ഗുരു ശ്രേഷ്ഠ പുരസ്ക്കാരം കുന്നത്തൂർ ജെ. പ്രകാശിന്

അഖിലേന്ത്യാ അവാർഡീ ടീച്ചേഴ്സ് ഫെഡറേഷൻ്റെ 2024 ലെ മികച്ച ഹൈസ്ക്കൂൾ അധ്യാപകനുള്ള ഗുരുശ്രേഷ്ഠ പുരസ്ക്കാരത്തിനായി തിരുവനന്തപുരം പട്ടം ഗവ. മോഡൽ ഗേൾസ് ഹയർ സെക്കണ്ടറി സ്കൂളിലെ ഗണിതാധ്യാപകൻ കുന്നത്തൂർ ജെ. പ്രകാശിനെ തെരഞ്ഞെടുത്തു. 1994 മുതൽ ഗണിതാധ്യാപകനായ ഇദ്ദേഹം അധ്യാപക പരിശീലകൻ, പാഠപുസ്തക കമ്മറ്റിയംഗം, വിക്ടേഴ്സ് ചാനൽ അവതാരകൻ എന്നീ നിലകളിലും പാഠപുസ്തകം, അധ്യാപകസഹായി, ചോദ്യശേഖരം , തുടങ്ങിയവയുടെ നിർമ്മാണത്തിലും പങ്കാളിയായിട്ടുണ്ട്.

അധ്യാപനത്തിന് പുറമേ കവി, ഗാനരചയിതാവ് അഭിനേതാവ് , പ്രഭാഷകൻ, എന്നീ നിലകളിലും പ്രശസ്തനാണ്. കവിതയ്ക്ക് സംസ്ഥാന അധ്യാപക ലാസാഹിത്യ വേദിയുടെ സമ്മാനം , അംബേദ്ക്കർ നാഷണൽ എക്സലൻസി പുരസ്ക്കാരം, അടൂർ ഭാസി കർമ്മ രത്ന പുരസ്കാരം , നിറവ് സാഹിത്യ പുരസ്ക്കാരം എന്നിവ ലഭിച്ചു. ഭക്തിഗാനങ്ങൾ ഉൾപ്പെടെ നാടകം, ഷോർട്ട് ഫിലിം : സംസ്ഥാന വിദ്യാഭ്യാസ വകുപ്പ്, എന്നിവയക്കു വേണ്ടി നിരവധി ഗാനങ്ങൾ രചിച്ചിട്ടുണ്ട്. 15 ലധികം ഹ്രസ്വ ചിത്രങ്ങളിലും ആൽബങ്ങളിലും അഭിനയിച്ചു. അഭിനയത്തിന് നാഷണൽ ഫിലിം അക്കാദമിയുടെ പുരസ്ക്കാരം, കേരള ഷോർട്ട് ഫിലിം ഫെസ്റ്റിവൽ പുരസ്ക്കാരം, സൗത്ത് ഇന്ത്യൻ ടെലിവിഷൻ അക്കാദമിയുടെ പുരസ്ക്കാരം എന്നിവ ലഭിച്ചിട്ടുണ്ട്. 101 ലഹരി വിരുദ്ധ പ്രഭാഷണങ്ങളിലൂടെ ലിംകാ ബുക്ക് ഓഫ് റെക്കാഡ്സിൽ ഇടം നേടിയിട്ടുണ്ട്. 2025 മെയ് 31 ന് സർക്കാർ സേവനത്തിൽ നിന്ന് വിരമിക്കും.

ജനാധിപത്യ കലാസാഹിത്യ വേദി സംസ്ഥാന ചെയർമാനും കെ.പി. എസ്. ടി. എ കൾച്ചറൽ ഫോറം സംസ്ഥാന കോഡിനേറ്ററുമാണ്.സ്പീച്ച് തെറാപ്പിസ്റ്റ് സുപ്രഭ പ്രകാശ് ഭാര്യയും ആകേഷ് പ്രകാശ് ( ഡൻ്റൽ ) , ആശിഷ് പ്രകാശ് ( പഞ്ചാബ് നാഷണൽ ബാങ്ക് ) അനുഗ്രഹ പ്രകാശ് ( സൈക്കോളജി ) എന്നിവർ മക്കളുമാണ്.

2025 ജനുവരിയിൽ തൊടുപുഴയിൽ നടക്കുന്ന ചടങ്ങിൽ പുരസ്ക്കാരം സ്വീകരിക്കും.

കുന്നത്തൂർ ജെ പ്രകാശ്
9447591455