അഖിലേന്ത്യാ ട്രേഡ് ടെസ്റ്റ് പരീക്ഷയിലെ ജേതാക്കളെ അനുമോദിച്ചു

2022 ജൂലൈ – ഓഗസ്റ്റ് മാസങ്ങളിലായി നടന്ന അഖിലേന്ത്യാ ട്രേഡ് ടെസ്റ്റ് പരീക്ഷയിൽ വിജയിച്ച് ഐ.ടി.ഐകളിൽ നിന്നും നാഷണൽ ട്രേഡ് സർട്ടിഫിക്കറ്റും മാർക്ക് ലിസ്റ്റുകളും കൈപ്പറ്റുന്ന എല്ലാ ട്രെയിനികളെയും അവരെ പരിശീലിപ്പിച്ച ഇൻസ്ട്രക്ടർമാരെയും ബന്ധപ്പെട്ട മറ്റ് ഉദ്യോഗസ്ഥരെയും പൊതു വിദ്യാഭ്യാസ മന്ത്രി ശിവന്‍കുട്ടി അനുമോദിച്ചു. സംസ്ഥാന തലത്തിൽ നടക്കുന്ന ബിരുദ ദാന ചടങ്ങിന്റെ ഔദ്യോഗിക ഉദ്ഘാടനം തിരുവനന്തപുരം ചാക്കാ ഐ ടി ഐയിൽ നിർവഹിച്ചു.