പഠനത്തിന്റെ ആലസ്യത്തിൽ നിന്നും മാറി ആഹ്ലാദത്തിന്റെ ലോകത്തേക്ക് കടക്കുന്ന സമയമാണ് മധ്യവേനലവധി. എന്നാൽ പലപ്പോഴും മൊബൈൽ ഫോണിലും സോഷ്യൽ മീഡിയയിലും സമയം ചിലവഴിക്കുന്നതിനാണ് കൂടുതൽ കുട്ടികളും ഇഷ്ടപ്പെടുന്നത്. എന്നാൽ തങ്ങളുടെ അവധിക്കാലം ക്രിയാത്മകമായ പ്രവർത്തനങ്ങളിലൂടെ വേറിട്ടതാക്കുകയാണ് വിതുര ഗവ.വൊക്കേഷണൽ & ഹയർ സെക്കന്ററി സ്‌കൂളിലെ സ്റ്റുഡന്റ് പോലീസ് കേഡറ്റുകൾ.നിരവധി മാതൃകാ പ്രവർത്തനങ്ങളാണ് ഓരോ അവധിക്കാലത്തും ഇവർ നടപ്പിലാക്കുന്നത്.
ശുദ്ധജല മൽസ്യ കൃഷിയും വിളവെടുപ്പും
വിതുര ഗവ.വൊക്കേഷണൽ & ഹയർസെക്കൻഡറി സ്‌കൂളിലെ സ്റ്റുഡന്റ് പോലീസ് കേഡറ്റ് പദ്ധതിയുടെ നേതൃത്വത്തിൽ തൊളിക്കോട് , കണ്ണങ്കര നടത്തി വരുന്ന മൽസ്യ കൃഷിയുടെ വിളവെടുപ്പ് വിതുര സ്റ്റേഷനിലെ സബ് ഇൻസ്‌പെക്ടർ സതി കുമാർ നിർവഹിച്ചു.ഒരു നെല്ലും ഒരു മീനും പദ്ധതിയിൽ ഉൾപ്പെടുത്തി നടത്തിയ മത്സ്യ കൃഷി നൂറുമേനി വിലയിച്ചതിൽ കുട്ടികൾ സന്തുഷ്ടരാണ്. മാതൃകാ കർഷകനായ തച്ചൻകോട് മനോഹരൻ നായരാണ് കുട്ടികൾക്ക് വേണ്ട നിർദ്ദേശങ്ങൾ നൽകുന്നത്.റിട്ടയേർഡ് പോലീസ് ഉദ്യോഗസ്ഥനായ നിസാറുദ്ധീന്റെ മത്സ്യക്കുളത്തിലാണ് വർഷങ്ങളായി സ്റ്റുഡൻറ് പോലീസ് കേഡറ്റുകൾ മൽസ്യ കൃഷി നടത്തി വരുന്നത്.കട്ല , രോഹു , ആസാം വാള ഇനത്തിൽപ്പെട്ട മൽസ്യങ്ങളാണ് വിളവെടുത്തത്. മക്കൾ അവധിക്കാലം ആഘോഷമാക്കുന്നതിൽ രക്ഷിതാക്കളും അധ്യാപകരും ഏറെ സന്തുഷ്ടരാണ്.
സ്കിൽ ഹബ്
കുട്ടികളിൽ വിവിധ തരം സ്കില്ലുകൾ വളർത്തിയെടുക്കുന്നതിനായി എസ്.പി.സി.പദ്ധതിയുടെ നേതൃത്വത്തിൽ നടന്നു വരുന്ന മറ്റൊരു പദ്ധതിയാണ് സ്കിൽ ഹബ്.ബേക്കിംഗ് , ഫ്ലവർ ആർട്ട് , ഇൻഡോർ വാട്ടർ ഗാർഡൻ , പാചകം , വേസ്റ്റ് ബിൻ നിർമാണം തുടങ്ങി നിരവധി പരിശീലനങ്ങളിലാണ് അവധിക്കാലത്ത് കുട്ടികൾ ഏർപ്പെടുന്നത്.
മധുര വനം
അന്യം നിന്നു പോകുന്ന നാടൻ പഴ വർഗങ്ങളുടെ സംരക്ഷണം മുൻ നിർത്തി ഈ അവധിക്കാലത്ത് സ്‌കൂളിൽ നിരവധി നാടൻ ഫല വൃക്ഷങ്ങളുടെ ഒരു മിയാവാക്കി ഗാർഡനും സ്റ്റുഡൻറ് പോലീസ് കേഡറ്റുകൾ സജ്ജീകരിച്ചു കഴിഞ്ഞു.
ഔഷധ വനം
പുതിയ അധ്യയന വർഷം സ്കൂളിലെത്തുന്ന കൂട്ടുകാർക്കായി അപൂർവയിനത്തിൽ പെട്ട നാൽപതോളം ഔഷധ സസ്യങ്ങളുടെ തോട്ടം തയ്യാറാക്കിയിരിക്കുകയാണ് സ്റ്റുഡൻറ് പോലീസ് കേഡറ്റുകൾ.അത്യപൂർ വ്വമായി കാണുന്ന ആരോഗ്യപച്ച , വയമ്പ് തുടങ്ങി വിവിധ സസ്യങ്ങളുടെ പേരു വിവരം ഉൽപ്പടെയാണ് ഗാർഡൻ സജ്ജീകരിച്ചിരിക്കുന്നത്. പാലോട് ട്രോപ്പിക്കൽ ബൊട്ടാണിക്കൽ ഗാർഡനിലെ സീനിയർ സയന്റിസ്റ്റായ ഡോ.മാത്യു ഡാൻ ആണ് ഔഷധ വനം തയ്യാറാക്കുന്നതിനുള്ള നിർദ്ദേശങ്ങൾ കുട്ടികൾക്ക് നൽകുന്നത്.
കൂട്ടുകാർക്ക് കൈത്താങ്ങ്
പുതിയ അധ്യയന വർഷം നിർധനരായ വിദ്യാർത്ഥികൾക്ക് പഠന സഹായം നൽകുന്നതിനും സൈക്കിൾ സവാരി പ്രോത്സാഹിപ്പിക്കുന്നതിന് വേണ്ടി വിദ്യാർത്ഥികൾക്ക് സൈക്കിളുകൾ വാങ്ങി നൽകുന്നതിനും വേണ്ടി പഴയ പത്രം വിൽപന നടത്തിയും , ആക്രി വസ്തുക്കൾ , അച്ചാർ ചലഞ്ച് , പായസം ചലഞ്ച് തുടങ്ങിയ പരിപാടികൾ സംഘടിപ്പിച്ചും അവധിക്കാലത്ത് സാമ്പത്തിക സ്വരൂപണം നടത്തുകയും ചെയ്യുന്നുണ്ട് വിതുര സ്‌കൂളിലെ സ്റ്റുഡന്റ്
പോലീസ് കേഡറ്റുകൾ
ഊർജ്ജ സംരക്ഷണ ക്യാമ്പയിൻ
വേനൽ കാലത്ത് വർധിച്ചു വരുന്ന വൈദ്യുതി ഉപയോഗം കുറയ്ക്കുന്നതിനായി ഊർജ്ജ സംരക്ഷണ ക്യാമ്പയിനിലും വ്യാപൃതരാണ് സ്റ്റുഡന്റ് പോലീസ് കേഡറ്റുകൾ. പരിസര വീടുകളിൽ എത്തി ഊർജ്ജ നഷ്ടം സംഭവിക്കാതിരിക്കാനുള്ള ബോധവത്കരണവും നൽകുന്നുണ്ട്.സ്വന്തം വീടുകളിലെ ഊർജ്ജ ഉപഭോഗം നിയന്ത്രിക്കുന്നതിന് എനർജി കാർഡുകൾ തയ്യാറാക്കി ഊർജ്ജ നഷ്ടം വിലയിരുത്താനും കേഡറ്റുകൾ പരിശ്രമിക്കുന്നു
തിരുവനന്തപുരം: രണ്ടര കിലോയില്‍ അധികം കഞ്ചാവുമായി യുവാവ് പിടിയില്‍. പേയാട് സ്വദേശി വിഷ്ണുവാണ് എക്‌സൈസ് സംഘത്തിന്റെ പിടിയിലായത്.നെയ്യാറ്റിന്‍കര കുന്നത്തുകാലില്‍ ആണ്…
കുട്ടികളുടെ അവകാശങ്ങൾ നിഷേധിക്കാൻ അനുവദിക്കില്ല: മന്ത്രി വി. ശിവൻകുട്ടികുട്ടികളുടെ പഠനം, സമാധാനം, അവകാശങ്ങൾ എന്നിവ ഏത് സാഹചര്യത്തിലും നിഷേധിക്കാൻ അനുവദിക്കില്ലെന്ന്…
സംസ്ഥാനത്ത് മാറ്റം കൊണ്ട് വരുന്നതിൽ ഗ്രാമപഞ്ചായത്തുകളുടെ പങ്ക് വലുതാണ്: മന്ത്രി കെ എൻ. ബാലഗോപാൽസംസ്ഥാനത്ത് സാധാരണ ജനങ്ങളുടെ ഇടയിൽ മാറ്റം…
ജനങ്ങളുടെ പങ്കാളിത്തമാണ് പൊതുവിദ്യാഭ്യാസത്തിന്റെ ശക്തി: മന്ത്രി വി. ശിവന്‍കുട്ടിജനങ്ങളുടെ പങ്കാളിത്തമാണ് പൊതുവിദ്യാഭ്യാസത്തിന്റെ ശക്തിയെന്ന് പൊതുവിദ്യാഭ്യാസവും തൊഴിലും വകുപ്പ് മന്ത്രി വി.ശിവന്‍കുട്ടി.…
ബിജെപി സംസ്ഥാന സെൽ കൺവീനർ മീറ്റ്;പിണറായി സർക്കാരിനെ ജനം പുറത്താക്കും: രാജീവ് ചന്ദ്രശേഖർതിരുവനന്തപുരം: ശബരിമലയിലെ അയ്യപ്പസ്വാമിയുടെ നാലരക്കിലോ സ്വർണ്ണം കൊള്ളയടിച്ച…
തിരുവനന്തപുരം: ആഗോള കൈകഴുകൽ ദിനത്തിൽ മെഡിക്കൽ കോളേജ് ആശുപത്രിയിൽ ശാസ്ത്രീയവും ഫലപ്രദവുമായ കൈകഴുകലിന്റെ പ്രാധാന്യത്തെക്കുറിച്ചും കൈകഴുകലിന്റെ ആറു ഘട്ടങ്ങളെക്കുറിച്ചും ബോധവത്കരണ…