തിരുവനന്തപുരം: കുറഞ്ഞ സമയത്തില് ആശയം കാണികളിലേക്ക് എത്തിക്കാന് ഹ്രസ്വചിത്രങ്ങള് വഹിക്കുന്ന പങ്ക് വലുതാണെന്ന് യുവനടന് മാത്യു തോമസ്. കേരള സംസ്ഥാന ചലച്ചിത്ര അക്കാദമി സംഘടിപ്പിക്കുന്ന 17-മത് കേരള രാജ്യാന്തര ഡോക്യുമെന്ററി ഹ്രസ്വചിത്രമേളയുടെ ഡെലിഗേറ്റ് കിറ്റ് വിതരണോദ്ഘാടനച്ചടങ്ങില് സംസാരിക്കുകയായിരുന്നു അദ്ദേഹം. ചലച്ചിത്രമേഖലയിലേക്ക് കടന്നുവരാന് ആഗ്രഹിക്കുന്നവര്ക്ക് ഇത്തരം മേളകള് അവസരമൊരുക്കുന്നുവെന്നും അദ്ദേഹം കൂട്ടിച്ചേര്ത്തു. മേളയുടെ ഡെലിഗേറ്റ് കിറ്റ് സാംസ്കാരിക വകുപ്പ് ഡയറക്ടര് ഡോ ദിവ്യ എസ്. അയ്യര് ഐ.എ.എസ്. മാത്യുവിന് സമ്മാനിച്ചു. ലോകസത്യങ്ങള് അറിയാന് സത്യത്തോട് പക്ഷംചേരുന്ന ഡോക്യുമെന്ററികള് കാണേണ്ടത് അനിവാര്യമാണെന്ന് ദിവ്യ എസ്. അയ്യര് ഐ.എ.എസ് അഭിപ്രായപ്പെട്ടു.
ഒരു മുഴുനീളചിത്രത്തിന് പറയുവാന് സാധിക്കാത്ത കാര്യങ്ങള് കുറച്ചു മിനിറ്റുകള് മാത്രമുള്ള ഹ്രസ്വചിത്രങ്ങള്ക്കും ഡോക്യുമെന്ററികള്ക്കും സാധിക്കുന്നുവെന്ന് ചലച്ചിത്ര അക്കാദമി ചെയര്പേഴ്സണ് പ്രേംകുമാര് അഭിപ്രായപ്പെട്ടു. ഓരോ ഡോക്യൂമെന്ററിയും വരുംതലമുറയ്ക്കുള്ള ചരിത്രരേഖകളാണെന്നും കേവലം വിനോദോപാധികള് മാത്രമല്ലെന്നും അദ്ദേഹം പറഞ്ഞു.
തിരുവനന്തപുരം കൈരളി തിയേറ്ററില് നടന്ന ചടങ്ങില് ചലച്ചിത്ര അക്കാദമി ചെയര്പേഴ്സണ് പ്രേംകുമാര് അധ്യക്ഷനായി. കെ.എസ്.എഫ്.ഡി.സി ചെയര്പേഴ്സണ് കെ. മധു, സാംസ്കാരിക പ്രവര്ത്തക ക്ഷേമനിധി ബോര്ഡ് ചെയര്പേഴ്സണ് മധുപാല്, സാക്ഷരതാ മിഷന് അതോറിറ്റി ഡയറക്ടര് എ.ജി.ഒലീന, കേരള ഫിലിം പ്രൊഡ്യൂസേഴ്സ് അസോസിയേഷന് പ്രസിഡണ്ട് ബി.രാകേഷ് എന്നിവര് പങ്കെടുത്തു. ചലച്ചിത്ര അക്കാദമി സെക്രട്ടറി സി. അജോയ് സ്വാഗതവും ഫെസ്റ്റിവല് ഡെപ്യൂട്ടി ഡയറക്ടര് എച്ച്. ഷാജി നന്ദിയും പ്രകാശിപ്പിച്ചു.
2025 ഓഗസ്റ്റ് 22 മുതല് 27 വരെ നടക്കുന്ന മേളയില് വിവിധ വിഭാഗങ്ങളിലായി 331 ചിത്രങ്ങള് പ്രദര്ശിപ്പിക്കും. മേളയുടെ ഡെലിഗേറ്റ് രജിസ്ട്രേഷന് https://registration.iffk.in സന്ദര്ശിക്കുക.
സ്റ്റീൽ കുപ്പിയും കുടയും കരുതണംശംഖുംമുഖത്ത് ഡിസംബർ 3ന് വൈകുന്നേരം 4.30 മണി മുതൽ ഇന്ത്യൻ നാവികസേന സംഘടിപ്പിക്കുന്ന നേവൽഡേ ഓപ്പറേഷൻ…
തദ്ദേശ തിരഞ്ഞെടുപ്പിൽ വോട്ടെടുപ്പിനുളള ഇലക്ട്രോണിക് വോട്ടിങ് മെഷീനുകൾ തയ്യാറായി. ആദ്യഘട്ട പരിശോധന കഴിഞ്ഞ് പ്രവർത്തന സജ്ജമായ ഇലക്ട്രോണിക് വോട്ടിംഗ് മെഷീനുകൾ …
അങ്കമാലി: അതിസങ്കീർണ്ണമായ നാല് മഹാധമനി ശസ്ത്രക്രിയകൾ വിജയകരമായി പൂർത്തിയാക്കി അങ്കമാലി അപ്പോളോ അഡ്ലക്സ് വൈദ്യശാസ്ത്ര രംഗത്ത് ശ്രദ്ധേയമായ നേട്ടം കൈവരിച്ചു.…
വാളുകൊണ്ട് ആക്രമിക്കാൻ ശ്രമം; തിരുവനന്തപുരത്ത് കാപ്പാ കേസ് പ്രതിക്കുനേരെ പൊലീസ് വെടിയുതിർത്തു.ആര്യങ്കോട് കാപ്പാ കേസ് പ്രതിക്കുനേരെ പൊലീസ് വെടിയുതിർത്തു. പ്രതിയായ…
സാബു കക്കട്ടിൽ സംവിധാനം ചെയ്യുന്ന പ്രകാശം പരത്തുന്ന പെൺകുട്ടി എന്ന ചിത്രത്തിന്റെ ഓഡിയോ ലോഞ്ച് കോഴിക്കോട് പഴശ്ശിമ്യൂസിയം പ്രിവ്യൂ തീയേറ്ററിൽ…
സ്കോട്ട്ലാൻഡ്: 2026-ൽ നടക്കാനിരിക്കുന്ന സ്കോട്ട്ലൻഡ് പാർലമെൻ്റ് തെരഞ്ഞെടുപ്പിന് മുന്നോടിയായി എഡിൻമ്പ്രയിൽ നടന്ന ഭരണകക്ഷിയായ സ്കോട്ടിഷ് നാഷണൽ പാർട്ടിയുടെ (എസ് എൻ…