ്ങൾക്ക് എതിരെയും ഈ ഇടയായി നടക്കുന്നത്.

എന്നാൽ ഇതൊന്നും തന്നെ തങ്ങളുടെ പ്രവർത്തനങ്ങളെയോ മാനുഷിക സഹായ മനോഭാവത്തെയോ ബാധിക്കാതെ മാനുഷിക സേവനത്തിന്റെ പുതിയ തുറകളിലേക്ക് കാൽവെപ്പ് നടത്തുകയാണ് മലയം സഭയും കൂട്ടരും 50 ഡയാലിസിസ് രോഗികളുടെ ചികിത്സാ സഹായം ഏറ്റെടുത്തിരിക്കുകയാണ് മലയം ദൈവസഭ അർഹതപ്പെട്ടവർക്ക് സൗജന്യ മെഡിസിൻ വിതരണവും നടന്നുവരുന്നു Giss Hospital ലും ആയി ചേർന്നാണ് medical പ്രവർത്തനങ്ങൾ നടത്തുന്നത്.