‘കളക്ടറോടൊപ്പം’: തിരുവനന്തപുരം താലൂക്കിലെ അദാലത്ത് 13ന്

തിരുവനന്തപുരം താലൂക്ക് പരിധിയിലെ വിവിധ സര്‍ക്കാര്‍ ആഫീസുകളുമായി ബന്ധപ്പെട്ട് പൊതുജനങ്ങള്‍ക്കുള്ള റീസര്‍വേ, പോക്കുവരവ് ഒഴിച്ചുള്ള പരാതികള്‍ കേള്‍ക്കുന്നതിനും പരിഹരിക്കുന്നതിനുമായി ജില്ലാ കളക്ടര്‍ ‘കളക്ടറോടൊപ്പം‘ എന്ന പേരില്‍ അദാലത്ത് നടത്തുന്നു. ഒക്ടോബര്‍ 13ന് രാവിലെ 11 മുതല്‍ ഒരുമണിവരെ തിരുവനന്തപുരം താലൂക്കാഫീസിലാണ് അദാലത്ത്. പൊതുജനങ്ങള്‍ക്ക് അന്നേ ദിവസം നേരിട്ട് ഹാജരായി അപേക്ഷകള്‍ സമര്‍പ്പിക്കാവുന്നതാണെന്ന് ജില്ലാ കളക്ടര്‍ അറിയിച്ചു.